ايه ده ايه ده
ماتزقش بقي ايه فيه ايه
كل دي مواضيع
انت ايه اللي جابك هنا هو القفص ناقص طماطم
ايه بس انا معملتش حاجه عادي جدا جاي اعمل موضوع ايه المشكله في كده
موضوع !!!!! في العام !!! انت فوق الفظيع .... يا عم مانت طول عمرك مرمي
و عايش حياتك ايه اللي هايدخلك بس في وسط الزحمه
و لا هي رخامه و خلاص جاي تقاسمنا في اكل عيشنا
لا و الله مش رخامه بس اهي تجربه
و الانسان ايه غير شويه تجارب متراصه عموديا فوق بعض
خلاص بقي سامحوني .... خلاص اخر مره هاجي العام...توبه من دي النوبه ( مدينه في جنوب مصر )
اصلي عايز اسمع صوتي لناس كتير اوي .... عايز ازعق
تزعق
انت مش عارف ان صوتك العالي دليل علي ضعف موقفك يا كابتن
بصراحه عارف بس اعمل ايه يعني بحب ازعق في الاماكن الهاديه
ده انا جاي انصحكو
تنصح مين روح انصح نفسك انت هاتعمل نفسك مختار الصحاح
من الاخر انا جاي اقول كلمتين علشان الاجازة بدأت تاني و مش طالبه معايا
مناظر
0000000000000000
وكل اجازة بقول نفس الكلمتين
جيت قلت و زعقت بعز ما فيا
و قلت يا بنـــــــــــــــــــــــــــــات وسعو الباطيل
البنات نفضت و الولاد سقطت
و كل الولاد وسعو البناطيل لدرجه انها وقعت منهم
امال ايه ده انا مربي الولاد علي ايدي و لازم يسمعو كلامي!
فانتهزت الفرصه و قلت الولاد متربيين و هايسمعو كلامي
و قلت خلاص يا ولاد ارفعو البناطيل شويه
ان شالله يعني لغايه (الركب) احسن كده مش هاينفع خالص
الولاد نفضت و البنات هيصت
و رفعت البنطلون بس ضيقته علشان مايقعش
طيب ما هو كده مش هاينفع
هو احنا رايحين الكليه و لا رايحين نسقط و نضيق و لا هو توفير في البوكيت موني و خلاص
و بعدين بقي انا بصراحه بما اني من الحزب الولادي الناصري
فمش هكلم الولاد اصل برضه يعني الولد لما يسقط البنطلون برضه يعني مش مشكله لوغاريتميه يعني
انما المشكله في البنات !!
اصل انتي لما تسقطي البطلون مش ... يعني ... مش هايبقي كويس
ماشي البنات بيتخنقو من العادات و التقاليد و قلنا نوارب الشباك شويه و خليهم ينزلو و يشتغلو
و يحققو ذاتهم علشان النفسيه ماتتعبش
بس احنا كده اللي نفسيتنا تعبت يا امااااااااااااااااااااال ( امال دي واحده كده )
و بعدين كده الشباك اتفتح اوي ده اتفتح جامد اصلا
ده بقي بلكونه يا امال
طيب ماتقوليلي لابسه كده ليه ..... موضه .... كدابه يا امال
و ربنا كدابه يا امال .... اسمعي كلامي .. صدقيني كدابه
من امتي الموضه بأننا نبين البوكــــــ ... احم احم ... ما علينا علينا
مانتي اللي بتستفزيني يا امال
ملعون دي عشرين جنيه يا امال كان زمانك بتكتبي الموضوع معايا دلوقتي
اصل انتي لو فاكره ان الكارينه ( سوري يا رقابه ) هي اللي هاتجيبلك الشاب مامي بحماره الابيض ... انسي يا اموله
اعتقد ان دي بقت حاجه واضحه اوي... الشباب بقو علي وعي بأختيار شريكه حياتهم
و بيختاروها لدينها في الاول و الاخر .... و ربنا الشباب بقو صايعين جدا و عارفين الحركات دي
و الشخاليل الكتير برضه مالهاش لازمه ... في واحده تخرج و هي معلقه بوتيك في رقبتها و ايديها
ده حتي في قاعده اساسيه لاناقه البنت بتقول ( اناقه * بساطه = جمال ) ... طبعا محدش عارف دي لانها من تأليفي بس برضه في قاعده تانيه بتقول ( اناقه* شخاليل = موز موز موز ) و دي برضك ( او بردك ) اللي انا بشرب فيها !!! قصدي برضه من تأليفي
فعلشان كده واضح ان الزوق منفعش معاكو
طيب اعملكو ايه مانا اصلا مش خايف عليكو
انا خايف علي الشباب اللي زهق ما اصله كده مش هاينفع و تقولو نسبه العنوسه زادت في وسط البلد ليه !!!
ما هو الشباب خلاص مش عــــــــ.....احم احم بقي... ماتعصبنيش يا امال
خلاص بقي استهدو بالله كده
أيتها البنات المختنقـــات..!!
انا حاسس ان البنات من كتر ماتخنقو طلعو من هدومهم
ده بناطيلهم وقعت من الخنقه
نتفق علي اتفاق كويس ماشي .... بصو في المرايه و انتو خارجين .... واحده هاتقولي مش عندي مرايه
بلاش مرايه ابقي عدي علي باباكي و انتي خارجه و اتمشي بقي قصاده كده لو سكت ... يبقي انزلي
لو مسكتش يبقي ارحمي نفسك و المجتمع و الناس و غيري لبسك ... بس خلي بالك في حاله تالته
ان ممكن وشه يتغير يبقي كده هو معترض بس انتي مربياه كويس
( تغير تعبير وشك عار يا زلفي )
ايه يا امال نظره الاندهاش... دي ايه في ايه ..... انتي مش مصدقه ان في بنات مربيه اهاليها .... لا اطمني
ده الاهالي دلوقتي متربيين جامد مش بقوليك الشباك بقي بلكونه يا امال
و اذا كان رب البيت للرق ضارب فشيمه اهل البيت الهشك بشك
و بعدين مانتي بتروحي الكليه خلاص يعني حصلت الفاجعه و خلعتي من السيد الوالد .... و انتي في الستريت
بتستمتعي بنظرات الاعجاب او كلمات المعاكسات و اللي دلوقتي بقت تحرش بالملامسه
لا ماتقنعنيش هي خلصت ايوه انتي بتبقي عايزه تتعاكسي امال نزلتي كده ليه.... ماتقوليش بقي موضه تاني مانا قولتلك علي النظريات ... ما هي يا حاجه من الاتنين يا أن أن يا أن أن ... بلاش دي يا ستي ( فلتي ) من الشارع .... و كانت ساعه كسوف للشمس و مفيش صريخ ابن يومين في الشارع .... نزلتي بارشوت في الكليه
....ايه ده استني كده بقي الله برفان جميل { أيما إمرأة إستعطرت فمرّت بقوم ليجدوا ريحها فهي زانية .
قلبتي الكليه و خلاص ماشي قاعده في الحدائق المعلقه بتاعه الكليه
رجل علي رجل
( man on man )
بقي في بنت تحط رجل علي رجل ..... لـــــيه بريتني سبيرز
ما علينا .... طبعا رجل علي رجل و البنطلون و التي شيرت اللي قولنا عليه و ..و .. و .... ههههههههه
و الله ما عارف اقول ايه .... بس معلش لو قفلت معاكي تقعدي كده ابقي ادي ضهرك للحيطه
ده بقي و الموبايل لازم يكون بتتكلم فيه .... الله !!! يا جماعه امال هي اشترته ليه
و اخير يأتي الموز ( مذكر سالم ) و يتكلمو و هزار بالايد و شد و جذب
و فاكرين نفسهم في ميامي لاند .... و بعد شويه يقومو
wrotten by :myself
tito