الرئيسية
خونا أنتو مش ملاحظين أن الكلام العاطفي والتعبيرات الرومانسية زادت قوي اليومين دوول دي مش بس زادت دي رطرطت .. حبيب قلبي .. روحي نور عيني ..
وحشني يا غالي أنت فينك يا قمر .. والنعمة الشريفة بموت فيك .. والكلام ده مش بس بتقولوا الست للراجل .. لا راجل لراجل وست لست يقوم رازعك طقم حنية كدة من غير أية منسبة .. وساعات من غير سابق معرفة .. الشيء الغريب أنو شلال الكلام الحب الفظيع ده جي في وقت الحب فيه انتهى تماما .. والناس مبقتش طايقة بعضها والحقيقة ثورة الاتصالات والمبايلات .. اختارت لنا .. وسائل جديدة يا دوب تكتب سند وصلت يا باشا ولكنا فاكرين عبد الحليم حافظ ولبنة بتقلوا بصوتها اللي بدوخ .. اقفل بقى يا صلاح .. وصلاح مش عاوز يقفل .. كانت بتقول صلاح بطريقة يا جماعة خلتني أعيد الثانوية العامة علشان أحسن مجموعي .. كان نفسي يبقى اسمي صلاح من حلاوة صلاح اللي بتقولها .. وطبعا عبد الحليم ولبنة كانوا بتكلموا بالساعات بدون مشاكل .. لأن مصلحة التلفونات أيامها كانت بتدفع للناس فلوس علشان يشجعوا الناس تتكلم ..
النهار ده بقى .. هنستعرض مع بعض قاموس لألفاظ عاطفة جديدة .. دخلت حياتنا ظهور الموبايل .. تلاقي اللي بتكلمك في نهاية المكالمة تقلك يله باي .. وبعدين طلعت حاجة جديدة سي يو .. سي يو .. أيه سي يو ..وبعدين طلعت لك قفلة جديدة .. للمكالمات .. تلاقي الآنسة اللي بتكلمك .. بعد ثلاث ساعات ضحك وهزار قبيح تقلك بتأثر .. لا اله إلا الله .. وطبعا لازم يرد محمد رسول الله .. لكن أيه موقعها هنا .. تكلمني ألف مرة .. بعدين تقفل كدة .. خدوا ده جديدة برضوا في نهاية المكالمة يلا باي .. وسي يو والحاجات ده .. فجأة وقبل ما أهبد السماعة في وشها .. تقلي يله تيك كير .. كدة في المطلقة خلي بالك من نفسك .. ظاهرة ثانية غيظاني شوية .. لما تتصل بي وحدة وأقول ألو .. تقولي مالك صوتك مش عجبني .. طمني عليك .. بليز قلي .. متخبيش علية حاجة .. ولازم بقة أجاري مشاعرها .. ما دام هي مخضوضة كدة على الفاضي .. بس كدة عندي شوية أنفلونزا .. تقوم مسرخة ومرحتش على الدكتور ليه .. أنت لازم تعمل تشك أب .. لا يمكن الولية ده بتصوت على مين .. أنا بأقلها عندي أنفلونزا عادي .. مش أنفلونزا الطيور .. وعلى كدة على طول .. بقيت مدة سايق على طول .. كل اللي حوليا نزلين حب في بعض وخوف على بعض كل الكلام حلو والأحضان دافئة كل اللقاءات سبايسن لدرجة أن إحنا مش مكفينا حب واحدة في السنة عندنا اتنين فلنتاين .. واحد فبراير واحد نوفمبر أمال نودي الحب اللي عندنا فين .. وفي الأفراح تلاقي المعازيم نازلين رقص وزغاريت والعروسة والعريس منتهى السعادة في حب الناس بس قرب شوية لأي تربيزة وأسمع الكلام .. تلاقيهم نازلين تقطيع في فروة أهل العريس والعروسة .. ولو دخلت عزاء نلاقي المعزين نازلين عياط ونهنهة .. لدرجة أنك متعرفش الميت ده قريب مين .. قرب شوية تلاقي اللي نازل نهنهة بيقول للي قاعد جنببه في الصوان .. أسمعت آخر نكتة .. ويقوموا فطسانين على روحهم من الضحك .. حب .. حب .. في حتة حب .. مش شايف قدامي .. غير عشاق ونظرات وتسبيل وعواطف يا رب شوية كراهية بقى الحب مالي البلد .. أعزائي القراء أنا بأحبكم جدا يله باي .. سي يو .. تيك كير .. بليز اعملوا تشك أب علشان أنا بقى قلقان عليكوا .. يله باي .. سي يو ... بقيت كلمة .. من المسئول عن ضياع ثقافة وطموحات هذه الأجيال ؟!!
وحشني يا غالي أنت فينك يا قمر .. والنعمة الشريفة بموت فيك .. والكلام ده مش بس بتقولوا الست للراجل .. لا راجل لراجل وست لست يقوم رازعك طقم حنية كدة من غير أية منسبة .. وساعات من غير سابق معرفة .. الشيء الغريب أنو شلال الكلام الحب الفظيع ده جي في وقت الحب فيه انتهى تماما .. والناس مبقتش طايقة بعضها والحقيقة ثورة الاتصالات والمبايلات .. اختارت لنا .. وسائل جديدة يا دوب تكتب سند وصلت يا باشا ولكنا فاكرين عبد الحليم حافظ ولبنة بتقلوا بصوتها اللي بدوخ .. اقفل بقى يا صلاح .. وصلاح مش عاوز يقفل .. كانت بتقول صلاح بطريقة يا جماعة خلتني أعيد الثانوية العامة علشان أحسن مجموعي .. كان نفسي يبقى اسمي صلاح من حلاوة صلاح اللي بتقولها .. وطبعا عبد الحليم ولبنة كانوا بتكلموا بالساعات بدون مشاكل .. لأن مصلحة التلفونات أيامها كانت بتدفع للناس فلوس علشان يشجعوا الناس تتكلم ..
النهار ده بقى .. هنستعرض مع بعض قاموس لألفاظ عاطفة جديدة .. دخلت حياتنا ظهور الموبايل .. تلاقي اللي بتكلمك في نهاية المكالمة تقلك يله باي .. وبعدين طلعت حاجة جديدة سي يو .. سي يو .. أيه سي يو ..وبعدين طلعت لك قفلة جديدة .. للمكالمات .. تلاقي الآنسة اللي بتكلمك .. بعد ثلاث ساعات ضحك وهزار قبيح تقلك بتأثر .. لا اله إلا الله .. وطبعا لازم يرد محمد رسول الله .. لكن أيه موقعها هنا .. تكلمني ألف مرة .. بعدين تقفل كدة .. خدوا ده جديدة برضوا في نهاية المكالمة يلا باي .. وسي يو والحاجات ده .. فجأة وقبل ما أهبد السماعة في وشها .. تقلي يله تيك كير .. كدة في المطلقة خلي بالك من نفسك .. ظاهرة ثانية غيظاني شوية .. لما تتصل بي وحدة وأقول ألو .. تقولي مالك صوتك مش عجبني .. طمني عليك .. بليز قلي .. متخبيش علية حاجة .. ولازم بقة أجاري مشاعرها .. ما دام هي مخضوضة كدة على الفاضي .. بس كدة عندي شوية أنفلونزا .. تقوم مسرخة ومرحتش على الدكتور ليه .. أنت لازم تعمل تشك أب .. لا يمكن الولية ده بتصوت على مين .. أنا بأقلها عندي أنفلونزا عادي .. مش أنفلونزا الطيور .. وعلى كدة على طول .. بقيت مدة سايق على طول .. كل اللي حوليا نزلين حب في بعض وخوف على بعض كل الكلام حلو والأحضان دافئة كل اللقاءات سبايسن لدرجة أن إحنا مش مكفينا حب واحدة في السنة عندنا اتنين فلنتاين .. واحد فبراير واحد نوفمبر أمال نودي الحب اللي عندنا فين .. وفي الأفراح تلاقي المعازيم نازلين رقص وزغاريت والعروسة والعريس منتهى السعادة في حب الناس بس قرب شوية لأي تربيزة وأسمع الكلام .. تلاقيهم نازلين تقطيع في فروة أهل العريس والعروسة .. ولو دخلت عزاء نلاقي المعزين نازلين عياط ونهنهة .. لدرجة أنك متعرفش الميت ده قريب مين .. قرب شوية تلاقي اللي نازل نهنهة بيقول للي قاعد جنببه في الصوان .. أسمعت آخر نكتة .. ويقوموا فطسانين على روحهم من الضحك .. حب .. حب .. في حتة حب .. مش شايف قدامي .. غير عشاق ونظرات وتسبيل وعواطف يا رب شوية كراهية بقى الحب مالي البلد .. أعزائي القراء أنا بأحبكم جدا يله باي .. سي يو .. تيك كير .. بليز اعملوا تشك أب علشان أنا بقى قلقان عليكوا .. يله باي .. سي يو ... بقيت كلمة .. من المسئول عن ضياع ثقافة وطموحات هذه الأجيال ؟!!
