صباحك يا بلدى .. ۞ .. شعر عامي .. ۞

صباحك يا بلدي

صباحك شريف

يا وردة وحيدة

فى فصل الخريف

يا ست المداين

يا ورد الجناين

يا فجرى اللي باين

وظهر الضعيف

صباحك يا بلدي

صباحك شريف

هرست المدمس

فى حضن الرغيف

ومادد إيديا

بقســم فطارى

ما بيني وبينك

واكحل في عينك

ولما تمسى بسيبك وأمسى

وأسبلك سريري


وأبات ع الرصيف . .

صباحك يا بلدي
"مدلدل" ودانه
مدبّل عيدانه
"مزغط" حيتانه
مجوّع "بساريه" ف بحر العدم
صباحك يا بلدي
بيهروا صدّاغه !
يكبّر دماغـُــه
وبيجيبوا داغـُه
فيتخبّى ضيُه ف قعر الجزم !
صباحك يا بلدي
"بقرعك" ماددنا
لبره حدودنا
مساوم وجودنا
(بخيبه "رُبَط" باقيها "حِزم" )!!!!
صباحك يا بلدي
بيعمل عبيط .....!

السلام عليكم
رااائع اختيااارك للقصيده الاصليه...لك جزيل الشكر
واتمنى اسنادها الى صاااحبها فذلك اوقع من باب رد الامانات الى اهلها
القصيده للشاعر السكندري : ميســره صلاح الدين
من ديوان: انا قلبي مش فارس