امثال نيولوك "مع تيتو"

ايه يا جماعه ؟؟
انا لقيت فيه كلام كتير سياسه ومش عارف ايه
قولت لما اشوف اى حاجه تبسطكم والسلام
بس على الله تعجبكم وبالاخص الريس بتاعنا

عيب الشعب المصرى انه بيحب الرغى بس مش كله طبعا

ما علينا

الى كل اعضاء منتدى الشباب اقروا الامثال دى وكل واحدج يقولى ايه رأيه



بس أمثال إيه ......

نيوـوـوـوـو ... لوـوـوـوـوكـ

اتفضلوا معانا


اللى بيته من إزاز ميغيرش هدومه فى الصالون ¦

فاقد الشىء يدور عليه ¦

اقلب القدره على فومها الفول يقع منها ¦

تأتى الرياح محمله بالأتربة ¦

ياخبرالنهارده بفلوس بكره ينزل عليه أوكازيون ¦

اللى معاه قرش محيره يجيب حمام ويحمره ¦

جت الحزينه تفرح شغلت شريط حكيم وقعدت ترقص ¦

قال يامحششين يكفيكوا شر الكمين ¦

اللى ياكل لوحده يشبع ¦

لاتبكى على اللبن فى البسكوت ¦

اقطع عرق و حته بتلو ¦

اطبخى ياجاريه الأنبوبه فاضيه يا سيدى ¦

لو حبيبك عسل ما تحطلوش طحينة ¦

اللى يتلسع من الشوربه يتصل بالمطافى ¦

وبكره ترجع ريما من عند خلتها فى مارينا ¦

ياداخل بين البصله وقشرتها حط قطرة علشان هادمع من ريحتها ¦

اصوم اصوم وافطر على المدفع ¦

القرش الأبيض بيعوم فى البحر الأحمر ¦

ضربوا الأعور على عينه قالهم كسرتوا النضاره ¦

اللى ميشفش من الغربال يكشف نظر ¦

المال السايب يعلم الطلبه ¦

نام وارتاح وكل عسل نحل التمساح ¦

من خرج من داره مينساش يأخد المفتاح معاه ¦

الباب اللى يجيجلك منه الريح شيله وركب قبنورى ¦

المضطر يركب التاكسى ¦

رب صدفة خير من ألف ليلة و ليلة ¦

اللى يخاف من العفريت يعمل عبيط ¦

حجه البليد بصرف فلوسى على الوييد ¦

المركب اللى فيها رايسين يلعبوا طاولة ¦

اللى خدتوا الأرعه تخدو ام الخلول ¦

اللى ميعرفش يقول what

أكل العيش يحب الطعميه ¦

العين عليها lenses

قالوا للحرامى أحلف قالهم وحياة قلبى وأفراحوا ¦



أمثــــــال عربيــــات النقــــل

متبصليش بعين رضيه دنا طلع عين أمى فى السعوديه ¦

ربنا يحميكى من الميكانيكى ¦

الحلوة أسمها تفاحة للسفر والسياحة ¦

الحلوة من حلوان وصاحبها راجل غلبان ¦

الحلوة من دمياط وعليها أقساط ¦

قصه كفاح مش جايه على المرتاح ¦

متزمروش يابهايم دا السواق نايم ¦

اجرى جري الوحوش اوتوبيس 710 ماتلحقوش

بجد بجد رائع
موضوع جميل
تستحق جايزة الاوسكار الذهبية

شكرا يا غريب على الكلمه الحلوة دى

وسام على صدرى

بس ليه سميت نفسك غريب؟؟

انت مش من البلد دى؟

حتى الامثال قلبتها وغلست عليها
ههههههههههه
بس بجد انت خطير يعني وووووااااااو رائع وافكارك رائعه

جامد يامان

شكراي يا شادى على مرورك

وبعدين مبقاش تيتو لو مغلستش يا رند

ولا ايه؟؟؟؟؟؟؟؟؟؟

انا مش عارف اقولك ايه
بس بجد انت فنان المنتدى
مهندس المواضيع

ربنا يخليك يا اهلاوى

بس بجد انت اللى رافع من معنوياتى مع ان الريس مش عاجبه شغلى

اعمله ايه يعنى؟؟

افتح حديقة حيوان للاعضاء؟؟؟؟؟

بجد موضوع تحفة وبجد شيق اوى منتظرين جديد الامثال