عايز تموت ازاي؟؟؟؟؟؟؟؟؟؟؟؟

السلام عليكم ورحمة الله وبركاته

عايز تموت من الضحك..

ياتشوف حضره النائب اللي نجح بالتزوير علي الفضائيات بيتكلم عن نزاهة الانتخابات ..

ياتشوف فيلم "غبي منه فيه " وانت حاطط واحد في بالك.



عايز تموت من الغيظ ..

يا تتفرج علي القنوات المحليه ..

يا تتفرج علي النشره الجويه .



عايز تموت من الجوع ..

يا تتعارك مع صاحب الفرن ..

يا يسقط اسمك من كشوفات التموين .



عايز تموت من الحزن ..

يا تفكر دايما في احوالك ..

يا تحط الحكومه في بالك .



عايز تموت من الحسره ..

يا تبقي مواطن مصري ..

يا تبقي مواطن مصري.



عايز تموت شهيد ..

يا تركب قطر ..

يا تركب عباره ..

يا تركب بوكس.



عايز تموت منتحر..

يا تقرأ مقال اللي ما يتسماش ..

يا تتفرج علي "البيت بيتك".



عايز تموت مخنوق ..

ياتروح مصلحه حكوميه ..

يا تقرأ الصحف القوميه .



عايز تموت مشهور ..

يا تتجوز رقاصه ..

يا تنصب علي بنك .



عايز تموت مليونير ..

يا تعمل فيديو كليب ..

يا تلعب كوره .



عايز تموت سعيد ..

يا تطلع حماتك كويسه ..

يا تعدي حياتك من غير ما تقف في سجل مدني .



عايز تموت مرتاح ..

يا تعمل نفسك اهبل ..

يا تنسي انك بني آدم ولك حقوق .

ههههههه
عايز تموت بحسرة
حط نفسك في موقف يجيب اخرتك

عايز تموت متحطم
اعطي ثقتك لناس متستهلش

عايز تموت مهموم
افضل اتندم على شي ضاع منك ومتقدرش ترجعه

عايز تموت مبسوط
اعرف قدر نفسك ولا تحط حالك بمواقف تندم عليها طول العمر

يلا حياة وبدها تمشي ويا نمشيها صح يا نمشيها غلط

الله يسهلها علينا جميعا