:: منتدى شبابنا ::

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
:: منتدى شبابنا ::

منتدى الشباب منتدى متكامل به كل ماتتمناه به اقسام للكمبيوتر اقسام للترفيه المرئيات قسم للخريجين الطلبة المنتدى الاسلامى قسم الديكور والكثير الكثير


    يـومـيــــات ادارة منتدى الشباب

    شاطر
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    يـومـيــــات ادارة منتدى الشباب

    مُساهمة من طرف سندباد في السبت مايو 16, 2009 4:19 pm


    اعضاء منتدى الشباب الاحباء
    يارب الموضوع يعجبكم انا عاوز ردود بقى برأيكم
    علشان اكمل واكتب باقى اليوميات
    اول ما قام من النوم لقى الموبايل بتاعه بيرن

    فلقى الادمن بتاع المنتدى بيتصل بيه

    المشرف:اصطبحنا واصبح الملك لله ......صباح الخير يا فندم

    الادمن: خير هييجى منين الخير ياسى زفت

    انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف


    المشرف : ليه بس يا فندم دا انا حتى مغسلتش وشى ودخلت على طول على المنتدى

    الادمن : عموما ادخل شوف قسمك ودا اخر انذار ليك

    وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى


    الرسالة الأولى

    السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف

    الرسالة الثانية

    مرحب مشرفنا ..... بقلك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ...

    الرسالة الثالثة

    ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

    الرسالة الرابعة

    مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

    الرسالة الخامسة

    هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتلهولي ..على فكرة انا زعلانة محدش يثبتلي مواضيعي

    وانا مال اهلى انا محدش بيثبتلك مواضيعك متتحرقى انتى والمنتدى
    دا رده طبعا

    الرسالة السادسة

    ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ...

    الرسالة السابعة

    مساك زي الفل يا سوبر ستار المنتدى ...
    بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت

    (ماهو دا اللى ناقص)

    الرسالة الثامنة

    يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

    صحيح الى ميعرفش يقول عدس

    الرسالة التاسعة

    حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي

    الرسالة العاشرة

    (من المشرف العام)

    السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...

    الرساله الحادى عشر

    لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا

    ( ليه يعنى قالولك عليا فتحها عالم سمسم بوزع ايميلات )

    بعدها الحمد لله المشرف اتجنن


    عدل سابقا من قبل سندباد في الأحد مايو 17, 2009 4:20 pm عدل 1 مرات
    avatar
    عبدالله
    عقيد
    عقيد

    ذكر
    عدد الرسائل : 507
    السٌّمعَة : 12
    نقاط : 1327
    تاريخ التسجيل : 19/11/2008

    رد: يـومـيــــات ادارة منتدى الشباب

    مُساهمة من طرف عبدالله في السبت مايو 16, 2009 6:06 pm

    ههههههههههههههههه
    يوميات جامدة
    مستنين الباقى ياسندباد
    avatar
    المصرية
    رائد
    رائد

    انثى
    عدد الرسائل : 158
    العمر : 28
    السٌّمعَة : 3
    نقاط : 178
    تاريخ التسجيل : 15/05/2008

    رد: يـومـيــــات ادارة منتدى الشباب

    مُساهمة من طرف المصرية في السبت مايو 16, 2009 10:03 pm

    هههههههه
    ده مشرف مخنوق من نفسه اوى
    انا لو منه انتحر واريح المنتدى
    منتظرة الجديد

    السيسي
    رائد
    رائد

    ذكر
    عدد الرسائل : 160
    الموقع : مدينه نصر
    العمل/الترفيه : مهندس انتاج
    المزاج : تمام
    السٌّمعَة : 8
    نقاط : 261
    تاريخ التسجيل : 08/05/2009

    رد: يـومـيــــات ادارة منتدى الشباب

    مُساهمة من طرف السيسي في الأحد مايو 17, 2009 12:40 am

    هههههههههههههههههههههههه
    كالعاده بتموتني من الضحك يا سندباد

    السيسي
    avatar
    شذى
    نقيب
    نقيب

    ذكر
    عدد الرسائل : 108
    السٌّمعَة : 2
    نقاط : 62
    تاريخ التسجيل : 03/06/2008

    رد: يـومـيــــات ادارة منتدى الشباب

    مُساهمة من طرف شذى في الأحد مايو 17, 2009 4:03 pm

    شوقتنا ياسندباد نكمل بقيت اليوميات
    نستنين البقية
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الأحد مايو 17, 2009 4:18 pm

    انا بشكركم على متابعة الموضوع ويارب الباقى يعجبك
    بس انا غيرت عنوان الموضوع خليته يوميات ادارة منتدى الشباب
    هحاول اتخيل الى بيحصل فى الادارة بين المشرفين ورئيس المنتدى ويارب يعجبكم
    وهحاول اشرك اكبر عدد من الاعضاء ومحدش يزعل منى ده كلها من الخيال الاسماء بس الحقيقية
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الأحد مايو 17, 2009 4:29 pm


    انا عاوز بقى ردود تقولوا رأيكم علشان اكمل
    الاسماء اللى انا قولتها اللى فاكرها من زمان ممكن ناس مشيت او غيروا اسماؤهم
    وياريت محدش يزعل منى اما يلاقى اسمه
    تيتو : يافتاح ياعليم يارزاق ياكريم....صبحنا وصبح الملك لله...شغلانة ما يعلم بيها إلا ربنا... إيدك معايا يا أحمد علشان نفتح الساعة داخلة على سبعة والنهار شقشق

    تيمو : سمى انت وادخل ياتيتو....أنا عايز أنام شوية

    تيتو: ياجدع قوم بلاش كسل...المواضيع كتيرة ولسه على ما نقرأ ونفرز ونشوف إيه اللى هنخليه وإيه اللى هنحذف منه وإيه اللى هنحرقه بجاز

    تيمو : أهو سى عيد ورضوى ولف ايجيبت وسيسى جم أهم...خليهم يبتدوا معاك على ما احلق دقنى واتشطف

    تيتو: على فكرة ياجماعة عيد ده زهقنى من عيشتى... أنا مش ملاحق عليه....ده تشوفولكم صرفه معاه

    تيمو: أنا رأيى إن عيد ده نعمله اجنور او نعامله معاملة فاقد الأهلية

    عيد : الدور والباقى على سيسى ومروه ووشذى والبرنس و ...مثقفين زيادة عن النسب المسموح بيها فى أى منتدى....كلام فى الدين شوية والسياسة شوية والإرهاب شوية وابن لادن شوية والاثار شويه والازياء شويه وعالم المرأه والمطبخ شويه لما الضغط ابتدى يعلى عليا....انتم عارفين العنيين مفتحة علينا الأيام دى... وعشان يقلوظوا السلطنية علينا تلاقيهم فجأة نقلوا عالموسيقى والفن التجريدى والالعاب الكتابيه علشان ننسى الكلام التقيل

    تيتو: أنا شايف إن أخطر الموجودين على الإطلاق ايمان .....عامله ركن للسلطة فى باب المطبخ وسببت لى مشاكل فى البيت مع المدام

    تيمو: وسع ياجدع خليك فاكرنى وصل...صباحين وحته....مين بس اللى مزعلكم وانا احذفه من عالخريطة.....أنا فيه إتنين تلاتة اربعة كل واحد فيهم عامل فيها شيخ الإسلام وهما فى التوهان خالص....شفت اللى بيقول قتل السياح حلال...ده هنسكت له ولا حنبقى رجالة ونقف وقفة رجالة وكل ماحد منا يشوفوه يروح لازقه إنذار لحد ما يزهق من عيشته ويخلع لوحده

    تيتو : إحنا معاك ياخليك فاكرنى.....لازم نقف لهم وقفة رجالة...قتل السياح حرام وجوازعتريس من فؤادة باطل....اللى عايز يجاهد يجاهد هناك فى الخرابة ما يجيش يجاهد هنا فى المنتدى

    اسيرة الصمت: أنا رأيى إن الفرخة وهيا بتعبر الطريق داست على كل اللى قدامها....نتعلم من الفرخة ياجماعة مش عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه

    لف ايجيبت: عفارم يااسيرة الصمت...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم يعنى نعريهم...هيا دى

    سيسى : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يانقنعهم يا يقنعونا

    عيد : ياسيسى معلش مع إحترامى فى كام واحد جايين جداد هنا محتاجين شوية ترصيص وظبط زوايا

    الحلقة الجاية هحكيلكم عن زيارة السيد الرئيس للمنتدى
    عاوزين تعرفوا ادارة المنتدى هتتصرف ازاى .... تابعوا الحلقات
    سندباد
    كفايه بقى كده علشان ماحدش يفكر يقتلنى


    عدل سابقا من قبل سندباد في الأحد مايو 17, 2009 7:13 pm عدل 1 مرات
    avatar
    eed
    مشرف برتبة ( وزير )
    مشرف برتبة  ( وزير )

    ذكر
    عدد الرسائل : 2070
    العمر : 47
    الموقع : القليوبية
    العمل/الترفيه : فنى
    السٌّمعَة : 8
    نقاط : 655
    تاريخ التسجيل : 10/05/2008

    بطاقة الشخصية
    الاسم ثلاثى: النشاط
    العمر :

    رد: يـومـيــــات ادارة منتدى الشباب

    مُساهمة من طرف eed في الأحد مايو 17, 2009 6:26 pm

    ايه الجمال ده يا سندباد ياوكل الجو من كل الولاد
    هو محدش قدرك فالولاد حبه حبه يا سندباد
    لاء بجد كلام جميل مايطلع من راجل ساعت المحن سداد
    ياريت كتير منك فى المنتدىقائد مغوار لا تقولى اوباما ولا نجاد
    هو هو السندباد وعجبى نازل تكسر وتدشدش فى عضم الولاد
    حبه حبه يا سندباد بشويش بشويش على الولاد
    ببجد بجد حلوه جدا يا سندباد
    اخوك ابو الاعياد


    _________________
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الأحد مايو 17, 2009 7:26 pm

    ايه ياعم الشعر الجميل بس انا مستحقش كل الكلام ده
    على العموم شكرا على المرور واتمنى مواضيعى تعجبك

    السيسي
    رائد
    رائد

    ذكر
    عدد الرسائل : 160
    الموقع : مدينه نصر
    العمل/الترفيه : مهندس انتاج
    المزاج : تمام
    السٌّمعَة : 8
    نقاط : 261
    تاريخ التسجيل : 08/05/2009

    رد: يـومـيــــات ادارة منتدى الشباب

    مُساهمة من طرف السيسي في الأحد مايو 17, 2009 11:00 pm

    انت عايز توصل لايه بالظبط معايا
    بجد والله والله كل يوم قبل منام بفرفر منك من كتر الضحك ارحمني شويه
    بقيت والله ادخل اول ما اشوف سندباد كاتب موضوع اجري عليه عشاان افرفر من الضحك
    شكرا ليك ياسندباد
    سيسى : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يانقنعهم يا يقنعونا

    بالمناسبه انا مش عاقل اوي كده انا لو الموضوع ده بجد هقولك سبها تولع وانتف ريش الي انت عاوزه

    السيسي
    avatar
    عبدالله
    عقيد
    عقيد

    ذكر
    عدد الرسائل : 507
    السٌّمعَة : 12
    نقاط : 1327
    تاريخ التسجيل : 19/11/2008

    رد: يـومـيــــات ادارة منتدى الشباب

    مُساهمة من طرف عبدالله في الأحد مايو 17, 2009 11:06 pm

    هههههههههههههههه
    جامدة اوى ياسندباد
    بس انا زعلان
    انا اسمى مجاش ليه مع الناس دول ولا مش قد المقام
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الإثنين مايو 18, 2009 9:14 am

    ياسيسى باشا ربنا يخليك انت بتحرجنى بكلامك ده
    انا سعيد ان مواضيعى بتعجبك
    وبعدين انت عاقل وسيد العاقلين كمان
    وشكرا على مرورك اللى دايما بيدينى قوة علشان اكمل

    عبدالله باشا شكرا على المرور ومتزعلش منى بجد
    والقصة الجاية هتبقى فيها اكيد طبعا واحنا نقدر نستغنى عنك
    ده المنتدى ميبقاش منتدى من غير مشاركاتك
    avatar
    love@egypt
    اركان حرب
    اركان حرب

    ذكر
    عدد الرسائل : 3141
    العمر : 29
    الموقع : بتنا
    العمل/الترفيه : بخنق في زميلي وبشارك في المنتدي
    المزاج : يعني شويه كده وشويه كده
    السٌّمعَة : 4
    نقاط : 147
    تاريخ التسجيل : 09/05/2008

    رد: يـومـيــــات ادارة منتدى الشباب

    مُساهمة من طرف love@egypt في الإثنين مايو 18, 2009 9:55 am

    هههههههههههههههههههههههههههههههههههههههههههههههههههه موضوع حلو يا سندباد بس يا عم امشي جنب الحيط وخليك بعيد عن الاداره بدل ما ينتفو ريشك انا خايف عليك انا كنت في يوم في الاداره
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الإثنين مايو 18, 2009 10:06 am

    ياعم الارزاق على الله
    ينتفوا انا فدا للمنتدى
    طيب وايه اللى رفدك من الادارة خدت صابونة ولا ايه
    الف شكررررر على المرور
    avatar
    love@egypt
    اركان حرب
    اركان حرب

    ذكر
    عدد الرسائل : 3141
    العمر : 29
    الموقع : بتنا
    العمل/الترفيه : بخنق في زميلي وبشارك في المنتدي
    المزاج : يعني شويه كده وشويه كده
    السٌّمعَة : 4
    نقاط : 147
    تاريخ التسجيل : 09/05/2008

    رد: يـومـيــــات ادارة منتدى الشباب

    مُساهمة من طرف love@egypt في الإثنين مايو 18, 2009 10:12 am

    انا استقلت متقولش صابونه فال الله ولا فالك انا خارج من الاداره بمزاجي
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الإثنين مايو 18, 2009 10:14 am

    ماشى ياعم المستقيل وبعدين ده هما اللى خسروك بلا ادارة بلا وش
    avatar
    محمد
    نقيب
    نقيب

    عدد الرسائل : 148
    السٌّمعَة : 1
    نقاط : 120
    تاريخ التسجيل : 15/05/2008

    رد: يـومـيــــات ادارة منتدى الشباب

    مُساهمة من طرف محمد في الإثنين مايو 18, 2009 10:52 pm

    ههههههههههههههههههههههههه
    رغم ان اسمى مش موجود بس هضحك
    ههههههههههههههههههههه
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الخميس مايو 21, 2009 10:32 am

    نورت الموضوع يامحمد
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الخميس مايو 21, 2009 10:57 am

    يلا ياجماعة نشوف ايه اللى حصل النهاردة معادارة المنتدى
    بس عاوز ردود بقى علشان اكمل

    ادمن: ياجماعة أنا عايزكم تفتحوا عينيكم وتراقبوا الناس كويس.....الفترة دى حرجة وحساسة فى تاريخ المنتدى.... وعايزكم كمان تخزقوا عينين أى واحد يقول على المكان ده (منتدى)...المكان ده إسمه (جمهورية الشباب )
    دلوقتى تقدروا تتفضلوا على مكاتبكم جتكوا الغم ...........



    السيسى هامسا فى أذن تيمو : إيه العبارة...مال البيج بوس كارف علينا كده ليه ....اللى يسمعه يفتكر إننا بنعبى فى فلوس من ورا الشغلانة دى .... أنا الشغلانة دى لولا إنها عاملالى بريستيج ولا كنت قبلتها .... إنت عارف إنى كان نفسى من زمان أبقى مشرف إن شالله حتى على دورة ميه

    تيمو: عارف يا ياسيسى أنا زيك بالظبط ...إنت عارف إنى كان نفسى أدخل كلية الشرطة عشان تبقى فى إيدى سلطة بس مجموعى فى الثانوية العامة طلع كبير غصب عنى فاضطريت أدخل كلية الهندسة وبعدين كمان مكنتش حتقبل فى الشرطة عشان عندى تقوس فى الساقين

    رضوى: ممكن نبطل رغى شوية ونشتغل شويتين....الجدع اللى كاتب موضوع إيه الفايدة من ورا المنتدى ده عايزين نحول أوراقه لفضيلة المفتى

    عيد : هوه المفتى فاضى لنا يا رضوى
    المفتى بيحضر من دلوقتى علشان هلال شهر ذى الحجة....إنتى عارفه إن فيه فرق يوم بينا وبين السعودية.....إحنا نصفى الجدع ده من سكات...فى العزومة الجاية فى المول يكون سيسى وتيموراكبين موتوسيكل ومعاهم لف ايجيبت....وأول ما يشوفوه داخل المول يصفوه ويهربوا

    ايمان: وأنا عليا هجيب لكم صورته.....هخترق جهاز الكمبيوتر بتاعه وأدعبس فيه على صورة له يكون مخزنها على الجهاز

    اطلال: أنا ضد التصفية الجسدية....إحنا نعمل معاه زى ما عملوا مع صدام حسين ..... يعنى وهوه رايح على المول نخطفه فى عربية ونطلع بيه عالطريق الصحراوى ياخد اللى فيه النصيب ولا من شاف ولا من درى

    المصرية : تعالوا بسرعة....الحقونى.....شوفتوا الموضوع ده

    يجتمع المشرفون حول المصرية فى فزع متسائلين (موضوع إيه ؟؟)

    المصرية: ده موضوع مكتوب فى صفحة الحوادث فى أخبار اليوم مش هنا فى المنتدى

    ايمان : ممكن تتكلمى علطول ... أقصر الطرق إلى الحقيقة هى الطريق المستقيم

    المصرية : قصدك أقصر الطرق إلى السجن

    ينتزع سيسى الجريدة بقرف من يد المصرية قائلا : يختى إنطقى إحنا ناقصينك

    يقرأ سيسى المكتوب فى الجريدة بصوت مرتفع: مقتل عاملة نظافه بالمول....مسلحان يطلقان النار عليها ويلوزان بالفرار على موتوسيكل....النيابة تعد بفك غموض الجريمة خلال ساعات

    ايمان: يعنى بدل ما نصفى الجدع بتاع إيه فايدة الكتابة فى المنتدى قتلنا الولية الغلبانة دى

    تيمو : إنتى يعنى بقيتى عاميه البصر والبصيرة كمان.....إنت مش قلتى هتخترقى الجهاز بتاعه وتجيبى صورته ؟؟؟....الصورة اللى إنتى إديتهانى دى أناوسيسى نسخة منها كانت صورة الست دى....

    ايمان: شئ غريب فعلا دى شبهه تمام
    بس إيه اللى جاب صورتها على الجهاز بتاعه....لازم ألاقى حل للغز ده
    ادمن : لغز إيه وهباب إيه....الله يخيبكم....ده أنا لو معين ارنب بدالكم كان عمل شغل أنضف من كده....إنتم إيه مشرفين ولا متفرجين

    عيد : ياجماعة ايمان مالهاش فى إختراق الأجهزة .... هى بتحب تهول شويه لكن معندهاش فكره... أنا رأيى نجند لف ايجيبت وعبدالله وتيتو مقابل مكافأة شهرية ..... خبرتهم كويسة فى المسائل دى

    تيمو : بلاش تيتو ...لو خد له جوز اقلام فى القسم هيعترف علينا كلنا

    سيسى : لا حول ولا قوة إلا بالله.....ده أنا عملت فيها رامبو وأول ما شفت الوليه داخلة المول غنيت نشيد الولاء بتاع المنتدى وركعت على ركبى فى وضع الإستنفار وفضيت الرشاش فيها وبعد مالخزنة فضيت قلت لتيمو غطينى على ما أحط الخزنة التانية

    هوبة: بالمناسبة إيه نشيد الولاء ده ياسيسى
    السيسى : (ماما زمانها جايه...جايه بعد شويه...جايبه لعب وحاجات)
    avatar
    love@egypt
    اركان حرب
    اركان حرب

    ذكر
    عدد الرسائل : 3141
    العمر : 29
    الموقع : بتنا
    العمل/الترفيه : بخنق في زميلي وبشارك في المنتدي
    المزاج : يعني شويه كده وشويه كده
    السٌّمعَة : 4
    نقاط : 147
    تاريخ التسجيل : 09/05/2008

    رد: يـومـيــــات ادارة منتدى الشباب

    مُساهمة من طرف love@egypt في الخميس مايو 21, 2009 12:48 pm

    نغني بقي نشي الولا للسجن علشان شكلنا اتكشفني هو في المفتش كرمبو اصل الحكومه استعانه بخبراء من امريكا للتحقيق في القضيه واكيد هنتقفش
    avatar
    عبدالله
    عقيد
    عقيد

    ذكر
    عدد الرسائل : 507
    السٌّمعَة : 12
    نقاط : 1327
    تاريخ التسجيل : 19/11/2008

    رد: يـومـيــــات ادارة منتدى الشباب

    مُساهمة من طرف عبدالله في الخميس مايو 21, 2009 3:31 pm

    تسلم ايدك يابرنس
    موضوع جامد
    واسمى جه فى الموضوع جبتوا رجليه معاكم فى الجريمة
    avatar
    moon
    نقيب
    نقيب

    ذكر
    عدد الرسائل : 110
    السٌّمعَة : 0
    نقاط : 13
    تاريخ التسجيل : 04/06/2008

    رد: يـومـيــــات ادارة منتدى الشباب

    مُساهمة من طرف moon في الخميس مايو 21, 2009 3:33 pm

    يوميات جامدة ياسندباد
    للامام دايما
    تحرمناش من طلتك على المنتدى
    avatar
    eed
    مشرف برتبة ( وزير )
    مشرف برتبة  ( وزير )

    ذكر
    عدد الرسائل : 2070
    العمر : 47
    الموقع : القليوبية
    العمل/الترفيه : فنى
    السٌّمعَة : 8
    نقاط : 655
    تاريخ التسجيل : 10/05/2008

    بطاقة الشخصية
    الاسم ثلاثى: النشاط
    العمر :

    رد: يـومـيــــات ادارة منتدى الشباب

    مُساهمة من طرف eed في الخميس مايو 21, 2009 4:35 pm

    يوميات جميله جد يا سندباد وتسلم ايدك
    حقيقى رائع جدا


    _________________
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الخميس مايو 21, 2009 10:49 pm

    love@egypt كتب:نغني بقي نشي الولا للسجن علشان شكلنا اتكشفني هو في المفتش كرمبو اصل الحكومه استعانه بخبراء من امريكا للتحقيق في القضيه واكيد هنتقفش
    متبقاش خواف كده
    السجن للرجالة يالف ايجيبت وبعدين اقولك هنشيل تيتو القضية ونشهد ضده
    ولا يهمك وشكرا على الاهتمام والمرور
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الخميس مايو 21, 2009 10:51 pm

    عبدالله كتب:تسلم ايدك يابرنس
    موضوع جامد
    واسمى جه فى الموضوع جبتوا رجليه معاكم فى الجريمة

    اى خدمة ياعبدالله
    المهم انك معنا جريمة بقى ولا منتدى مش هتفرق يباشا
    شكرا على مرورك الذى اسعدنى جدا

      الوقت/التاريخ الآن هو الأحد ديسمبر 16, 2018 4:40 pm