:: منتدى شبابنا ::

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
:: منتدى شبابنا ::

منتدى الشباب منتدى متكامل به كل ماتتمناه به اقسام للكمبيوتر اقسام للترفيه المرئيات قسم للخريجين الطلبة المنتدى الاسلامى قسم الديكور والكثير الكثير


    ((قصه شاب محدش بيرن عليه))

    شاطر
    avatar
    v i p
    مشرف برتبة (وكيل وزارة)
    مشرف برتبة (وكيل وزارة)

    ذكر
    عدد الرسائل : 284
    العمر : 26
    الموقع : في كل مكان هتلاقيني
    العمل/الترفيه : لسه بعد الشر عني
    المزاج : مش بشرب حاجه والله
    السٌّمعَة : 2
    نقاط : 476
    تاريخ التسجيل : 14/11/2009

    بطاقة الشخصية
    الاسم ثلاثى: النشاط
    العمر :

    ((قصه شاب محدش بيرن عليه))

    مُساهمة من طرف v i p في الأحد ديسمبر 06, 2009 12:33 pm

    ا بقالي 3 سنين جايب موبايل ... يعني بقالي 3 سنين جايب خط ... وبرده

    بقالي 3 سنين عمال انزل فى نغمــات .... نزلت كل نغمات الدنيـا لموبايلي

    .... دا على اساس أنه لما يرن النغمـه دي تشتغل ...

    و من هنا بقى ظهرت المشكله .... إنه يرن .... الموبايل مابيرنش خالص ...

    انا قلت يمكن العيب من الجهاز .... غيرت الجهاز ..طب من الخط....غيرت الخط

    .... طب ممكن من النغمــه .... غيرت النغمــه

    عملت كل المحاولات عشان أسمع نغمـة موبايلي بترن من غير ما اشغلهــا انا ...

    بس مفيــش فايده.. كل محاولاتي كانت نتيجتها بالفشــل..

    و في اليوم الموعود (إللي كنت مستنيه من زمان) .... قمت من النــوم ... ببص في الموبايل لقيــت ميسد كول ..

    مش معقول....انا جالي ميسد كوول ... لأ لا يمكـن ....

    فكرت افتحها على طول ولا أروح أخد شاور الأول عشان أبقى مستعد ... دخلت

    حلقت دقنى و خدت شاور و عملت شعرى سبايك و حطيت بارفان و لبست احلى طقم

    عندى و لسه همسك الموبايل فى ايدى و..... وكانت الصدمه ....

    أخــويا دخل عليا و قال لي : الجهاز بتاعي باظ وانا حطيت الخط بتاعي في جهازك مؤقتــا ......

    تحطمــت كل احلامي ... نعم تحطمــت كل امالي التي كنت اعقدها في رؤية هذه الميسد .....

    وبعد شهرين من تاريخ الميسد كنت ماشي في الشـارع رايح الدرس ... وفجأه

    حسيــت بهزه في جيبي ( فيبريشن بقى ) ..... و سمعــت نغمــة موبايلي ....

    انا طبعا مصدقتــش ان دا موبايلــي .... بس مكنش في حد بيـرد جنبي على

    موبايلـه ..... يا نهار ابيض .... دا موبايلي اللي بيرن و إفتكرت ان دي

    نغمتــي .....

    كان وقت جميل اوي وانا اول مره أسمع نغمتي فيها من غير ما اشغلها ... يا

    حلاوتــك يا نغمتــي ..... وقمــت مدخل ايدي في جيبـي و مطلــع الموبايل

    ..... و فتــحت المكالمه .....ونقول الووو

    لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .....خسئت

    ساعتها تـــأكدت ان النمــره غلط ... بس انا ما رديتش عشــان ميعرفش إن

    النمره غلط و يحرمنــي من أجمل لحظـــات حياتي ... بس هو قفل ... قفل

    لما انا مردتش عليـه .....

    و بعد الحدث ده رجعت البيــت و ما روحتش الدرس و إتعقــدت بصراحــه ... و جــالي إكتــئاب ..

    الإكتــئاب زاد.. زاد زاد جــدا لحــد ما مبقيــت أقعــد في الأوضة

    لوحدي و باصص للحيطــه وفي إيدي الموبايل و ما بكلمــش حد ...

    كانوا بيخشــوا عليــا يكلمــوني بس ما كنتش برد عليــهم ..... يجيبولي أكل ماكلــش ....

    حاولوا كتير معايا عشــان يخرجونــي من حالة الإكتــئاب إللي انا فيهــا

    لحد ما بابا جه وكلمنــي وقالي: الموبايل مش كل حاجه يا بنــي ... على

    أيــامنا ما كنش فيه موبايلات ولا كلام من ده ..وكنا عايشيــن يا حبيبي ...

    و قعد ناس كتير و دكاتره كتــير ييجوا يكلمـوني ... بس ما كنش فيه فايده ....

    فقدوا الأمل في علاجـــي ..و بقيت انا مجنــون العيله .... كانوا مسمينــي مجنون الموبايل ....

    بعد فتره بدأت أتحســن و اقتنع بكلامهم و جيت في يوم وقمــت و نسيت حكاية

    الموبايل دي خالص .... وانا فاكر ســاعتها لما فتحــت التلفزيـون لقيــت

    إعلان لموبايل... حاولت اقلب القناه عشان ما افكرش.. لقيــت إعلان عصام

    الحضرى بتاع فودافون....

    حاولت أقلب القناه عشان ما افكرش في المــوبايل ....لقيـــت إعلان نغمات فيديو تون...

    الإعلان دا أثر فيــه اوي...هو انا حتــى طايل نغمــه عاديه عشان يجبلي

    فيديو توووون .... الإكتئــاب رجعلي تاني ..... و قمــت قايم وجايب ورقه

    وقلم وكتبت :بابا ماما سامحـوني أنا كنت عايز أخف بس انا قررت خلاص انى

    انتحــر

    و جيـــت ارمي نفسي من البلكونــه .... بس سمعت الموبايل بتاعي بيرن ....

    اممممم دي نغمــة الرسايل أنا عارفها تين تين تين ..... فرحت اوي .....

    فتحت الرساله لقيت رساله .....



    "عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول......"



    لأ لأ ...... انتــم كده عايزين تموتوني

    آآآآآآآآآآآآآآآآآآآآآآآة بووووووووووووووم

    (دا وهو بيقع م البلكونة)
    avatar
    النجم
    ملازم اول
    ملازم اول

    عدد الرسائل : 83
    السٌّمعَة : 0
    نقاط : 74
    تاريخ التسجيل : 16/05/2008

    رد: ((قصه شاب محدش بيرن عليه))

    مُساهمة من طرف النجم في الأحد ديسمبر 06, 2009 12:39 pm

    ههههههههههههههه حرام قطعت قلبى ده انا دموعى نزلت انهار وانا بقرا الموضوع طيب كان حط رقمه واحنا كل يوم ننرن عليه رنة
    موضوع حلو بجد بجد بجد
    avatar
    v i p
    مشرف برتبة (وكيل وزارة)
    مشرف برتبة (وكيل وزارة)

    ذكر
    عدد الرسائل : 284
    العمر : 26
    الموقع : في كل مكان هتلاقيني
    العمل/الترفيه : لسه بعد الشر عني
    المزاج : مش بشرب حاجه والله
    السٌّمعَة : 2
    نقاط : 476
    تاريخ التسجيل : 14/11/2009

    بطاقة الشخصية
    الاسم ثلاثى: النشاط
    العمر :

    رد: ((قصه شاب محدش بيرن عليه))

    مُساهمة من طرف v i p في الأحد ديسمبر 06, 2009 12:41 pm

    ماهو انا
    يوههههه
    قصدي هو مكنش عاوز يقلق حد
    avatar
    النجم
    ملازم اول
    ملازم اول

    عدد الرسائل : 83
    السٌّمعَة : 0
    نقاط : 74
    تاريخ التسجيل : 16/05/2008

    رد: ((قصه شاب محدش بيرن عليه))

    مُساهمة من طرف النجم في الأحد ديسمبر 06, 2009 12:42 pm

    خلاص انت تحط رقمك واحنا بالتناوب نديك مسديه كده على الماشى كل يوم بس كلام فى سرك انا برده نفسى الموبايل بتاعى يرن
    avatar
    v i p
    مشرف برتبة (وكيل وزارة)
    مشرف برتبة (وكيل وزارة)

    ذكر
    عدد الرسائل : 284
    العمر : 26
    الموقع : في كل مكان هتلاقيني
    العمل/الترفيه : لسه بعد الشر عني
    المزاج : مش بشرب حاجه والله
    السٌّمعَة : 2
    نقاط : 476
    تاريخ التسجيل : 14/11/2009

    بطاقة الشخصية
    الاسم ثلاثى: النشاط
    العمر :

    رد: ((قصه شاب محدش بيرن عليه))

    مُساهمة من طرف v i p في الأحد ديسمبر 06, 2009 12:44 pm

    ماهو لاسف مش هاقدر اساعدك عشان انا رصيدي عفوا
    وفودافون كسره عيني ب ال3 جنيه الي مسلفينهملي
    avatar
    النجم
    ملازم اول
    ملازم اول

    عدد الرسائل : 83
    السٌّمعَة : 0
    نقاط : 74
    تاريخ التسجيل : 16/05/2008

    رد: ((قصه شاب محدش بيرن عليه))

    مُساهمة من طرف النجم في الأحد ديسمبر 06, 2009 12:45 pm

    طيب ولو حتى كلمنى شكرا اسمع رنة الرسايل انت عارف انا عاملها اغنية ام كلثوم الاطلال علشان اما توصلنى رسالة تقعد ساعة شغالة احس انى مهم بقى
    avatar
    v i p
    مشرف برتبة (وكيل وزارة)
    مشرف برتبة (وكيل وزارة)

    ذكر
    عدد الرسائل : 284
    العمر : 26
    الموقع : في كل مكان هتلاقيني
    العمل/الترفيه : لسه بعد الشر عني
    المزاج : مش بشرب حاجه والله
    السٌّمعَة : 2
    نقاط : 476
    تاريخ التسجيل : 14/11/2009

    بطاقة الشخصية
    الاسم ثلاثى: النشاط
    العمر :

    رد: ((قصه شاب محدش بيرن عليه))

    مُساهمة من طرف v i p في الأحد ديسمبر 06, 2009 12:48 pm

    ياعم بقوللك كاسره عيني يعيني كل ماجي ابعت يقوللي هات ال3 جنيه الاول
    بس اقوللك انا ممكن اتاحيل عليهم شويه لغايه لمايردو واكلمك ع حسابك

      الوقت/التاريخ الآن هو السبت نوفمبر 18, 2017 1:08 pm