الرئيسية
استيقظ من النوم تمام الساعة الواحدة ظهرا اقعد شوية فى استجمام ابحلق للسقف وادعى واقول يافتاح ياعليم يارزاق ياكريم ربنا يسهل النهارده والاقى شغل انهض من الفراش اذهب مباشرة لاسأل على الفطور طبعا بعد سماع كلمتين من الوالد " انت لسه صاحى مانت بيه . اصلى شغال طاحونة اجيب لكم تاكلوا وانتم نايمين بهوات . بقيت زى الشحت ولسه مش شغال ....... الخ الخ "ولكن مايهون الموضوع كلمات ست الحبايب " هو كان لقى شغل وقال لا . سيب الواد لسه صغير انت مستعجل على ايه "
اجيب طبق الفول واشاهد قناة الجزيرة ماهى ناقصة نكد وقناة الجزيرة بالذات علشان واحد صاحبى نصحنى انى اتفرج عليها علشان بتفتح المخ مش عارف العلاقة بس سمعت نصيحته
بعد انتهائى من الفطار اقوم وابدأ رحلة الشقاء فى البحث عن عمل ابتداءا من جريدة الاهرام انتهاءا بالوسيط افتح صفحة الوظائف الخالية الاقى كم من الوظائف تقولش مصر كلها مبقاش فيها ايدى عاملة ابحث عن مطلوب خريجين اثار مش لاقى كلهم محاسبين مهندسين وكمبيوتر طيب الباقى ينتحروا المهم ادور بقى فى وظائف العمالة او اى حاجة تكون كده ... جمبى ورقتى وقلمى انقل التليفونات والايميلات وبعد ساعات من العمل الشاق ادخل بقى للنت ابعت للكام الف وظيفة اللى نقلتهم وسبحان الله محدش بيرد ويوم محد بيرد بيقولى شكرا لمراسلتنا هنبقى نتصل بيك . احط السماعات فى ودنى واشغل كام اغنية تواسينى واقعد احلم انى بيل جيتس او واحد من نصابين مصر اللى يطلع فى التلفزيون والجرايد يقول انا بنيت نفسى بنفسى عصامى .
بعد كده اتولى ترتيب خروجة لينا بالليل انا واصحابى لانى العاطل اللى فيهم فنخرج نقعد على القهوة لحد نص الليل وارجع بقى لعالم الانترنت اقعد على المنتديات والشات افضفض معاكم علشان مطقش واكلم اولاد خالتى الاتنين العاطلين اللى زيى اصل مبلقاش غيرهم فى الوقت ده لحد الصبح والفضل يرجع لخدمة ال adsl اللى من غييرها مش عارف كنت عملت ايه واقعد كده لحد ماعنيه تقفل وانام الساعة 7 الصبح وتتكرر القصة.......ز
اجيب طبق الفول واشاهد قناة الجزيرة ماهى ناقصة نكد وقناة الجزيرة بالذات علشان واحد صاحبى نصحنى انى اتفرج عليها علشان بتفتح المخ مش عارف العلاقة بس سمعت نصيحته
بعد انتهائى من الفطار اقوم وابدأ رحلة الشقاء فى البحث عن عمل ابتداءا من جريدة الاهرام انتهاءا بالوسيط افتح صفحة الوظائف الخالية الاقى كم من الوظائف تقولش مصر كلها مبقاش فيها ايدى عاملة ابحث عن مطلوب خريجين اثار مش لاقى كلهم محاسبين مهندسين وكمبيوتر طيب الباقى ينتحروا المهم ادور بقى فى وظائف العمالة او اى حاجة تكون كده ... جمبى ورقتى وقلمى انقل التليفونات والايميلات وبعد ساعات من العمل الشاق ادخل بقى للنت ابعت للكام الف وظيفة اللى نقلتهم وسبحان الله محدش بيرد ويوم محد بيرد بيقولى شكرا لمراسلتنا هنبقى نتصل بيك . احط السماعات فى ودنى واشغل كام اغنية تواسينى واقعد احلم انى بيل جيتس او واحد من نصابين مصر اللى يطلع فى التلفزيون والجرايد يقول انا بنيت نفسى بنفسى عصامى .
بعد كده اتولى ترتيب خروجة لينا بالليل انا واصحابى لانى العاطل اللى فيهم فنخرج نقعد على القهوة لحد نص الليل وارجع بقى لعالم الانترنت اقعد على المنتديات والشات افضفض معاكم علشان مطقش واكلم اولاد خالتى الاتنين العاطلين اللى زيى اصل مبلقاش غيرهم فى الوقت ده لحد الصبح والفضل يرجع لخدمة ال adsl اللى من غييرها مش عارف كنت عملت ايه واقعد كده لحد ماعنيه تقفل وانام الساعة 7 الصبح وتتكرر القصة.......ز
