نصائح للزوج علشان يجنن زوجته "هتموت م الضحك"

نصائح للزوج عشان يجنن زوجته
الصبح وأنت رايح على شغلك وهى نايمة تعمد توقع اى حاجة علشان تصحيها اشمعنى أنت ؟
ولو حاولت ترجع تنام مرة ثانية قول لها مادام قعدتي حضري الإفطار
ــــــــــــــــــــــــــــــــــــــ
اذا كنت بتتفرج على التلفزيون وهى عايزة تغير القناة قول لها الحلقة دى مهمة جدا واحد من صحبى شافها على القناة الفضائية وقالى ان الحلقة دي بالمسلسل كله
ولو كنت تشاهد مبارة كرة الموضوع اسهل كل ما حد من اللاعبين من اى فريق يمسك الكرة قول لها ثوانى انا حاسس ان الكرة راح تدخل المرمى حتى لو كان حارس المرمى ماسك الكرة و المباراة واقفة لان فى واحد مصاب
( ملاحظة : اغلب النساء ذو ثقافة كروية ضعيفة )
ـــــــــــــــــــــــــــــــــــــــــ
اقعد يوم الجمعة بهمة ونشاط وجهز الافطار لزوجتك
بس لا تنسى تستخدم 15 طبق واكبر كمية من الملاعق والشوك
طبعا يراعى ترك اثار على الارض مع ترك الثلاجة مفتوحة وقشر البيض فى الحوض
ــــــــــــــــــــــــــــــــــــــــــــــــــ ـــــــ
فى عيد ميلادها زين لها كيكة عيد ميلادها بخمسين شمعة
ولو سألتك ليه خمسين رغم ان عمرها 25 سنة بس ؟
اتحجج بضعف الاضاءة فى البيت مع ابتسامة صفراء خفيفة
ــــــــــــــــــــــــــــــــــــــــــــــــــ ــ
لو عملت ريجيم روح بسرعة على السوبر ماركت ومحلات الحلويات واملى الثلاجة شكولاتة وحلويات
يراعى التجول وانت مستمتع جدا بأكل الجاتوة امامها
ــــــــــــــــــــــــــــــــــــــــــــــــــ ــــــ
لو طلبت منك تنشر الهدوم قول لها حاضر ياحياتى مع ابتسامة حانية
وبعد ما تخلص نشر الهدوم ادخل عليها
وقولها انا نازل اجيب الهدوم اللى وقعت منى فى الشارع
ولو سألتك ايه اللى وقع ؟ قولها كل هدومها اللى كانت مغسولة مع شوية من ملابسك علشان ما يكون شكل الموضوع مقصود منك يعنى !
ــــــــــــــــــــــــــــــــــــــــــــــــــ ــ
لو الزوجة قررت مسح الارضيات فى البيت
حاول انك تروح وتيجى على المناطق المبلولة متحجج بأنك محتاج تتصل ضرورى بواحد من صحابك ومرة عطشان ومرة ثانية بتجيب الجريدة
وما في مانع انك تقول انك حاسس ان التليفون راح يرن بعد شوية
ــــــــــــــــــــــــــــــــــــــــــــــــــ ــــــــــــــــــــــــــــــــ
لو كانت مشغولة فى نظافة البيت او مع الاولاد وطلبت منك تغسل أكواب الشاى الموجودين فى الحوض
ارجعلها بعد دقيقة من دخولك المطبخ وانت ماسك الأكواب وهى مكسورة واسألها فى براءة
( أرميهم فين!!!؟ )
ــــــــــــــــــــــــــــــــــــــــــــــــــ
وانت قاعد تشوف التلفزيون وهى طالع عينها فى تنظيف البيت وبعد ما تخلص وتيجى تقعد تستريح جنبك
قولها حبيبتى ممكن ممكن ( كوب ) ماء !!

__________________

شكرا علي النصائح الجامدة جدا اللي تموت من الضحك

نصائح حلوه بس فيها فايده الزوج ساعد مراته والمره هي كسر وقع ووسخ بس المره الجاي
رح تلاحظ وشف بعدين ايش رح يصير بعتقد العكس صح يا بنات

ههههههههههههه
فني اوي الموضوع ده يا حوده بس انت لو عملت حاجة من الحاجات دي ها تاكل ضرب من مراتك وعيشتك ها تبقا سوده

ههههه
انت كده بتكسب اعداء
موضوع حلو كتير تسلم ايدك

ههههههه
موضوع جامد
بس لو راجل نفذ اللى قلته
وقولى ايه اللى حصل
ده لو بقى فيك حتة سليمة

ربنا يرزقك ب بنت الحلال اللي تعرفك معنى السعاده
لان الواحد مش بيحس بيقيمه الحاجه ولا بيعرف معناها الا ما يـــفـــقــــدهااااااااااااااااااااااا
هو الموضوع فعلا يموت م الضحك وممكن كمان يموت من حاجات تانيه هتعرفها بعدين
بس انت شخصيا مش هتضحك عليه بجد زي ما هتضحك عليه بعدين اقصد طبعا بعد ما.........
عارف ليه ؟؟؟؟؟؟؟ لانك ساعتها بس هتكتشف أد ايه كت عـــبــــيـــــــــيييييييييييط لما خيالك صور لك ان في راجل ف الدنيا ولو حتى سي السيد ف زمانه يستجري و يعمل الحاجات الهبله دي!!!!!!!!!!

اولا شكرا على المرور والرد اللى فيه تقليل منى

ثانيا شكرا على الدعوه اللى دعيتيهالى ويارب تكون مستجابه

ثالثا ياريت بعد كده تستخدمى كلمات الطف فى ردودك يعنى بلاش كلمة عبيط وهبله والحاجات دى

مكنتش اتمنى ان اول رد ليكى على مواضيعى يكون بالشكل ده

اولا :اسفه لو كت زعلت حضرتك بس بجد مكنش قصدي وردي لا يقلل ابدا من حضرتك
ثانيا:انا بس كت بقدم نصيحه بدل ما فعلا تطبق نصايحك بنفسك وتروح ورا الشمس انت متعرفش "جبروت الستات" صدقني
ثالثا : انت فهمتني غلط لاني معرفتش اوصلك قصدي صح ، بس ده لاني لسه معرفش المنتدى بتاعكم
رابعا :ودي الاهم انا قلت اتاسف لاني سمعت اني مش هعرف اصد معاك ف الرد فقلت اتاسف احسن بدل ما ...........

أكيد موضوعك دمه خفيف
بس سؤال؟؟؟؟
ليه اصلا الزوج يجنن زوجته ولا حتى العكس؟؟؟؟
ينفع حد يحب حد ويجننه؟؟؟؟
طلب مني بقى............ يا ريت تكتب نصايح للزوج عشان يحبب زوجته فيه وتبقى حياتهم اسعد
بس برااااااااااااافو

ايوة يا تيتو طول عمر موضيعك مش بتعجب الاعضاء خالص مش عارف لية
طول عمر موضيعك غلسة بس بتموت من لضحك مش عارفلية ودايم في تميز يا كبير