فضفض معانا في اي مشكله قدامك ومش هتندم ان شاء الله

بسم الله الرحمن الرحيم

بما اننا في منتدي فضفضه علي الهواء

انا عاوز اقترح موضوع جامد اوي وهو
اي حد عنده مشكله حب او مشكله نفسيه او اي مشكله مضيقاه ومش لاقيلها حل

يدخل ويكتبها هنا بكل صراحه وانا وكل الاعضاء هنبذل يا جماعه اقصي وسعنا عشان نحلهالك ونقولك ازي تخرج من المشكله دي
وانا مستني مشاكلكم عشان نبدا ونحلها ان شاء الله
وكل الاعضاء بردوا يا جماعه هتشارك معانا في الحل

اوكي
يالا يا جماعه مش عاوز حد يحرج احنا كلنا اخوات

ورجا خاص من رئيس المنتدي

ارجو التثبيت يا ريس

موضوع جميل يابوشى
ودايما نت من الاعضاء المتميزين فى المنتدى
وتعجبنى مشاركاتك ومجهودك
ودايما منورنا فى المنتدى
وعرفانا منى بمشاركاتك الرائعة تم تثبيت هذا الموضوع الشيق
وارجو منك متابعته مع الاعضاء للرد عليهم

موضوع جميل يابوشى
بس ايه رأيك تبدأ انت وتتكلم عن مشكلة من عندك تبقى قدوة لينا

شكرا يا جماعه علي الردود الفوق الوصف دي وهي كالشعار علي صدري
وليه بس يا ايمن الاحراج ده ومع ذالك انا هبدا بنفسي
مشكلتي ياجماعه هي
انا يا جماعه رومانسي جدا ونفسي واميتي اني القي انسانه فيها مواصفاتي واحبها ويحبني
ولكن انا حتي الان لم اصادف هذه الفتاه وبجد الموضوع ده تعبني عاطفيا
وبجد نفسي القي حب بجد
وعلي فكره انا كل لما القي حد من اصدقاء لقي حب بجد انا بخلي ميسبهوش وقوله لازم تتمسك بيه
بس هي دي مشكلتي

ايه يابوشى هى دى كده مشكلة
دى حاجة كويسة
والحب بيجى فى وقته انت لسه سنك صغير
وصدقنى قليل جدا جدا اللى بيحب فى سنك ويكمل للاخر
لانه بيبقى كل سن وليه متطلباته يعنى كل همك دلوقتى الجمال
بعد سنتين تلاتة هيبقى همك انها تكون اخلاق وجميلة علشان تحافظ على اسمك
كمان شوية هيتغير فانت سيب كل حاجة تمشى وكل حاجة فى وقتها وربنا هيكرمك
سلمها لله

وفيه مشكله تانيه عندك يا بوشى اعتقد انك لازم تحلها

طبعا انت عارفها علشان مسيحش فى المنتدى

بأمارة الكاكاو

ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكرا جدا يا ايمن علي ردك الجميل المقنع الذي استفت منه كتير والله

اما بالنسبه لمحمود فانا مش هرد عشان مفيش رد
واعتقد انا عامل الموضوع ده عشان نحل المشاكل مش للهزار يا محمود

واحب اقولك يا ايمن انا مستني مشكلتك لو كان فيه وادعي ربنا انه ميكنش غندك مشكله ان شاء الله

موضوع جميل جدا يا بوشي
وبالنسبه لمشكلة حضرتك: كلام الاستاذ نيو ستار عجبني اوى اوى
و استفدت منه أكيد
بس ممكن طلب؟؟؟؟
اكيد ممكن
نسمع مشكله لادمن
نستفيد يعني من خبراته

الى الامام دااااائما

فى البداية انا زعلان جدا لغياب البوشى عن المنتدى
يارب يكون السبب خير
ومشكلتك نيو ستار قال كل حاجة مش هقدر اقول اكتر من كده
وتيتو سيب الراجل فى حالة عنده مشكلة وانت جى تخنقه
واسيرة الصمت لازم الاحراج ده يعنى
اوعدككم لما يكون فى مشكلة اقولها
ومستنين مشكلتك يااسيرة الصمت امال لو مفيش صمت كنتى عملتى فينا ايه