كله يحب ويسلم بنفاق
كله بينصب علي كله و ف الاخر فراق
والاهل بقوا اعداء
والصحاب خانوا الوفاء
ويا دنيا حالك مش عاجبني
كل لحظة في ثانية في دقيقة
بنعرف الناس علي الحقيقة
والايام دي كله بيوافق ينداس
تحت الرجلين بالمداس
ويا دنيا حالك مش عاجبني
كله رافض للذل والمهانه
كله قابل بيمثل الخيانه
وانا قلبي إتملي اوجاع
وحياتي عيشاها في صراع
والناس لبسه القناع
ويا دنيا حالك مش عاجبني
في ناس بتمثل ديانه وحدة
لكنها عيشة في وحده
وكله بيبعد عن كله
ولما يكون له مصلحه تهمه
في غير كده ما يقربش
وما حدش ناكر للاحزان
عشانها صعبه ف النسيان
ويا دنيا حالك مش عاجبني
دنيا صعبة تنعاش
ومصايب ما تنسهاش
وجيران ليك في البيوت
ما تعرفكش لو هتموت
ويا دنيا حالك مش عاجبني
إمتي احزانك هتسبني
اوجاعك والامك ملتني
وشدتني وخدتني
من ناس عرفتهم
ونستني حبهم
ولما حاولت ارجع لهم
نستني اسمهم
و يا دنيا حالك مش عاجبني