:: منتدى شبابنا ::

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
:: منتدى شبابنا ::

منتدى الشباب منتدى متكامل به كل ماتتمناه به اقسام للكمبيوتر اقسام للترفيه المرئيات قسم للخريجين الطلبة المنتدى الاسلامى قسم الديكور والكثير الكثير


    حكايات طالب كلية التجارة "هتموت م الضحك"

    شاطر
    avatar
    tito
    فريق اول
    فريق اول

    ذكر
    عدد الرسائل : 2103
    السٌّمعَة : 2
    نقاط : 169
    تاريخ التسجيل : 11/05/2008

    حكايات طالب كلية التجارة "هتموت م الضحك"

    مُساهمة من طرف tito في الجمعة يونيو 06, 2008 8:41 am

    .........
    اصدقائى الغلبانين ....
    وحبايبنا الحلوينو العيال الصغيرين ....
    اللى قاعدين ومنفضين
    صباح / مساء الخير يا عسل يا احلى من كيلو بصل
    دى حكاية كل يوم بتحصلى ومحدش يلوم حتى لو هاكل توم
    فهذه حياتى شوية من ذكرياتى تقدرو تقولوا يومياتى
    ويلا سلام قبل ما نخلص الكلام عشان هاخش انام هااااااوووووووووم
    ****************
    المكان : شقة مصرية عادية
    الزمان: الساعة 6।5 الفجرية
    الحدث: ترقب رهيب
    ***************

    تكهرب الجو واصبح مشحونا بالمشاعر والانفعالات الكل ينتظر ... اسرة باكملها تنتظر الكل جالس يتابع الابن وهو يحاول ان ياتى بالنتيجة من على النت وفجاة ظهر اسم الطالب وبجواره تنسيقة وكليته
    midothe1كلية تجارة حلوان
    ………………
    صمت رهيب ثم
    …………………………
    صمت رهييييييييييييييييييييب
    ………………………………………………
    برضه صمت رهيييييييييييييييييييييييب

    الصمت الرهيب طول قوي يا عمنا
    خلاص .. هاقول اهو
    ثم طاااااااااااااااااخ طيييييييييييييييييييخ بووووووم دج بج
    انهالت الام على الابن مرددة عبارات المديح والشكر له : تجارة ياصايع ياضايع يافاشل.
    تلطيش على قفاه و عض بالاسنان وكل ادوات الحرب عليا الشباشب والجزم وكل افراد الاسرة والمعازيم والجيران
    وانا وانت
    يرد الفتى وهو يبتعد عنهم قائلا :وانا اعمل ايه ما انا كتبت هندسة وهيا اللى مجتشى ..........هما اللى خاسرانين
    ثم ينطلق مسرعا بعيد عن امه والبشر اللى واقفة ولكيلا تحدث مشاكل اخرى ولان قفاه مازال بيوجعه.
    نزل من المنزل والساعة 7 تقريبا لم يكن يدرى الى اين يسير ولماذا هو فى الشارع الان ولماذ يحدث له هذا ؟!!!كان يفكر بعمق ما هذا ؟؟؟انا اخش كلية تجارة !!!!
    بقى بعد التعب ده كله اخش تجارة ... !!؟؟
    يصرخ من اعماقه لااااااااااااااااااااااااااا اذن لقد لعب القدر لعبته فكان الموعد المحتوم والمكان الذى ليس له لزوم
    ثم ......
    اول يوم ... فى الجامعة
    اليوم الأول:----------------
    نفضت وما رحتش الجامعة ونمت و قلت لروحي وجع دماغ
    اليوم الثاني:----------------

    استيقظت مبكرا .. (ودى مستحيل فعلا)
    و امى تصحينى بكل حب وحنان ..اصحى يامنيل روح الجامعة قوم يا صايع
    تحب امى ان تنادينى ب يا صايع وترى انى صايع ... مفسد فى الارض ...كبير زعماء الاوغاد والنصابين
    المهم غسلت وجهى وكلت بسرعة ولبست وجريت على الشارع كان على ان اركب المترو واقطع حوالى 60محطة مترو كل مرة اذهب للجامعة فيه
    اطبعا اندهشتو ......لا لا لا عادى
    30 رايحو30 جاى ده غير الحلونة
    حاجة لذيذة وبسيطة مش صح اهئ اهئ اهئ اهئ
    المترو صباحا حاجة كدا زى ماتقول ماسورة مطرشأة وهاتفرقع ..... علبة ساردين هاتنفجر من الضغط
    ابتسمت وبلعت ريقى قائلا يهمك يهون فى سبيل العلم و لسة بحط رجلى على الباب ... وعينك ماتشوف الا النور فيضان بشر رهييييب دفعنى حتى التصق وجهى بزجاج الباب الاخر ووقعت على الارض حاولت ان اقوم لم استطع كان فى واحد فكرنى كرسى وقعد عليا وحظى الاسوا … انه شكلة كدا من النوع التقيل والدينا حر والعرق رهيب وانا احاول التكلم مش عارف مافيش اصلا هوا
    يعنى موقف ربنا لا يبتليكم بيه موقف جعلنى العن الجامعة على اللى فيها على خلانى اخشها مرت حوالى ساعة الا ربع وانا بهذا الشكل .... الا انه بدات روائح لطيفة خفيفة الدم تتسرب عبر انفى من الرجل اللى فوقى تقريبا كان فاطر فول بالبيض تقولو عليها ايه
    … غازات سامة !!!!
    ولا ريحية ميتين !!!!!
    اففففففففففففففف
    المهم على ولم استطع حمل الاخ اللى كان جالس وقعت على الارض وهو شكلة كان نايم محسش بيا بس ولاد الحلال لمحونى تحته مطبطط قامو صحو الراجل وشالوه من عليا وكان المترو بدأ يخف شوية من البشر
    ستر ربنا انى كنت اتمتع بقوة ارادة وقوة شكيمة امسك نفسى عن التقيؤ من الريحة النفاذة الجميلة التى مازال الرجل يصدرها ومر الوقت المتبقى كأنه دهر كامل
    مللللللللللللللللللللللللللللللللللللللللللللللللل لللللللللللللللللللللل


    كدت اموت من الملل
    +الريحة الحلوة
    +الريحة الحلوة
    +الريحة الحلوة
    +الجو الخانق
    + الوجوه الجميلة التى تحدق فياو كاننى من كوكب تانى ...........
    المهم وقف المترو فى محطة ولم يرد ان يتعتع من مكانه حوالى نصف ساعة وهو كدا … رخامة عاجبك أهلا وسهلا مش عاجبك … يبقى لازم يعجبك .. ويبقى أهلا وسهلا
    لم استطع الصمت كدت انفجر اخذت اصرخ واشد فى شعرى وفتحت الباب ونطيت وقطعت هدومى
    الا ان ولاد الحلال هدونى وجابولى ميه اشرب رفعت الكوب اشرب فلم استطع كانت هناك صرصار يحاول الخروج اعتبر ولاد الحلال ان هذا علامة انى لا استطيع الشرب ففتحو فمى واسقونى غصب عنى
    اوععععععع
    كح
    اوععععععععععععع
    بفففففففففففففففففففف
    كنت قد ابتعدت عنهم وخرجت اتقيأ بعيدا عنهم خرجت من المترو واخذت اسير شاورت لتاكسى الى الجامعة فبعد كل هذا لم استطع ان اركب المترو كان السواق ابن حلال هوا راخر قالى يابنى مشوارك صغير هستأذنك البيت هنا قريب هاجيب الحاجة من هناك وهانيجى بسرعه
    مصمصت شفتى وقلت يعنى جت عليك انت ماشى يا عم الحج بس وحياة الحاجة بسرعة عشان اتاخرت
    رد عليا من عنيا يا حبيبى بورررووورم
    بيييييفففف
    ااااااااااااااااااااااااااااههيا ناقصة
    التاكسى عايز زقة يابنى والنبى انزل زق شوية دى عزيزة اصيلة قلت فى سرى الله يلعن عزيزة على اليوم اللى شفتك فيه ولازم يعنى كل واحد عنده تاكسى ولا عربية يسميها عزيزة زقة يا ولاد الحلال
    هوووووووب
    اييييييييييييييييئ
    كراااااااكككررررررررركرررررراكبووووووووووووووووووووووف
    الحمد لله دارت بعد تعب رهيييييييب ندانى السواق وهو يطل عليا برأسة من الشباك يلا يابنى اركب بسرعة فتحت الباب ونطيط والعربية ماشية جلست وانا مهدود ميت من التعب والقرف من اليوم كله دا اول اليوم امال اخرة هايكون ايه؟
    ربنا يستر
    وصلنا لبيت السواق نزل ينادى على الحاجة يا حاجة ..
    يلا بسرعة عشان معايا زبون نزلت الحاجة وهى حاجة كدا عاملة زى الماموث قبل ماينقرض طب هاتخش ازاى من باب التاكسى
    صوت خطوات تقترب
    دي بتقترب أكثر
    ديب تقترب أكثر قوي مووت خالص
    ديب الخطوات هاتدوسني انا تقريبا

    صوت خطواتها على الارض
    قولت للسواق هى دى مراتك ؟؟؟؟
    قالى عيب تسأل السؤال ده دانت شاب برضة زييينا وفاهم دى المزة بتاعتى وغمز لى اندهشت لا جابة الرجل دى مزة !!!!!!!!!!!!!
    انتو فاهمين المزز غلط خالص؟؟؟؟؟؟؟؟؟؟
    ضربت كفا بكف ثم انا شاب زيهم !!!!!
    مش فاهم يقصد مين ؟؟؟
    دا الراجل شكلة لسة خارج من تربة يلا ماعلينامافيش فايدة من النصايح ركبت الحاجة بجوارى قلبى وقع فى رجليا وكنت عايز انط واجرى شعرت اننى ضئيل يعنى بالنسبة لها حاجة كدا ترانى بالميكرو سكوب وشعرت ان فى حاجة كبست على روحى وانى عايز اعيط اهئ اهئ اهئ اهئ

    حسيت انى بشوف شريط حياتى امام عينى .... خلاص انا شكلى بموووووووووووووت
    فجأة
    شعرت انى لسة عايش وان قلبى بيدق من عند ربنا والله
    قلت لن اتكلم ولن اتنفس نفسا واحدا حتى اصل للجامعة خلى اليوم يعدى على خير ...قطعنا المسافة المتبقية فى انين يخرج من الحاجة مثل انين الموتى
    استمر الانين
    انييييييييييييييين
    انييييييييييييييين
    انييييييييييييييين
    يا اسطى انت متأكد ان الحاجة عايشة ؟؟؟
    يعنى دا طبيعى !!!!
    دى شكلها بتودع……………………
    رد عليا يا عم ماتسيبنيش باكلم روحي
    نظر لي وهو يبتسم عادى لو بتسال على الصوت هيا بتحب تنيم القطط فى بوقها
    نظرت لها مذهولا ........ ثم
    علامات استفهام برضه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ثم نظرت للحاجة بخوف وبحذرنعم هذا صحيح لمحت ديل قطة يلعب بين اسنانها
    الحمد لله انها ما بتحبش تنيم بنى ادمين كنت قولت على نفسى يا رحمن يا رحيم

    "الجامعة ياباشا"
    قالها السواق
    فانتزعنى من خواطرى وافكارى عن الحاجة
    دفعت له الاجرة ونزلت
    ولسة التاكسى ماشى
    بتلفت اخش الجامعة وفجأة حدث شئ
    رهيب
    قاسى غامض متوحش
    فظييييع
    للغاية
    جداااا
    اااااااجدا
    ااااان

    بعد مانزلت من التاكسي ورايح ادخل من باب الجامعة
    سمعت دوشة وضجة و صريخ وزعيق وهويل
    - ايه الهويل ده والنبى -
    وناس بتجرى وستات وبنات اغمى عليهم حسيت ان برج التجارة بيقع علينا هنا فى مصر
    ثوانى وسمعت صراخ وعياط
    - تانى-
    وصوت ارتطام دا شكل البرج بيوقع بجد
    ببص ورايا لقيت التاكسى بتاع الحاجة خبط فى لورى طبعا النتيجة واضحة ولا عزاء للمستنتجين
    avatar
    tito
    فريق اول
    فريق اول

    ذكر
    عدد الرسائل : 2103
    السٌّمعَة : 2
    نقاط : 169
    تاريخ التسجيل : 11/05/2008

    رد: حكايات طالب كلية التجارة "هتموت م الضحك"

    مُساهمة من طرف tito في الجمعة يونيو 06, 2008 8:43 am

    تحطم اللورى وتناثر اشلاء السواق بتاعة
    ويقول من شاهد الحادثة ان الحاجة قد لمحت اللورى قادم بسرعة ومافيش متر وهايخبط فيها طلعت ايديها وراحت زقته بعيد زقته زقة بسيطة ادى اللى حصل بالظبط من كلام شهود عيان
    طرقعت اصابعى ونفضت وانا مالى ماعلينا
    مافيش فايدة من النصايح
    طبعا كانت عندى رهبة الجامعة حاجة كدا مهولة كنت عايز الف وارجع تانى
    مش عارف ليه كانت مرعبة ليا شوية ...
    اول مرة اخش جامعة بقىوفى هذا الموقف تذكرت اغنية للمطرب العالمى - عبده سكلانه-"انا على باب الجامعة ادخل ولا استنى"
    فكرت شوية وقلت شجع قلبك ...
    وادخل بقلب جامد ببص كدا
    قلت يانهار زبادى باللبن ايه دى كل شباب ...
    ايه الناس دى كلها اكيد عرفو انى جاى هههههه
    ولااااااااد الايه اكيد وكالات الانباء ذاعت انى جاى النهاردة
    ببص تانى
    ايه ده كل دى جامعة دى كبيرة مووووووووووووووت
    دخلت من باب الجامعة بقلب جامد وثقة بلا حدود كانى فاتح عكا وبعدى ومش واخد بالى
    طاخ بووووووووووم
    اتكعبلت فى الرصيف
    وديييييبب
    وقعت طبعا منظر طبيعى جميل
    شاب انيق - ال انيق آل
    والنبى تعالو شوفو - وشكلو محترم كاوى اللى على حبل وجاى بيه مرمى على رصيف مبلول وخصوصا انى وقعت بجوار واحدة جالسة تنتظر احدا مانظرت لى من فوق لتحت وقالت:
    ياى...
    قلتها يعنى شايفاني الmtm ولا أكونش عفريت من الجن اتكعبلت طبعا ...
    سورى كانت البنت اتخضت لكنها ضحكت عليا وعلى منظرى كان صعبان عليا نفسى الهدوم اتبهدلت وراح معالمها
    خلاص كنت قاعد بحاول انقذ ماتبقى من كرامتى اللى كنت داخل بيها الجامعة
    لكن فجاة
    الدنيا ضلمت وحسيت الاكسجين بيقل وانى مش قادر اتنفس وان نفسى فى رنجة
    ببص
    ورائى لقيت عملاااااااااق ضخم وبراءة العيال فى عينيه بس من نوعية العيال الرخمة
    كنت لسة هاجرى
    ومش جاى الجامعة تانى
    او انط على راسه ابوسها انى مش هاقع غصب عنى على الرصيف تانى لكن فجاة سمعت صوت عميييييييييييييق كانه من داخل كهف مهجووووووور
    انت عايز حاجةياشاطر؟؟؟؟؟؟؟؟؟؟؟؟؟؟؟؟؟
    رديت : لا ياعمو ان ماشى خلاص وجريت باقصى ماعندى لحد ما وقفت استريح شوية شكلو كدا فاكرنى بعاكس البنت دى
    الظاهر تبعو قلت ياواد نفض ...
    المهم انت نفدت بجلدك
    ببص جنبى لقيت واحد صاحبى من ايام الثانوى قاعد مع بنت بيتكلمو
    " ازيك يا بن الكئيبة"
    كنت دوما اناديه بهذ الاسم التفت ورانى
    وقالى :انت مين يا شاطر؟؟؟؟؟؟
    رحت رزعتو قلم على وشو انا مين ؟؟؟
    بتعمل مش عارفنىانا ميدو يا حيوان قالى وهو ميت من الغيظ عشان ضربته قدام واحدة اكيد بيصورلها انه رامبو هازم الديدان والحشرات معلش يا ميدو مخدتش بالى انت فى كلية ايه هنا ؟
    سالنى قولتو تجارة قالى زمل احنا برضه تجارة انا ...
    والانسة رفعت رأسها ونظرت لى بعينين صافيتين عينان لم ارى مثلهما ابدا ولن ارى مثلهما
    وقالت بصوت ملائكيانت معانا فى تجارة ؟
    لحظتها كدت افقد الوعى كانت هذه اول مرة واحدة تكلمنى …
    طبعا اذا استثنيت امى وطبعا انتو اكيد عرفينهاماتعتبرش انثى اساسا يعنى من الاخر …
    ماكنتش شفت واحدة حلوة كدا لكنى تمالكت نفسى ولم ادرى ماذا اقول تلعثمت ووشى بقى احمر يا قوطة
    ورد صاحبى احمد
    اه يا شجن ميدو معانا وخدنى على جنب لقيته بيقولى …
    اصحى يابنى انت دخلت الجامعة مش لسة عيل اتعامل معاها عادى لكن بذوق وحساب وخليك فريش قولتلو فريش ايه ياعم هو انا مروحة كان هايسبنى ويمشى جريت وراه وشديته
    قولتو طيب وانا اعمل ايه يعنى اروح اقولها ايه؟
    قالى خلاص شوفنى انا بعمل ايه وابقى قلدنى بس بطريقتك انت
    المهم احنا رايحين دلوقتى المحاضرة جاى
    قولتلو طيب لكن فجاة الدنيا ضلمت وحسيت الاكسجين بيقل وانى مش قادر اتنفس وانى نفسى فى رنجة
    اااااااااااااه تانى الاخ اللطيف باينو جه اول ما شافه احمد جرى عليه وقاله ازيك يا توتوتوتو ؟؟؟؟
    !!!!!!!
    ؟؟؟؟؟؟؟ذهلت...
    ده اسمه توتو ؟؟؟؟؟؟!!!!!!!؟؟؟؟؟؟
    توتو ده طلع صاحب احمد
    عرفه امبارح اول يوم لكنه نفض لا حمد وجرى عليا بسرعة رهيبة وقوة جبارة و.........................................
    ولسة هايشلنى من على الارض ويطلعنى السما على طول من غير ما اموت واتدفن اصلا
    والعزاء كان هايبقى النهارده بعد العشاء لقيت احمد مسكو من ايدو واتجر وراه : ايه يا توتو فيه ايه بس
    توتو: الواد ده كان بيعاكس ريهام
    احمد بيضحك يعاكس ايه ياعم دا غلبان اراهن فى سوء تفاهم
    رديت بسرعة فعلا ياتوتو بييييه انت فهمتنى غلط …
    انا بجد كنت وقعت حتى اسألها
    ريهام بألاطة : ايوا ياتوتو مكنشى قاسدو دا هو ياعينى اتخبت فى الرسيف ووقع خضنى بس كان منزرو يموت من الضحك
    ها ها ها ها
    avatar
    tito
    فريق اول
    فريق اول

    ذكر
    عدد الرسائل : 2103
    السٌّمعَة : 2
    نقاط : 169
    تاريخ التسجيل : 11/05/2008

    رد: حكايات طالب كلية التجارة "هتموت م الضحك"

    مُساهمة من طرف tito في الجمعة يونيو 06, 2008 8:46 am

    انا قلت فى بالى ايه الشلة الهبلة دى والبت دى شكلها عبيط ولا ايه
    شجن : يلا ياجماعة عشان نحضر المحاضرة
    احمد ايوا صح رايحين كلنا صح ولا ايه؟
    كله رد بالموافقة
    دخلنا المحاضرة اول مرة ليا اشوف مدرج وبشر كتيرة كدا
    ياااااااااااااااااااااه
    ايه ده طب ازاى الدكتور هيعرفهم كلهم وهيعرف مين اللى غايب ازاى
    والنبى دول بيتعبو قوى كنت طبعا لا افهم شيئا وقتهاجلسنا بجوار بعض وانا ولا معايا اى حاجة
    وحظى انى جلست بجوار شجن الدكتور دخل كله سكت سلم علينا الدكتور وبدا يهنينا وبدا يعرفنا بنفسة وازاى هو شديد مع الطلبة وحوالى ساعة بيتكلم عن انجازاتة التى اثرت فى العالم وقلبت الموازين والصفايح والجرادل وازاى هو بقى دكتور وعيالة كلهم دكاترة ومراتة برضه دكتورة
    كلام كلام لحد ماصدعت ...
    بتكلم مع شجن بقولها هيا المحاضرات كلها كدا ؟
    قالتلى لاه بس لازم كل دكتور يخش يتكلم عن نفسة شويةقلتلها ااااااه هما كدا
    لمحنى الدكتور وانا بتكلم انا شجن
    الحيوان اللى بيتكلم مع زميلته يتفضل يقوم يقف بصيت لقيت تلات تربع المردج قام وقف
    مقدرتش امسك نفسى المدرج كله كان بيتكلم وكله كان فاكر الكلام عليه ضحكت ضحكة عالية
    هعهعهعهعهعهعهعهعهعهعهع
    كله بصلى وسكت الدكتور قام وقال …ايوا انت ياحمار
    (تقريبا يعرفني)
    ياللى ضحكت انت واللى جانبك دى طبعا شجن محرجة جداااااااا وانا برضة
    بس انا عادي
    تحولت انظار المدرج كله لينا موقف لا احسد عليه فكرت شوية ..
    ।قلت ياض اعمل عبيط
    ايوا يا دكتور حضرتك بتكلمنى؟
    زعق فيا امال بكلم نفسى تعالا هنا انت وزميلتك حالاا
    اقولتلو يا دكتور …لو هاتعاقب حد يبقى انا عشان كنت بسالها معاكى قلم سلف
    قالى قلم سلف !!!
    طب تعالا هنا يا شاطر نازل طبعا وانا فى نص هدومى اللى اتبهدلت عمال افكر هايعمل فيا ايه هايعمل فيا ايه ومش واخد بالى وبصيت لقيت رجل اتمدت مرة واحدة
    وديييييييييب
    كررررراك
    بووووووووووم
    بصيت على الرجل دى وانا بقع لقيتها بتاعت توتو
    المهم كنت وصلت للدكتور بسرعة والبركة فى الحج توتو طبعا المدرج كله مات على نفسة من الضحك
    والدكتور ... قالى مانتش شايف قدامك كمان ؟؟؟
    ولا تكونش عاملى اراجوز دا انا هاوريك هارفدك هاوديك اللو مان طب يا دكتور انا اوقع نفسى ليه؟
    قالى هو كدا وخلاص استنانى بره لحد ما اخلص خرجت وانا مهموم فكرت اروح وانفض بس هوا خد اسمى والبطاقة يعنى معرفشى انفد منه يارب استرها معايا ......
    دعواتك يا امّا ساعة فى الشمس وانا واقف لحد ما المحاضرة خلصت
    والدكتور ركب العربية بتاعتو ومشى وانا ولا اكنى هنا .....
    يا دكتور يا عمنا طب البطاقة ....
    ياعم انت اخش الجامعة ازاى؟
    جريت ورا العربية لحد ما وقفت قدامها والنبى يا دكتور دا انا غلبان
    وابويا ميت
    وانا الكبير
    وامى فى الجيش
    وعندى 10 اخوات
    وانا على لحم بطنى بقالى يومين
    ....اهئ
    اهئ
    اهئ
    باينى كدا اسلوب الشحاتين هو اللى بينفع
    الراجل طلع 10 جنيه وادهالى ومشى..
    جريت
    يا دكتور انا مش قصدى اشحت انا عايز البطاقة....
    قالى آآآآآآآآآآآآآآآآآآآآآآآآآآآآآآآآآآآآه
    هو انت الولد المشاغب ؟؟؟
    اسمع يابنى انت عشان ظروفك صعبة هاسامحك
    وهاعديهالك
    بس هات العشرة جنيه الاول
    نظرت له واديتو العشرة جنيه بكل احتقار!!!
    ايه دكاترة اليومين دول يا اخويا
    الواحد ميعرفش يطلع بمصلحة خالص
    ما علين
    اهوووووووووووووف
    تعبت
    موووووووووووت
    وانا لسة فى اول محاضرة
    انا هاروح وكفاية مصايب
    ماشى مروح وفجأة حدث شيئا يندر حدوثه
    رهيب
    اااااا
    اخطير
    ااااااااااا
    مرعب
    ااااااااا
    غامض
    ااااا
    للغاية
    جداا
    ا
    ا
    avatar
    ندى
    نقيب
    نقيب

    ذكر
    عدد الرسائل : 102
    السٌّمعَة : 0
    نقاط : 35
    تاريخ التسجيل : 31/05/2008

    رد: حكايات طالب كلية التجارة "هتموت م الضحك"

    مُساهمة من طرف ندى في الجمعة يونيو 06, 2008 9:34 am

    قصة جميلة ياتيتو فعلا
    avatar
    shadow
    ملازم
    ملازم

    ذكر
    عدد الرسائل : 53
    السٌّمعَة : 0
    نقاط : 0
    تاريخ التسجيل : 18/05/2008

    رد: حكايات طالب كلية التجارة "هتموت م الضحك"

    مُساهمة من طرف shadow في الجمعة يونيو 06, 2008 6:53 pm

    قصة جميلة ونصيحة حول بنها
    النجاح ببلاش بس ابعد عن محمد النجار
    وانت هاتعدى
    avatar
    hend salama
    عريف
    عريف

    انثى
    عدد الرسائل : 17
    السٌّمعَة : 0
    نقاط : 0
    تاريخ التسجيل : 14/07/2008

    رد: حكايات طالب كلية التجارة "هتموت م الضحك"

    مُساهمة من طرف hend salama في الأربعاء يوليو 16, 2008 7:36 pm

    bgad gamela aweeeeee bas eh el ser en gm3at alex mlhash naseb fe el montada
    avatar
    tito
    فريق اول
    فريق اول

    ذكر
    عدد الرسائل : 2103
    السٌّمعَة : 2
    نقاط : 169
    تاريخ التسجيل : 11/05/2008

    رد: حكايات طالب كلية التجارة "هتموت م الضحك"

    مُساهمة من طرف tito في الأربعاء يوليو 16, 2008 8:06 pm

    شكرا على مروركم

    اما بالنسبه لــــ hend salama

    ن شاء الله يكون لجامعة اسكندرية نصيب معانا فى المنتدى بس يكون فيه اعضاء من جامعة الاسكندرية غيرك طبعا

    يعنى ممكن تقولى 5 او 6 مليون عضو كده
    avatar
    hend salama
    عريف
    عريف

    انثى
    عدد الرسائل : 17
    السٌّمعَة : 0
    نقاط : 0
    تاريخ التسجيل : 14/07/2008

    رد: حكايات طالب كلية التجارة "هتموت م الضحك"

    مُساهمة من طرف hend salama في الأحد يوليو 20, 2008 12:55 pm

    ya bgad ana bardo 7assa an elly mn gam3at alex kteeeeeeeeeeeeeeer awe bas homma mmken y3ado el 6 million tb3an
    avatar
    lastlook
    نقيب
    نقيب

    انثى
    عدد الرسائل : 142
    العمر : 27
    المزاج : واحدة بيتزا جامبوووووووووووو وفيروز مشبره
    السٌّمعَة : 0
    نقاط : 0
    تاريخ التسجيل : 27/10/2008

    رد: حكايات طالب كلية التجارة "هتموت م الضحك"

    مُساهمة من طرف lastlook في السبت ديسمبر 06, 2008 12:01 am

    على فكرة ياتيتو الموضوع تحفه جدا وكله فواااااااايد
    avatar
    eed
    مشرف برتبة ( وزير )
    مشرف برتبة  ( وزير )

    ذكر
    عدد الرسائل : 2070
    العمر : 45
    الموقع : القليوبية
    العمل/الترفيه : فنى
    السٌّمعَة : 8
    نقاط : 655
    تاريخ التسجيل : 10/05/2008

    بطاقة الشخصية
    الاسم ثلاثى: النشاط
    العمر :

    رد: حكايات طالب كلية التجارة "هتموت م الضحك"

    مُساهمة من طرف eed في السبت ديسمبر 06, 2008 7:25 pm

    حلوه القصه دى يا تيتو وربنا يوفقق لما هو خيرا للمنتدى


    _________________

      الوقت/التاريخ الآن هو الأربعاء نوفمبر 22, 2017 1:38 pm