شهيده العيش

السلام عليكم ورحمه الله وبركاته
موضوع استفزنى جدا

فاتح الدش على الجهاز عندى وبتصفح فى الحاره لاقيت برنامج الحقيقه شغال على دريم اتنين
وجايبنلك اسراء وفاتحين موضوع الفيس بوك

لاسف مش لحقت البرنامج من اوله
وشويه ولاقتلك جايبين تلت شباب ومنهم واحد عينه متشاله طلعت الحكومه العزيزة اخدته ساعه الدوشه بتاعت الاضراب وعمله معاه الى فيه النصيب

وطبعا الولد مش هايعدى التلاته وعشرين سنه يعنى لسه مستقبله ادامه هايعيشه بعين واحده

وكل الى هو عاوزة ان حد يعالجه وطبعا المذيع يقوله تتهم مين وتقول للناس مين الى عمل كده
راح رد عليه وقاله انا الى عاوزة دلوقتى انى اتعالج ومش ناقص اكتر من كده

وبعد كده قولت خلاص هوالواحد لسه هايتنرفز

روحت سبت الجهاز وشويه وجيت لاقيت المهزله

الموضوع ان فيه ست فى الدقهليه
ماتت

محروقه

علشاااااااان ايه

علشان العيش

اة والله يا جدعان علشان العيش

لاسف مش لحقت الفقره من الاول فسجلت يجى فى نصها كده

بس الفيديو كان مساحته كبيره فصغرته


شوفوة تلت دقايق تحرق الدم

حسبنا الله ونعم الوكيل

اتمنى من كل قلبى ان الفقره ده تهز ناس كتير
واهى بتتذاع على الفضائيات والناس بتشوفها اتمنى يتحركووو
والله اتمنى

موضوع مؤسف صراحه

حسبنا الله ونعم الوكيل فى كل مفترى

كل ده وقال ايه هايحلو مشكله العيش

شكرا يا نظيف
شكرا
شكرا


وهى جمله اتقالت فى البرنامج

مهلتك يا نظيف انتهت

ازمة العيش اصبحت مزارا سياحي للاخوة العرب

اذاااااي

كان عندنا ضيف ليبي
و اثناء السير مر على فرن
طلب من السواق يوقف العربيه و اتفرج شويه على الزحمه
و بعدين قال لاخي

هي دي ازمة الخبز

و طلع الموبيل و صور
اخويا اتكسف اوي وقاله :

على فكره الحاجات دي تخص امن الدوله

الراجل اترعب و خبى الموبيل و سكت خالص و كانه مشافش حاجه

و هذه القصه ان دلت فانما تدل على ان
هناك طواطء بين كلا من وزير السياحه و وزير التموين
او الوزارتين اتعملوا وزاره واحده
و عشان ينشطوا السياحه عملوا ازمة الخبز

دعائك الذي دعيت به لا يجوز
http://www.islam2all.com/dont/dont/latnshor/90.html

وأما عن السلعة الثمينة التي تسمى رغيف العيش

فأقول (ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ)

فإن إدارة الأمازات لا تكون إلا بحُسن اللجوء إلى الله !

أنشأ عمر بن الخطاب ( دار الدقيق ) هكذا سُميت ، كان يطعم الناس منها ، وهي من المؤسسات الاقتصادية التي واجه بها عمر بن الخطاب أزمة الدقيق في عام الرمادة ، وكان يعمل بنفسه بين الفقراء والجياع الوافدين على المدينة ، قال أبو هريرة رضى الله عنه : لقد رأيته عام الرمادة يحمل على ظهره الدقيق ، بل يطرح رداءه وينزل يطبخ لهم ويطعمهم حتى يشبعوا ،
رضي الله عنك يا عمر !

فأين أنت الآن لتعلّمنا كيف نحل مشاكلنا وكيف نتعامل مع أزماتنا

وكان عمر في عام الرمادة يصلي بالناس العشاء، ثم يخرج حتى يدخل بيته، فلا يزال يصلي حتى يكون آخر الليل، ثم يخرج فيأتي الأنقاب ( أطراف المدينة) فيطوف عليها، ويسمعونه ليلة في السحر وهو يقول: اللهم لا تجعل هلاك أمة محمد على يدي" وخطب عمر في الناس في زمن الرمادة، فقال: أيها الناس اتقوا الله في أنفسكم، وفيما غاب عن الناس من أمركم، فقد ابتليت بكم وابتليتم بي، فما أدري السخطى عليَّ دونكم، أوعليكم دوني، أوقد عمتني وعمتكم، فهلموا فندع الله يصلح قلوبنا، وأن يرحمنا، وأن يرفع عنا المحل، قال: فرئي عمر يومئذ رافعاً يديه يدعو الله، ودعا الناس، وبكى وبكى الناس ملياً، ثم نزل" وكان يقول: اللهم لا تهلكنا بالسنين(أي بالقحط) وارفع عنا البلاء، يردد هذه الكلمة، وكان ينادي في الناس: أيها الناس استغفروا ربكم ثم توبوا إليه وسلوه من فضله، واستسقوا سقيا رحمة .

فأنا الآن لا أقول إلا كما قال الفاروق
أيها الناس استغفروا ربكم ثم توبوا إليه وسلوه من فضله، واستسقوا سقيا رحمة !

وما أصابكم من مصيبة فبما كسبت أيديكم

أخى الفاضل
لست فقيها فى الدين
ولكنى طالما سمعت هذا الدعاء يتردد
وفى حدود علمى الضئيل .. لا رد لقضاء الله
لذلك نحن نسأله أن يلطف بنا فى قضائه .. والله أعلم
شكرا لك أخى الكريم .. وجزاك الله خيرا
تحياتى وتقديرى لك