من طرف رضوي الأحد سبتمبر 14, 2008 11:11 am
انا عن نفسي بصحا الساعه 4 اتسحر واصلي الفجر واقرا جزء قران
وبصحا الساعه 8:30 عشان معاد شغلي بنزل من بيتي وبركب المترو وانا في الطريق افرا جزء قران واوقات ما بلحقش اكمله
بوصل الشركه بشوف شغلي كسكيرتيره تنفيذيه بشركة سفريات
وبصلي الظهر والعصر في الشغل
وبمشي من شغلي الساعه 4
وطبعآ في الطريق وانا رايحه بيتي اقرا جزء قران
بدخل البيت اساعد ماما لان بيكون كتر خيرها اوي لحد كده
وبتفرج علي الشيخ محمد حسان وعلي معتز المرداش ومعز
وبفطر علي التمر وبنصلي
ونفطر وبعد كده بلبس وانزل انا وماما واخواتي عشان صلاة التراويح
وبابا بيكون نزل قبلينا لانه امام المسجد
وبنيجيب من الصلاه الساعه 10 نقعد نتكلم ونتفرج علي عمرو خالد ومصطفي حسني
ده لو اليوم في بيتنا
اما لو معزومين عند حد من خالاتي ده بيكون يوم احلي واحلي ما فيه لمة العيله والعيال الصغيره
وطبعآ مابنصليش في الجامع والدي هو اللي بيصلي بينا
وبحب في رمضان الشارع عندنا بيبقي كله زينه وفوانيس
وفي عصاير رمضان بحب القمر الدين والتمر هندي
وفي الاكل طبعآ الرقاق
اما الحلويات ماليش تقل عليها
واول يوم في رمضان ماما بتجمع العيله كلها
وطبعآ بيكون البيت زحمه بس بتبقي لمه حلوه
واوقات لو خلصنا الصلاه بدري ممكن نخرج في المنطقه عندنا مع اصحابنا
ده يومي في رمضان
![[b]انا .....وأنت.......ورمضان....دعوه للمشاركه[/b] 613623](https://2img.net/h/help.ahlamontada.com/users/68/54/94/smiles/613623.gif)
![[b]انا .....وأنت.......ورمضان....دعوه للمشاركه[/b] 829894](https://2img.net/h/help.ahlamontada.com/users/68/54/94/smiles/829894.gif)
![[b]انا .....وأنت.......ورمضان....دعوه للمشاركه[/b] 103798](https://2img.net/h/help.ahlamontada.com/users/68/54/94/smiles/103798.gif)
الرئيسية
