اكتب رساله لأى عضو فى المنتدى "وادعى لتيتو"

فكرة هايله خطرت على بالى

ان كل عضو يكتب رساله لاى عضو تانى فى المنتدى

حتى لو ميعرفوش بعض

واهى فرصه للاعضاء تعبر عن نفسها

والاجر والثواب على الله

وانا اول واحد هيبدأ

وهوجه رساله لكام عضو كده ما دام الحكاية ببلاش

اول عضو هو تيمو : يا جماعه تيمو ده فعلا اخويا هو والملا

تانى عضو هو رند : رغم ان مشاركاتها قليله نسبيا لكنها بتتعب جدا فى المواضيع اللى بتكتبها وهى فعلا اختى الكبيرة

تالت عضو هو اهلاوى : الراجل ده عامل شغل جامد فى المنتدى ولازم اشيد بيه بس اموت واعرف هو مييييين؟؟ بس خايف يكون الغزولى بس يا الف خسارة انه مش هيبقى فى الانتخابات

رابع عضو هو eed : بجد بتتعب فى مواضيعك بس يا ريت نشوفك فى الانتخابات وبالتوفيق دايما

خامس رساله لكل اعضاء المنتدى : انا اسف لو كنت نسيت اسم عضو ولا حاجه بس انا فعلا بحبكم كلكم على بعضكم


لكن فيه رساله خاصه للريس بتاعنا : ربنا يخليك لينا يا ريس علشان عملتلنا المنتدى الجامد ده بس يا ريس خلينى دايما دراعك اليمين لحسن اعمل الانقلاب وانت عارف انا شعبيتى عامله اذاى ف المنتدى

ارجو التثبيت يا ريس

تثبيت ايه ياتيتو بعد الكلمتين اللى قولتهم ليا
عاوز تعمل انقلاب
وبعدين انا لو ثبتت كل موضوع بتكتبه المنتدى هيبقى كله متثبت
وعلشان خاطرك انت بس هثبت الموضوع
بس عاوزك تنافقنى كده وتقول كلمتين حلوين فى حقى ولما اتخلع من الرياسة ابقى اشتم بقى براحتك

شكرا تيتو على موضوعك لانو بجد حلو كتير
اول رساله بوجها ليك واحب اشكرك فيها لانك عرفتني بالمنتدى ومن خلالك قدرت اوصل بعض المعلومات والمواضيع وقدرت احاور الاعضاء
تاني شي للريس اشكرك على الترقيه جدا وطلبك اني اشارك في الانتخابات بس احب احكي اني يمكن ما اكون على قدر المسؤليه لهيك ما رح ارشح نفسي لكن رح اضل اشارك بمواضيعي ويا رب تعجبكم
تالت رساله بوجها لكل عضو بالمنتدى بحب احكيلهم فيها يا رب اكون عضوه خفيفه عليكم وتتقبلوني بمواضيعي البسيطة وتشاركوني دايما بارائكم وردودكم
اختكم رند

موضوع جميل
واحب اهدى شكرى للريس وتيتو وتيمو وكل من ساهم فى انشاء هذا الصرح الذى جمعنا جميعا
فلان استطيع ان انشر ارائى وافكارى دون خوف
حتى لو لم يقرأها احد
واشكر كل عضو نشيط يشاركنا فى الموضوعات مثل عيد ورند شادى وماجد

موضوع حلو وفكرة جميلة ياتيتو
انا احب اهدى رسالة لعبدالله ( ادمن المنتدى)
بالتوفيق يارب ليك ولمنتداك واشكرك على صنع هذا المنتدى للترابط بين الاعضاء

ورسالة الى تيتو العضو الذهبى فى المنتدى ونائب الرئيس انت دايما متميز بموضوعاتك
ويارب يوفقك لانك بتسعدنا دايما بدمك الخفيف ومواضيعك الجميلة

وتيمو شاعر المنتدى بحب دايما اقرا شعره بس مش عارف ده بتاعه ولا نقله
بس بجد شعر جميل وفيه احساس ومتنوع بالتوفيق يارب وببقى سعيد لما اقرا حاجة انت كاتبها

وعيد اللى دايما مشاركاته عملية ومفيدة لينا فى الحياة اذا كانت ديكور او دين
يستاهل كل خير لانه بيبذل مجهود كبير فى المنتدى
ويارب بالتوفيق والمزيد من التقدم

رند سندريلا المنتدى اللى دايما تنقلنا اخبارهم فى فلسطين وتحكلنا عن حياتهم
موضوعاتها متميزة وجميلة ومشاركتها مفيدة وبتعجبنى جدا لانها بتكتب بايديها مش بتنقل
بتبذل مجهود اكتر من اى عضو ده حتى اكتر من ريس المنتدى

البوشى فن وهندسة برده بيكتب مشاركاته بايده وبيحب القراءة
وردوده دايما ايجابية ومفيدة وبالتوفيق يابوشى
ننتظر منك المزيد والفترة الاخيرة كان متغيب عن المنتدى بمشاركاته
لعل المانع يكون خير

واتمنى انى التوفيق لكل الاعضاء المتميزين ولضيق الوقت لايمكننى ذكر الجميع
نيوستار وماجد ومون اديب المنتدى
وحسام شاعر واديب والمنتدى بدخوله ليه كسب كتير

اولا احب اقدم شكرى العميق للعضو المتميز دائم اهلاوى على طول واحب اسكره على ثنائه على الموجودين فى المنتدى وده يدلى على ثقافة ووعى الاستاذ اهلاوى
شكرا جزيلا
عيد محمد

موضوع حلو
احب ابعت رسالة لكل اعضاء المنتدى بالشكر والعرفان وخاصة ماجد صديقى العزيز

مش عارف اقولك ايه يا اهلاوي علي كلامك الجميل ده

وانا فعلا كنت متغيب االفتره الاخيره بس والله كنت مشغول في التدريب الصيفي وكده
وان شاء الله انا راجع تاني

موضوع جامد ياتيتو
انا بحب اقول لكل اعضاء المنتدى انى بشكرهم على هذا الجو الاسرى الرائع
واخص بالشكر صديقى موون اللى مبقتش اشوفه كتير
اشكره لانه دعانى وعرفنى لهذا المنتدى الجميل

هيء هيء هيء هيء هيء هيء هيء هيء



وانا محدش كتب لي رساله ليه بقى ان شاء الله

مليش دعوه

اكتبولي رساله انا كمان

رسالتى لكل الاعضاء اتمنى تكونو مستفيدين من المنتدى واتمنى اشوفكم كلكم بتشاركوا
ولعيد النائب واخويا الكبير يارب نفضل اصحاب طول العمر ويوفقك وتحقق احلامك واشكرك على مجهودك
وتيمو وتيتو الثنائى المرح شكر خاص ليهم لانهم من اول الاعضاء فى المنتدى وعاملين مجهود كبير جدا فيه
ورند الصديقة من فلسطين اتمنى لكى التوفيق وان ترى فلسطين حرة مرة اخرى ولها مجهود رائع فى المنتدى
اهلاوى صديق العمل والاخ الحبيب اشكرك رغم غيابك فترات طويلة ولكن رجوعك يعوضنا ولك العذر
يسرى دائما مايذكرنا بالدين حتى لاتأخذنا الدنيا وننسى الاخرة اتمنى لك المزيد من التوفيق وانتظؤ منك دائما الجديد
اسيرة الصمت محدش يقدر ينساكى رغم الفترة القصيرة فى المنتدى الا انك اثبتى كفاءة عالية واكتسبتى ثقة كل الاعضاء وصداقتهم واتوقع انك تكونى احسن عضوة كمان شهر كده
اطلال الدكتورة شكرا لانك تساهمين فى المنتدى ولو بالقليل وشكرا لدعوتك اسيرة الصمت واتمنى اشوفك دكتورة كبيرة بس بلاش تفترى على المرضى خليكى رحيمة ده الناس غلابة
نيو ستار وماجد اختفوا ومحدش بيشوفهم مش عارف اتخطفوا ولا ايه بس وحشتونى والله
تيجر الاسمعلاوى نشاطه فى الرياضة واضح اشكره على مساهمته بس انا اهلاوى ورغم كده عملتلك قسم ليك مخصوص يارب بلاش تعصب
وصاحب القلب الجريح مظبط البرامج وبينزل كل ماهو جديد دائما بالتوفيق
وشكر خاص للجنرال مصصم شعار المنتدى ومشرف الكمبيوتر رغم انه بيكتفى بالزيارة ولا يشارك الا ان وجوده غالى عندى
الى كل الاعضاء الذين نسيتهم اعذرونى

شكر خاص لرئيس المنتدى ولثنائه علينا جميعا ويجب ان ينال منا
كل الشكر والتقدير على الفكره الرائعه التى كانت السبب فى هذا
الجمع بين اصدقاء لم يكن ليتعرفو على بعضهم البعض ويصبحون
كالاخوه لولا هذه الفكره الجميله من الاخ عبدالله فلهو منا كل الشكر والتقدير
على هذا المنتدى الرائع الف الف شكر وشكرى لجميع الاعضاء والمشرفين
والمستشارين والوزراء ورئيس الوزراء ووكلاء الوزاره الزين ساهمو فى
اعلاء ورقى هزا المنتدى ونرجو مزيد من التقدم والازدهار

مش عارفه يا نونه مش بتسمعي الكلام ليه
ليه دايما تعباني معاكي
هو انا مش قلت لك ميه مره قبل كده
مفيش حاجه اسمها انت
مش اتفقنا انا و انا*
وانا بشهد كل المنتدى
ان انا* =انا بالضبط
فلو حد فيكم يعرف يفهم انا* انها هي انا ياريت يقولها
ويبقا مشكووووووووووووووووووور اوي

علي فكرة انا وتيتو
شعارنا
انا مش انا وهو مش هو
انا انا دي معناه
انك انتي وهي مش فاهمين بعض خالص

رساله لتيمو و انتيمو( تيتو): المنتدى مفتقدكم اوى اوى

قشطة يا جماعه عايزين نبعت مية ورده لي نونة الامورة وعصفورة منتدنا علي لنجاح بي تفوق
ونقولهم مبرووووووووووووووووووووك
وكمان نبعت لي نوووووووووودي ونقالها مبروك
ولواد تيتو كمان
والبوشي
وعقبااااااااااااااااااااااااالي يااااااااااااارب عندي امناقشة يوم الاتنين ادعولي يا جماعه

الف مبرك وعقبال كل سنة ودايما رافعين راسنا ونتشرف انكم من اعضاء المنتدى
يارب دايما متفوقين
وعقبال كلى اللى ليه مستنى

الف مبروووووك النجاح ويا رب دايما
وانشاء الله تتوفق يا تيمو بالمناقشه وتجيب تفوق
وربنا يوفق الجميع
عقبال التخرج انشاء الله واسالوني انا بجد بجد النجاح والتخرج شعور راااااائع جداااااااااااا
بجد بتمنالك كل التفوق والنجاح ويا رب دايما

يااااااااااااااااارب ادعيلي يا رند
وادعولي كلكم بس لواد تيتو لا
ومبروووووووووك لكل النجاح كمان مرة
وقشطة لحياه قشطة جدا

شكرا على اهتمامك يا تيمو
الله يبارك فيكم كلكم
و عقبال ما تحققو كل امانيكم
بس في ناس يا تيمو اكيد انت عارفهم
مباركوش ولا حتى جابو الهدايا اللي عليهم

هديتك مووووووووووجوده طبعا يا نونة انتي بس تامري
احنا لينا اعز منك طبعا
قولي بس عايزة اية