لوكنت رئيس لجمهورية مصر العربيه لمدة يوم واحد كنت هتعمل ايه؟؟؟؟؟؟؟؟

سؤال بسيط لكل اعضاء المنتدى لكنه يعرض وجه اخر لهم

فالاجابه تحدد نوع اهتمامات العضو
والمشاكل التى يراها هى الاكبر فى البلد

ياااه
سؤال صعب جدا
مش من السهل الجاوب عليه
لان الكلام من غير الكرسى غير لما تقعد على الكرسى
الكرسى بيغير كتير اوى
وياما ناس قالت كلام حلو ورسمت احلام ولكن اصبحت سراب
بعدما يصبح المرء على الكرسى ينســـــــــــــــــــــــــــــــــــــــــــــــــــــــى

اولا سوف اقوم بالغاء كل الاحزاب واولهم الحزب الوطنى لانهم ادة فى يد الحاكم لمعونتهة فى اظلم والبطش وتايد قرارتة وكمان علشان تقليقل النفقات
ثانيا من حق رئيس الدولة ان يخطار رئيس الوزارة ومن حق مجلس الشعب ان يضع الثقة بة وبالوزارة ام لا ولا يحق لرئيس الدولة فرض رئيس الوزراء او اى وزير علية كما هو الان
ثانيا انشاء مجالس محلية منتخبة منتخبة لكل منطقة وكل قرية وكل كفر وكل نجع مسولة عنها فى مططلباتها ومخاطبة المحافظة والوزارات لتلبية احتيلجها
ثالثا انشاء مجلس شعب منتخب منتخب حقيقى ويمارس اعمالة بكل حرية وايذا فاذا عضو فى دارتة لايحق باى وسيلة الغاء عضويتة لكى نمنع تلفيق التهم على الى شايف شغلة مثل ما فعلو من قبل الغاء عضوية فلان وفلان
رابعا استقلالية وزارة العدل والقضاة من الميزانية لضمان عدم تدخل السلطة السياسية او التنفذية فى اعمالهم
خامسا تحديد مهام رجل الشرطة اداة الضلم والبطش ومهما كان عدم تعرضهم لرجال القضاة والتيابة ورجال مجلس الشعب
سادسا الغاة قانون الطوارق والعمل على حرية الصحافة
سابعا من حق رئيس الحكومة ادارة الدولة ومن حق كل مواطن على الدولة توفير لة العلاج والتعليم والوظيفة والحرية

قبل كل شئ نحيى شعار " من أين لك هذا" و بأثر رجعى لأتخنها تخين..

وفتح ملفات الفساد تحت شعار "دعونا نعمل فى صمت"

وبعد ما يبقى خزينة الدوله دفايانه(وأخدلى اللى يملا عينى منها لزوم العفاف يعنى )

نيجى بقه للمهم وهى إنشاء "معامل بشريه,, مصانع إنسان" بأى شكل بقه
سميها معسكرات كشافه...سميها مدارس داخليه..

وتكون تحت رعاية ومراقبة جهه مستقله(ماحدش يسألنى ايه هى الجهه المستقله دى..الله أعلم)

وده طبعا بعد دراسه مستفيضه وحثيثه عن طبيعة المناهج التربويه وأفضل وأنجح نظريات التربيه المعمول بها( بلاش نقول اسلاميه عشان الحساسيه يعنى )

ودى هاتبقى خطه عشرينيه لإنتاج جيل يقدر يشيل دوله...لإن جيل الإمهات دلوقتى جيل مايع مشوه الفكر.

إقتصاديا بقه ماليش فى الإقتصاد...بس اللى أفهمه ان الدنيا ماتبقاش سايحه كده اللى عايز يعمل مصنع لبان وألا شيكولاته ويتكلف ملايين يعمله والدوله عندها عجز فى منتجات مهمه نضطر لإستيرادها بالعمله المستحيله!!

يعنى مطلوب إقتصاد موجه...

يعنى لو عشت الوهم وقلت يا جماعه اللى معاه فلوس وعايز يستثمرها ...هى دى المصانع المطلوب إنشائها (وأكيد تكون بالشراكه لأنها هاتبقى مصانع قوميه بالمليارات) ودى الامتيازات اللى هاتحصلوا عليها والتسويق يبقى على الدوله...اشى خيالى يا ناس

الإعلام بقى....آآآآآآه من الإعلام...يبقى موجه بدراسه وبعنايه لتنظيف العقول

إزاى بقه ؟...أقولك يا ستى الموضوع سهل جدااا ومن غير استيراد عقول

يا جماعه مين حكماء الدوله دى؟...طويب...اقعدوا مع بعض كده لو سمحتوا أدرسوا بقه مع بعض كده إيه المطلوب من الشعب ده
زرع روح الإنتماء ,,أخلاق,,دين,,علم,,ترفيه محبب (موجه برضه )

والدنيا هاتبقى فله والله...بصى يا بنتى اللى عايز يعمر البلد دى هايعمرها بس واضح أن سياسة التغييب مطلوبه لبقاء الحكم

المهم ...ايه تانى...آآه أنا معجبه قوى بتجربة الغرب فى أن المسؤل عن التدريس للأطفال هم أساتذة الجامعه واللى مشهود لهم بالكفاءه التربويه

يعنى مدرس الإبتدائى هو أعلى شأنا وعلما من مدرس الجامعه مش العكس..
طبعا هاتقوليلى مطلوب ميزانيه (ما اهو لازم ناخد من جيوب اللى نهبوا الأول...راجع البند الأولانى)

آآآآه ننضف مجلس الشعب بقه ونكنسه كده ونرشه ميه تجيب تراوه...

وبعدين لفتره تمهيديه هاتبقى الإنتخابات هى بأصوات النخبه وليس الشعب مودموازيل

هاتقوليلى يعنى ايه؟؟ أقولك مبدءيا هايتم إختيار من يحق له التصويت أصلا..
لأنى مش مكن أقدر أساوى صوت المفكر الناضج بصوت واحد أمى جائع يمكن شراء صوته ببيضه وحزمة جرجير

هايتم إختيار النخبه ازاى لاااا ده موضوع طويل بقه ومحتاج دراسة للتأكد من نزاهة الإختيار...

أو والله فكره ممكن نقول إن فيه أصوات تبقى محسوبه بعدد من الأصوات ويكون النظام كالآتى:

بعد دراسة و وضع عدة قوانين لتقدير الشخصيه المنضمه للنخبه...
حاجه كده زى قوانين تقدير الفنادق...مثلا الفندق اللى يقدم هذه الخدمات يحصل على أربعة نجوم...أما الفندق اللى بيقدم خدمات أكتر يبقى خمس نجوم وهكذا
يجوز مش قادره أوصل الفكره لأنها لم تتبلور أصلا فى دماغى ...ويجوز يكون معمول بيها أصلا وأنا موش واخده بالى..

المهم يعنى نجيب العقليه النخبه دى ونفصص توجهاتها وتاريخها ونشاطها أو إنجازاتها ونقوم بتقدير قيمة صوتها حسب قوانين ثابته وليست عشوائيه لإحتساب عدد النقاط...

مثلا نقول العقليه دى يحتسب صوتها بمائة صوت أو بأكثر وهكذا
أو بعد سرد عدد النخبه المختاره وليكن مثلا 2000 شخصيه ونقول إن الـ2000 يوزنوا 70 مليون صوت وبعد حساب النسبه والتناسب...نقدر ساعتها نحدد الحد الأقصى والحد الأدنى لإحتساب قيمة كل صوت من النخبه
حد فاهم حاجه ما علينا يظهر راسى سخنت من السهر وشرب القهوه
المهم وبعد إختيار النخبه المصوته...نقدر نعمل وقتها إنتخابات لإختيار نخبة النخبه اللى هى هاتبقى مجلس الشعب والشورى إلخ إلخ

سلام بقه دلوقتى أروح أنام عشان مسؤليات الحكم صعبه قوىىىىى

شكرا على كل الردود

فى الاول يا فارس احب اقولك ان كلامك صحيح ان الكلام من غير الكرسى غير الكلام بالكرسى

اما الملا بقوله ان مش الحزب الوطنى الاساس فى كل المصايب دى فيه حاجات تانيه اكبر

بالنسبه لمووون البرنامج بتاعه هايل يا جماعه والله دا لو هينفذه انا اول واحد هينتخبه للرياسه

اما انا لو اتعينت رئيس لجمهوريه مصر العربيه

سوف اتنازل عن هذا المنصب الي سياده الرئيس محمد حسني مبارك و الحزب الوطني الديمقراطي فيالحال وانا في كل قوي العقليه

تلت حجات ماشى هشيل الوزاره دى ونقى وزاره من الشحاتين والعالم الكادحه واللى بيتشغلوا بايديهم وبعدين اعدم الوزاره القديمه وبعدين ادخل كل المتطرفين فكريا سواء كانوا اخوان ولا ومسيحيين ادخلهم السجن لو اتظبطوا نطلعم ما اتظبطوش انفيهم بره مصر واعمل انتخابات مجلس شعب وشورى جديده وبعدين الغى صفقة الغاز مع اسرائي وانسحب من المعاهده واخش اضرب اسرائيل وبعدين لا هنتحر ولا هتقتل لانى مش هعرف اعمل الكلام دا كله


احـــــــــــــــــــــــــــــــــلام كلــــــــــــــــــــــــــــها احــــــــــــــــــــــــــــــلام