الرئيسية
السلام عليكم ورحمة الله وبركاته
أنا هجيب من الأخر من يومين كده يامعلمين شوفت في الجرنان اللي جبت فيه سندويتشات الفول والطعمية
وأنا بقلبه كده عشان أطلع المخلل ( طبعا جوعتوا ) لقيت خبر بيقولك تسرب أسئلة الإمتحانات في المنيا
بس إشمعنا المنيا ( يمكن عشان مفيش بامبرز مانع التسرب اللي يخلي طفلك أمن طول الليل ومن غير تسلخات)
المهم ياسيدي أفتح التليفزيون الملون ( حاكم إحنا عندنا واحد ملون ) ألاقي الست مني الشاذلي في برنامج العاشره مساءا
( مش عارف هي قاعده لغاية الساعة 10 بالليل بتعمل أيه)
المهم بتحقق في الواقعة وطبعا يوجد في الحلقة مبوسجي ( يعني منافق وماسح لأحذية وزارة التعليم وحامل درع الدفاع عنها)
وفي ولي أمر أقسم بالله أنه كان بيشتري لأولاده الإمتحان ب 300 جنيه لا سعر الإمتحان يختلف
يعني لو إشتريته ليلتها الساعة 3 بعد منتصف الليل فده سعر
ولو إشتريته الصبح قبل الإمتحان ليه سعر
والحكاية دي طبعا مش وليدة اللحظة لأ دي بقالها سنين
ولغاية النهاردة الإمتحانات بتتباع
وفعلا أسعدني أحد أولياء الأمور وهو يتصل بالبرنامج وبيسأل ولي الأمر اللي قاعد لو يقدر يجيب إمتحان الجيولوجيا عشان بنته
وطبعا بعد الكلام اللي قولته اللي هيجي ويقول إنت خريج هندسة خاصة يعني شاري الشهادة بفلوسك
وييجي يقول ما بعترفش باللي يخشوا بمجموع 60 ولا 70 في المية هندسة وبقول عليهم أنا وصحابي مش مهندسين
أقول أنا بقي أولا أنا كنت جايب 85 في المية
ثانيا يا أمور يا أبو بنطلون دمور بعد كلام الرجالة اللي إتقال في العاشرة مساء
يبقي تجفل خشمك خالص وتكتم حنكك
ومعلش أرجو من اللي بيشتروا الإمتحانات وضع خط ساخن مثل 19019 مثلا يبقي دليفري ( ده مش منكر )
عشان الواد مايشحططش أبوه يعني ويروح يجيب الإمتحان
لا هو الإمتحان ييجي لغاية البيت ومعاه مج نسكافية هدية
أو لتر بيبسي ونخليه أوبشن ممكن نعمل كارت شحن هدية علي الكومبو ( إمتحانين يعني)
أنا هجيب من الأخر من يومين كده يامعلمين شوفت في الجرنان اللي جبت فيه سندويتشات الفول والطعمية
وأنا بقلبه كده عشان أطلع المخلل ( طبعا جوعتوا ) لقيت خبر بيقولك تسرب أسئلة الإمتحانات في المنيا
بس إشمعنا المنيا ( يمكن عشان مفيش بامبرز مانع التسرب اللي يخلي طفلك أمن طول الليل ومن غير تسلخات)
المهم ياسيدي أفتح التليفزيون الملون ( حاكم إحنا عندنا واحد ملون ) ألاقي الست مني الشاذلي في برنامج العاشره مساءا
( مش عارف هي قاعده لغاية الساعة 10 بالليل بتعمل أيه)
المهم بتحقق في الواقعة وطبعا يوجد في الحلقة مبوسجي ( يعني منافق وماسح لأحذية وزارة التعليم وحامل درع الدفاع عنها)
وفي ولي أمر أقسم بالله أنه كان بيشتري لأولاده الإمتحان ب 300 جنيه لا سعر الإمتحان يختلف
يعني لو إشتريته ليلتها الساعة 3 بعد منتصف الليل فده سعر
ولو إشتريته الصبح قبل الإمتحان ليه سعر
والحكاية دي طبعا مش وليدة اللحظة لأ دي بقالها سنين
ولغاية النهاردة الإمتحانات بتتباع
وفعلا أسعدني أحد أولياء الأمور وهو يتصل بالبرنامج وبيسأل ولي الأمر اللي قاعد لو يقدر يجيب إمتحان الجيولوجيا عشان بنته
وطبعا بعد الكلام اللي قولته اللي هيجي ويقول إنت خريج هندسة خاصة يعني شاري الشهادة بفلوسك
وييجي يقول ما بعترفش باللي يخشوا بمجموع 60 ولا 70 في المية هندسة وبقول عليهم أنا وصحابي مش مهندسين
أقول أنا بقي أولا أنا كنت جايب 85 في المية
ثانيا يا أمور يا أبو بنطلون دمور بعد كلام الرجالة اللي إتقال في العاشرة مساء
يبقي تجفل خشمك خالص وتكتم حنكك
ومعلش أرجو من اللي بيشتروا الإمتحانات وضع خط ساخن مثل 19019 مثلا يبقي دليفري ( ده مش منكر )
عشان الواد مايشحططش أبوه يعني ويروح يجيب الإمتحان
لا هو الإمتحان ييجي لغاية البيت ومعاه مج نسكافية هدية
أو لتر بيبسي ونخليه أوبشن ممكن نعمل كارت شحن هدية علي الكومبو ( إمتحانين يعني)
