اهداء:الي صديقي الجميل .................؟

عارف انى بكون سعيد جدا و انا بسمعك بتتكلم عن حاجه مدايقاك و تفضفض و اقدر اشيل همك و ترتاح بعد ما تكلمنى
عارف انى بحس بنوع من الغرور اللذيذ لانى الوحيد اللى لما بتكلمها بتخلى نفسيتك احسن

عارف انى بيكون ورايا حاجات كتير اوى بس باجلها عشان اقعد اكلمك و اسمع رايك

عارف ان حديثنا لما بيكون جاد جدا و يتخلله فى النص طرفه او نكته بتخلى الحديث مهما كان مرهق وممتلىء بالمشكلات ممتع و عميق و له اثر ايجابى جدا

عارف انى مقدرش اتخيل انك ممكن تحكى لحد تانى !!
اوعى تفتكرها انانية بس انا متأكد ان محدش هيسمعك زيي ولا يحس بيك ادى

عارف انا لما بتخنق منك جدا بلاقى افضل وسيلة عشان ادايقك ايه ؟
انى متكلمش معاك
متسمعش صوتى ولا تشوف ضحكتى

وعارف كمان انى لما الضغوط تزيد عليا مبلاقيش حاجه تريحنى اد جلسة طويلة معاك نتسلى بالدردشة فيها مع كوبايتين شاى ولب وسودانى ونوجه و نتكلم فى اى كلام حتى لو مش مهم

عارف ان الكلام معاك متعة مش ممكن اقدر اتخيل حياتى من غيرها

عارف اننا مهما بعدنا عن بعض بيكون عندى يقين ان صداقتنا اقوى من اى بعاد ؟
وانها مهما بعدنا هتخلينا دايما قريبين

اية الجمال دة يا تيمووو ربنا يخليكو لبعض

كتير حلو يا تيمو
وبجد الشخص الي ذكرته يمكن موجود في حياة كل واحد فينا ويكون هالشخص هو كل ما تتمناه من دنيتك
والشخص ده ممكن يكون صديق أو أم أو أخ وهو الوحيد الي يقدر يسمعك ويحس بيك
وربنا ما يحرمك من هالانسان ويفضل هو مسكنك وحافظ سرك ومريح بالك وقلبك

شكرا رند علي الككلام الجميل ده
وفعلا ربنا لا يحرمني من هذا الصديق لي بجد نعما الصديق نعما الاخ نعما الوفاء
وربنا ميحرمنيش ابدا من كل اصدقائي لي بجد بحبهم موووووووووووووووووووووووت
وشكرا ميشووووو الجميل علي الرد

ربنا ما يحرمكوش منن بعض وزلا يحرم اي حد بيحب حد

الله يخليك يا تيمو ويحفظ كل اصحابك وحبايبك

الصداقه شيئ رائع جدآآآآآآآآآآآآآآآآآآآآآآآآآآآ
ربناميحرمكوش من بعض ابدآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
ويديم الحب بينكم