:: منتدى شبابنا ::

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
:: منتدى شبابنا ::

منتدى الشباب منتدى متكامل به كل ماتتمناه به اقسام للكمبيوتر اقسام للترفيه المرئيات قسم للخريجين الطلبة المنتدى الاسلامى قسم الديكور والكثير الكثير


    يـومـيــــات ادارة منتدى الشباب

    شاطر
    avatar
    tito
    فريق اول
    فريق اول

    ذكر
    عدد الرسائل : 2103
    السٌّمعَة : 2
    نقاط : 169
    تاريخ التسجيل : 11/05/2008

    رد: يـومـيــــات ادارة منتدى الشباب

    مُساهمة من طرف tito في الأربعاء يونيو 17, 2009 5:17 am

    ههههههههههههه
    ههههههههههههههههههههههههههههه
    ايوه ياختى
    ع الاقل اهلاوى
    مش باخد الـ6 واروح

    وبعدين بيقولك فيه توقعات ان الزمالك يتعادل مع الاهلى الموسم الجاى بنتيجة 6/2
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الأربعاء يونيو 17, 2009 2:53 pm

    شكرا ياجماعة على مروركم اللى شرفنى
    avatar
    هوبة
    مقدم
    مقدم

    انثى
    عدد الرسائل : 306
    العمر : 29
    العمل/الترفيه : طالبة
    المزاج : كنت smile
    السٌّمعَة : 2
    نقاط : 262
    تاريخ التسجيل : 11/12/2008

    رد: يـومـيــــات ادارة منتدى الشباب

    مُساهمة من طرف هوبة في الجمعة يونيو 19, 2009 5:54 pm

    ههههههههههههههه
    خفه يا تيتو قال 6\2 قال
    ليه يا شاطر انت ناسي اخر ماتش واللي حصل فيكم
    وكمان حازم امام الصغير
    avatar
    tito
    فريق اول
    فريق اول

    ذكر
    عدد الرسائل : 2103
    السٌّمعَة : 2
    نقاط : 169
    تاريخ التسجيل : 11/05/2008

    رد: يـومـيــــات ادارة منتدى الشباب

    مُساهمة من طرف tito في السبت يونيو 20, 2009 2:14 am

    يانهارى
    شوفتوا يا اهلاويه
    شرف ليهم انهم يتعادلوا
    بقى معقول يقارنوا افضل نادى ف افريقيا
    بنادى ف المركز السادس وكل خميس وجمعه يغير مدرب
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الجمعة يونيو 26, 2009 10:33 am

    نكمل بقى اللى حصل علشان استعدادات زيارة الرئيس للمنتدى الحبيب
    ادمن : الفاضلة الاء أثارت نقطة مهمة وهى ركن المكتبة ... إزاى ماعندناش مكتبة فى
    المنتدى طول السنين اللى فاتت دى ... إنتم عارفين إن الريس أول ما هيوصل هيسال على أى مكتبة علشان يفتحها ... لازم نعمل ركن للمكتبة بسرعة فى المنتدى يكون ملحق بيها بوفيه واستراحة ودورة ميه

    ايمان : المكان موجود... فيه مساحة فاضية فى المنتدى الادبى كنا عاملينها خرابة بنحبس فيها الأعضاء المشاغبين ... ممكن نجيب كام بولدوزر يساويها بالأرض ونبنى مكانها مكتبة ... بس المشكلة هنملى المكتبة كتب منين ... محتاجين تمويل...خلص الكلام

    تيتو : ولا تمويل ولا حاجة ... إحنا نستعير كتب من الأعضاء لحد ما الزيارة تنتهى ... فيه أعضاء كتير مثقفين هنا فى المنتدى عندكم نودى ...رضوى ... ان انجل دى لوحدها موسوعة ... بتقرا كتير جداً ... ده حتى فى ناس بيقولوا إنها إتعمت من كتر القرايا وبتتعالج حالياً فى مستوصف ... بيحطولوها مرهم كل ساعتين فى عينيها ورابطينهم لها بشاش... يعنى مش هيحتاج الكتب دلوقتى فى حاجة

    تيمو: ما عميتش ولا حاجة يابنى ... أنا رحت زورتها فى المستوصف إمبارح وقربت من عينيها لمبة 400 وات سمعتها بتقول أح أح وده معناه إنها شايفه الضوء

    لف ايجيبت: مش شرط تكون شافت ...... ممكن تكون سوخونية اللمبة حرقت لها الشبكية فانت إفتكرتها إنها شايفه

    ان انجل : يعنى إيه شبكية ياعمو؟!

    يفتح ادمن علبة دواء الضغط ويتناول حبة بعصبية ثم يقول ممكن نركز شوية ياجماعة

    عبدالله : أنا عندى مجموعة كتب مش بطالة فى الأدب والشعر وكتب طبية ممكن أبعتها

    عيد: هايل...بس محتاجين كتب أطفال...إنتوا عارفين الريس...لازم يكون فيه كتب أطفال

    هاشم : ممكن هوبة تساعدنا فى الموضوع ده ... أنا هتصل بيها تبعت لنا شوية كتب من عندها

    تيمو : انا ما عنديش أى كتب غير ميكى ... أنا رحت استلف من عند السيسى ملقتش

    عيد : ليه ياجماعة منبعتش حد الجبل يروح للمطاريد يستلف منهم شوية كتب...فيه منهم ناس كتيرمثقفين وأكيد عندهم كتب محترمة

    تيتو : حد الله ما بينا وبينهم ... تغور الكتب اللى تيجى من ريحتهم...قلبى وربى غضبانين عليهم إلى يوم القيامة

    ان انجل: مين المطاريد دول ياعمو؟!

    عيد: ادخلى نامى إنتى علشان عندك مدرسة الصبح

    ان انجل : طب تصبحوا على خير

    عيد : يعنى كويس كده لما تفتحوا عينين البت على الحاجات دى

    لف ايجيبت : يظهر مفيش حل غير إنى أوصل الجبل أقابل المطاريد

    ادمن : نيجي لأهم واخطر نقطة لابد من الإتفاق عليها ووضع أُطر وآلية تنفيذ لها .. حيث إن مستقبل المنتدي كله يتوقف عليها

    تيتو: خير قلقتني

    ادمن : أظن كلامي واضح يا سادة وماهوش رمادي ، نقول كمان .. أنا أعني يا أفاضل نقطة توزيع الادوار .. بمعنى كل واحد مننا هايعمل إيه أثناء زيارة الريس

    عيد : أنا فهمتك يا بوص ، بص يا سيدي .. أنا طبعاً هالبس الحتة السموكن السودا اللي عندي واللي ما بطلعهاش غير في المناسبات وأضرب البيبيون المفتخرة على شوية جل على شعري والنظارة الريبان السودا وهابقى ولا الخديوي عباس حلمي في زمانه ... وإنت كمان تعمل زيي وتتصرف لك في أي حتة سموكن ولك مطلق الحرية تلبس بيبيون تلبس كرافتة او كوفية مش مهم .. وانا وإنت بس نبقى في إنتظار سيادة الريس

    ادمن : عظيم عظيم ..

    عيد: عبدالله بقى هايقعد جنبنا على المنصة يلم الأسئلة اللي هاتتسأل للريس ويفرزها وينقحها والأسئلة اللي فيها قلق يرميها في الزبالة

    ادمن: ممتاز إكسلنت .. أنا كمان بأقترح إن الاء تشرف بنفسها على الأكل عشان تتأكد إن كل حاجة ماشية حسب المعايير الطبية

    ايمان : إنتوا نسيتوا حاجة مهمة ... الريس لما ييجي يفتتح المنتديات الجديدة بالتأكيد هايطلب يلقي نظرة على المنتديات المفتوحة عندنا واللي ممكن تودينا في داهية

    ادمن: قصدك إيه ؟.. أفصحى تكلمى أيتها الزميلة الفاضلة

    ايمان: أنا قصدي منتدى السياسة .. والريس أساساً ما بيطقش السياسة وعشان كده مخلي الشعب ما بيفهمش غير في سياسة التوفيق اللي شعارها بيقول ( يا بخت من وفق راسين في الحلال )

    عيد : اتفق تماماً معاكى ياايمان ، وعندك كمان منتدى مكافحة الجراد قصدي الفساد ده لوحده فيه 15 سنة سجن في معتقل المغول لكل واحد فينا

    نودى: وما ننساش المنتدى الاسلامى .. الريس ورجالته عندهم تعصب من كل ما هو إسلامي ... انا رأيي نقفله مؤقتاً ونحبس جواه كل الاعضاء ذوي التوجهات الإسلامية .. والله انا خايف عليهم من الريس

    تيمو: يعني بإختصار نخليلة الحاجة الخفيفة واللي فيها فرفشة .... أنا فهمتكوا

    ان انجل : في كمان يا جماعة موضوع كلمة المنتدى التي يجب أن يلقيها أحد الزملاء بالنيابة عننا ... أنا سيبولي الموضوع ده هاحضر كلمة محترمة وأقولها قدام الريس

    ادمن وهو بيجز على سنانة : يا شيماء لو سمحتى إستنى شوية .. كلمة إيه ؟ ده انتى قعدتك في المنتديات الاجنبية نستك العربي .... خليكى إنتى لزيارات السادة الرؤساء الأجانب إبقى أتكلمى براحتك وما فيش حد هايفهمك مننا او منهم

    تيمو: يبقى ما فيش غير الاء... نخليها تكتب كلمة مختصرة وبأقول تاني مختصرة والأختصار بتاعها ده أنا عارف ممكن يبقى 5 صفح وتملاهم شوية مصطلحات مكلكعة زي العودة لمائدة المفاوضات والسلام العادل والشامل ونزع جميع الأسلحة من العرب ومنطقة الشرق الاوسط ما عدا إسرائيل والحاجات دي ... الريس بيموت فالكلام ده وبينشكح قوي لما بيسمعه

    لف ايجيبت : على جثتي .. الاء لأ ... الأخت دى بقالها فترة لها توجهات مش عجباني

    موون: وسع يا جدع إنت وهو ... اما يا ادمن فكرتلك في فكرة ... اولاً هاستاهل عليها نص شهر مكافأة .. وثانياً اتحدى إن ماكنش الريس ينفحنا فيها قد 100ألف دولار علاوة

    ادمن: قول انا في عرضك .. أنا في حاجة ماسة إلى أي ألية تدفع السيد الرئيس وتخليه يرضى عننا

    موون: انا طبعت المجلد بتاع " إسلامستان " وجلدته وزخرفته وبقى عامل زي الملازم اللي كنا بنصورها أيام الجامعة قبل الإمتحانات بيومين ... فممكن بمنتهى البساطة أقوم مغير بس العنوان من إسلامستان إلى " الريس ستان"
    وانا عارف إن مستحيل الريس هايقرأ الحشو اللي جوه لأنه مش فاضي .. هو بس هايشوف العنوان وهايزقطط .. إيه رأيك ؟

    عيد: أبوس تلافيف نخاشيش دماغك . ... إنت عبقري إنت فلته .... روح يا شيخ إنت فعلاً تستاهل الدعوة اللي دعيتهالك قدام الكعبة في عمرتي اللي فاتت واللي كلفتني 1500 جنية

    ادمن: برافو يا موون ..... جوووووووووود

    موون: تربيتك يا باشا وكل ده من خيرك

    السيسى : أنا بقى بأقترح إن اللي يكتب الكلمة الإفتتاحية ايمان ، ما شاء الله عليها ضلعية في قواعد اللغة العربية وفي أصول اللغة العربية .. ونخليها كمان هي اللي تلقي الكلمة بين يدي الرئيس ... بس نشتري لها فستان جديد على جزمة سودا وتعمل شعرها فينوكات وهاتبقى زي الفل .. والريس مش بعيد يتبناها زي البنت أمال ماهر اللي بتغني

    تيمو: برافو .. أنا معجب كمان بايمان هي طالما بتبعد عن المربى والمخلل بتعمل شغل عالي قوي ( طبعا تيمو بيتكلم من ورا قلبه)

    لف ايجيبت: بس في نقطة انا أقتل نفسي عليكم لو ما نفذنهاش ...

    ادمن : إيه خير إتكلم أنا أبتديت أُعجب بيك بعد ما عدلت أفكارك المسمومة بتاعت المحشي والملوخية

    عيد : استنى بس يا لف ايجيبت بص يا ادمن .. أنا عارف إن الريس أهلاوي .. فلو جه ولقى عندنا في منتدى الرياضة مواضيع عن الزمالك وأعضاء زملكاوية عمالين بيبعبعوا في الكلام .. ممكن الراجل يأذينا .. لذا بأقترح إننا نقوم بعملية سحل مؤقت للزملكاوية وعلى رأسهم نودى وهبة ..... ونجيب الاهلاويه اللى فى المنتدى وعلى رأسهم تيتو ونمسكهم أعلام حمرا ونلبسهم فانلات حمرا وندهن وشهم احمر ونحفظهم كام شعار من بتوع بص شوف الأهلي بيعمل إيه .. وصالح سليم يا مدرسة .. والحاجات دي ويقفوا على منتدى الرياضة وأول ما يلمحوا الريس جاي من بعيد يدوها علطول

    عبدالله : قشطة يا عيد ...... ده الريس كده عمره ما هاينسى الزيارة دي

    السيسى : بس أنا عرفت إن ابن الريس بيه له ميول زملكاوية وممكن يزعل

    عيد: يا سيسى ...... طالما الريس موجود يبقى عاش الملك ... لما ابن الريس يبقى يترستأ على الكرسي يبقى يحلها ربنا بقى وعلطول نقوم عاكسين الأية ... فنسحل الأهلاوية .. ونلمع الزملكاوية ... ده شغل كبير اوى عليكى

    السيسي
    رائد
    رائد

    ذكر
    عدد الرسائل : 160
    الموقع : مدينه نصر
    العمل/الترفيه : مهندس انتاج
    المزاج : تمام
    السٌّمعَة : 8
    نقاط : 261
    تاريخ التسجيل : 08/05/2009

    رد: يـومـيــــات ادارة منتدى الشباب

    مُساهمة من طرف السيسي في الجمعة يونيو 26, 2009 2:21 pm

    مشكوووور سندباد
    مع انك دايما بتطلعني في دور الاهبل
    بس يومياات جامده
    ومن ساعت مبدات تكتبهااا والمنتدي كله ملوش سيره غيرهاااا.
    مكدبش عليك ف الاول : كنت مفكرك بتنقل اليوميات دي بس كنت بحبهاا علشاان دمهاا خفيف مش اكتر
    لكن بقي واضح من كلاامك انك بتالفهاا وده اكيد وراه مجهوود جاامد وتحضير طوووووويل
    انا بشكرك فعلااا علي تعبك ده كله معانا
    وربنا يوفقك وتفضل تكتب لنا كده علي طووول

    شكرا سندباد
    تقبل مروري

    السيسي
    avatar
    المصرية
    رائد
    رائد

    انثى
    عدد الرسائل : 158
    العمر : 28
    السٌّمعَة : 3
    نقاط : 178
    تاريخ التسجيل : 15/05/2008

    رد: يـومـيــــات ادارة منتدى الشباب

    مُساهمة من طرف المصرية في الجمعة يونيو 26, 2009 6:37 pm

    شوميات جميلة ورائعة بجد وياسيسى تطلع بدور اهبل احسن متطلعشى خالص زى انا كده مهمشة فى اليوميات ولا اكن ليا اى دور
    بس الموضوع كوميدى ورائع تسلم ايدك
    avatar
    tito
    فريق اول
    فريق اول

    ذكر
    عدد الرسائل : 2103
    السٌّمعَة : 2
    نقاط : 169
    تاريخ التسجيل : 11/05/2008

    رد: يـومـيــــات ادارة منتدى الشباب

    مُساهمة من طرف tito في الإثنين يونيو 29, 2009 5:48 pm

    يا جماعه انا مفيش حد ع المنتدى الا ويقولى انت قريت يوميات المنتدى النهارده

    بس كده مينفعش خاااااااااااااااااالص

    ده دور تدهولى يا راجل
    انا عايز بطوله مطلقه
    مش مدينى دور حنان ترك ف فيلم النمر والانثى

    بس جامده اوى
    عيد:أبوس تلافيف نخاشيش دماغك . ... إنت عبقري إنت فلته .... روح يا شيخ إنت فعلاً تستاهل الدعوة اللي دعيتهالك قدام الكعبة في عمرتي اللي فاتت واللي كلفتني 1500 جنية
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في الخميس يوليو 02, 2009 10:22 am

    سيسى باشا مشكور على المرور الموضوع ميكملش غير بمرورك انت نورت الموضوع وانا مبسوط انى معاكم بجد علشان عرفت ناس حلوة زيك كده ياسيسى وتيتو ومصرية وعبدالله وتيمو وكل الاعضاء
    شكرا مصرية على المرور وان شاء الله ابقى اشفلك دور فى الفيلم الجديد
    شكرا ياتيتو على المرور الذى اسعدنى كثيرا وادخل البهجة على تلافيف مهجة قللبى
    avatar
    سندباد
    رائد
    رائد

    ذكر
    عدد الرسائل : 194
    السٌّمعَة : 14
    نقاط : 268
    تاريخ التسجيل : 12/06/2008

    رد: يـومـيــــات ادارة منتدى الشباب

    مُساهمة من طرف سندباد في السبت نوفمبر 21, 2009 2:55 pm

    معلش ياجمعاة مش كل الناس موجودة فى الموضوع
    avatar
    عبدالله
    عقيد
    عقيد

    ذكر
    عدد الرسائل : 507
    السٌّمعَة : 12
    نقاط : 1327
    تاريخ التسجيل : 19/11/2008

    رد: يـومـيــــات ادارة منتدى الشباب

    مُساهمة من طرف عبدالله في السبت نوفمبر 21, 2009 4:01 pm

    حمدا لله على السلامة ياسندباد ليك شوقة مواضيعك دايما متميزة
    avatar
    eed
    مشرف برتبة ( وزير )
    مشرف برتبة  ( وزير )

    ذكر
    عدد الرسائل : 2070
    العمر : 46
    الموقع : القليوبية
    العمل/الترفيه : فنى
    السٌّمعَة : 8
    نقاط : 655
    تاريخ التسجيل : 10/05/2008

    بطاقة الشخصية
    الاسم ثلاثى: النشاط
    العمر :

    رد: يـومـيــــات ادارة منتدى الشباب

    مُساهمة من طرف eed في السبت نوفمبر 21, 2009 4:51 pm

    والله بعوده يا سندباد ليك شوقه
    نتمنى تكون معانا ديما بموضوعتك القيمة


    _________________
    avatar
    temo=bretty friend
    فريق اول
    فريق اول

    ذكر
    عدد الرسائل : 2474
    العمر : 29
    العمل/الترفيه : مش لقي شغلانة
    المزاج : رايق ومدلع
    السٌّمعَة : 1
    نقاط : 123
    تاريخ التسجيل : 08/05/2008

    رد: يـومـيــــات ادارة منتدى الشباب

    مُساهمة من طرف temo=bretty friend في الثلاثاء ديسمبر 22, 2009 11:59 am

    احم احم انا جيت ونورت البيت وكله يطلع برة ياله

    عايز استمخمخ مع نفسويتي كده

    وبعدين شكرا ع موضوع جامد ده

    انا شامم ريحة مربا يا معلمي

    وي قصايد وكلام زي فل اهوووووووو

    وبعدين اية يا عم تيتو انتا وهوبة لسة مبطلتوش شغل ديووووووووك ده يا عم
    ارحمونا بقا

    وبعدين لما تعوذ ضيها قوولها

    خدو ستة رايخ خدو اربع جي
    avatar
    eed
    مشرف برتبة ( وزير )
    مشرف برتبة  ( وزير )

    ذكر
    عدد الرسائل : 2070
    العمر : 46
    الموقع : القليوبية
    العمل/الترفيه : فنى
    السٌّمعَة : 8
    نقاط : 655
    تاريخ التسجيل : 10/05/2008

    بطاقة الشخصية
    الاسم ثلاثى: النشاط
    العمر :

    رد: يـومـيــــات ادارة منتدى الشباب

    مُساهمة من طرف eed في الأربعاء ديسمبر 23, 2009 3:56 pm

    عوده حميد
    المنتدى نور نور نور
    شرفتنا نورتنا وعدة لنا محبابا محبابا


    _________________

      الوقت/التاريخ الآن هو الأربعاء أكتوبر 17, 2018 7:11 am