مذكرات ناني بالسرفيس

منقول
من كتر ما كتروا هل قصص معي قررت اني خبركن شوي عن مأساتي عفوا قصدي ذكرياتي يوميا بالمواصلات طبعا هون المذكرات بالسرفيس في قسم تاني المذكرات بالتكسي:

مرة كنت راكبة بالسرفيس قام طلع واحد غليظ وقعد جنبي قمت انا بعدت شوي وعملت حالي ما انتبهت مر شوية وقت رجع قرب شوي رجعت انا عملت حالي مو منتبهة وبعدت شوي هيك لحتى صرت شوي تانية وبيصير بارض السيرفيس وبأثناء هل وقت يلي انا صفيت فيه قاعدة على شقفة كرسي مال السرفيس قال بدو يدوبل على سرفيس تاني قام انا بدون قصد دقيت بالزلمة يلي قاعد جنبي قام هو بكل بساطة تطلع فيني على اساس متدايق من هل تصرف ليش دقيت فيه بالغلط

ومرة ركبت بسرفيس ما كان غيري فيه قام انا بحبشت بالشنطة وطالعت خمس ليرات بس ما كان في مجال انو اعطيه للشوفير الخمسة لاني بعيدة عنو كنت عم انتظر يركب حدا واعطيه يوصلها للشوفير المهم بهل طريق مافي الا الشوفير يطلع فيني ويدير وشو وانا عم قول شو هل اله الذوق شو يعني لانو ما في غيري عم يتبايخ بعدين الت بقلبي اني قد حالي واذا زودها بعرف كيف وقفو عند حدو المهم بعد شوي صار ما عاد شال عينو عني بالمراية وانا عم اتطلع يمين وشمال واتافاف من الوضع بعدين صارت على المكشوف صار يندار لورا ويطلع فيني انا هون دبت الحماسة فيني والت لازمو بهدلة بس قدرة الله بعتت ولد ركب بهل سرفيس معي ما لقيت الا هل ولد طالع خمسة واعطاها للشوفير تذكرت اني لهلا ما محاسبتو قمت حاسبتو قام ما عاد اتطلع فيني بعدها عرفت ليش كان عم يتزورني بالمرايه

ومرة كنت راكبة بسرفيس ومافي غير مكان واحد فاضي جنبي اجت وحدة بدها تركب طلعت هي وولدين المهم هل مخلوقة حاطه براسها انو بدها توسع حالها هي والولدين بهل كرسي جنبي يلي هي لوحدها ما بيسعها كونها صحتها منيحة شوي المهم كل شوي لاقي حالي عم اتدفش شوي لحتى صرنا متقاسمين الكرسي يلي بيسع واحد ونص صرنا قاعدين 4 ولازم قول 5 لانو هي عنن 2 بعدين بعد شوي صار المحروس ينق قال اخوه عم يدق فيه وهو بدو يقعد عل شباك قالتو امو قوم يا روح الماما تعال حملتو مشان يعقد على الشباك كان الولد بهي الحملة مسح بوطو بواعي القاعدين بعد شوي صارت الام تتأفأف وصارت تقلن لولادها يلا ماما هانت هلا بتنزل الخالة وبنترحرح بالقعدة

اكيد الاغلبية عندن هيك ذكريات لذلك بتمنى اسمع ذكرياتكن بس على شرط انو بالسرفيس مو بالتكسي لانو في قسم تاني للتكسي
__________________
=-=-= يــا رب =-=-=
فيني بداية وقت ونهاية أزمان
إن ما عرفتيني فلاني بزعلان
حتى أنا تراني أحترت فيني

مرة أنا كنت راكب بالسرفيس وكان سرفيس ركن الدين وكنت قاعد بالكرسي المعكوس الي عند الباب وصار كل الركاب يناولوني مصاري مشان حاسب الشوفير وأنا كما طالعت 25 ليرة وبدأت أحسب وأكرة الراكب 3 ليرة المهم وبعد شوي عطيت الشوفير المبلغ ورجعت للركاب كل واحد الي باقي له المهم قلت للشوفير نزلني على اليمين لأني وصلت وكان باقي الـ 25 تبعي بإيدي لسا وبعد ما نزلت طلع معي مو 22 ليرة لاء طلع معي 27 ليرة يعني ركبت ببلاش وهفيت ليرتين من شي راكب ..... بس عن جد كتير تضايقت من حالي على هالشغلة بس السرفيس كان راح ..... أكيد لحقلي كم مسبة الشوفير ...

في مرة كن راكب سرفيس مزة جبل كراجات وطلعت من ناح كلية الإقتصاد بدي روح ناح البحصة المهم بعد ماطلعت طلبت من الي قاعد بالمقعد الي قدامي يناول الشوفير الخمس ليرات قام شو قلي : شو عم بشتغل أنا عندك ..... قمت بسرعة قلت له : لا تآخذني الله يخليك ما كون أزعجتك يعني .... بس العادة هيك الكرس الي قدام بياخذ من الي واره وقمت من مقعدي وناولت الشوفير الخمس ليرات ..... يعني في ناس والله غريبة ...

مرة صارت معي شغلة غريبة كنت طالع على شغلي بسبينة وكنت قاعد على الكرسي الي بنطوى المهم بعد شوي والسرفيس مسرع نزل بجورة كتير كبيرة ورجع طلع منها أمت أنا بهالنزلة والطلعة انكسر الكرسي في ووعت على الأرض يعني توجعت تمام يوميتها لأنو بقورة كبيرة صارت الشغلة ...... بعد ما قمت من على الأرض شو قلي الشوفير وهو منزعج .... شو لازم تحط كل وزنك على الكرسي ؟؟؟؟ ....
قمت أنا قلت له : دخيلك ما تآخذني مرة تانية بطالع نص وزني وبترك الباقي تحت بيطلع بسرفيس تاني .... قلي : شو عم تتظارف ..... قلت له : لا والله بس أنت سبحان الذي خلقك على هالسواقة وعلى هالسيارة تبعك يعني أحسن من الطنبر بشوي ..... قام دار وشو لعندي وقلي : إذا مو عاجبك لا عاد تطلع معي ..... قلت له : سوق وخلصنا ...... بعني عذر أقبح من ذنب

عندما كنت في صف الثالث الثانوي وكنت انا واثنين من رفاقي خارجين من المدرسة ركبنا باص داخلي من الباصات القديمة الجديدة وتعرفي الباص الداخلي وكان الوقت مساءا وقفنا في الخلف مع ان الباص غير مزدحم ولا اعلم مالذي اتى برجل مسكين يبدو عليه الفقر الشديد وأنا اقف في الزاوية يعني هيك ..تمام

وهذا الرجل المسكين يحمل معه صفت من البيض ومجموعة من الأغراض وضع هذه الأغراض على الأرض وتصادف ان وضعهم امامي وباعد بين قدميه وامسك بحديد الباص حماية للأغراض وسائق الباص كأنه يقود سيارة نقل ماشية بعيد عنكم ثم داس على الفرامل ليقف على الموقف وما ادري الا قدمي في نصف صفت البيض؟؟؟!!!!!!

ووقفت الحركة في الباص وساد صمت مطبق وتركزت النظرات على قدمي وهنا لم ادري ما افعل هل ارفع ام ادع قدمي كنت مرتبك جدا ليس من ردة فعل الرجل بل خجلا فرفعت قدمي وقلت له امرني ارجوك سامحني فنظر الي من اعلى الى اسفل وانا ارتدي بدلة الفتوة واراه يقول في نفسه "يعني اخلعو كف على خلقتو شو بدو يصير او بدي قلو هات حقو طالب لسى يمكن اجرة الباص مامعوا اشكي امري لله" فلم يرد على بأي كلمة واول موقف نزلت وقدماي تدق في ظهري.......