الي ااين ذاهب؟؟؟

ليا عندك طلب صغنون او ممكن تعتبرة مجنون

انا هابعد عن التدوين فترة من يوم لشهرين

اصل الوضع مش مضمون

فى دماغى حاجات كتير



بحلم اتعلم السواقة واشتغل سواق

ممكن ادعى الغباء

او ممكن تشوفنى فى هوليود

ماسك العود

وبغنى انشودة دانتى

الانشودة الخامسة فى الجحيم

او امسك الهوا بايدى زى حليم

او ابعت لميج رايان ايميل

ممكن اشرب الشاى مع نابليون

او اخد القهوة مع محمد عفيفى

تحت ظل تمارا واحنا بنشم فى ريحة اللمون

ممكن اقنعة يكتب رواية

تبقى انتى فيها التفاحة وانا الجمجمة

او اشرب عرقسوس مع ابن الفرد او الفرض

مش عارف هى بالضاض ولا بالدال

هاقنعة يكتب قصيدة غزل فى كعب رجلى

اكيد رجلى اليمين

لان كعب رجلى الشمال

فية تعويرة من زمان

من وانا فى رابعة ابتدائى

عورهالى واحد اسمة ميدو جميل

فكرة
ممكن ابن الفرد يكتب قصيدة هجاء فى ميدو جميل

يبعتهالوا عالموبايل

نمرة موبايلوا

زيرو واحد زيرو ستة اربعين تسعين تلاتين

وليسقط عباس العبد

ويبقى احمد العايدى احد من كتبوا فى مجانين

هاقنع ديستويفسكى انة يجعل بين الاخوة كرامازوف محبة بدل العداوة

امتثالا للمثل الشعبى

الصلح خير

ممكن اقابل غاندى

واحاول اثبتلة ان اللى حصل فى المحلة

مكنش خروج عن افكارة السلمية للاعتصام المدنى

هافهمة نظرية البادى اظلم

هاشرحلة الفرق مابين ظلم الاستعمار وظلم الحكام

اكيد مش هاحاول اقرب من ليوناردو دافنشى

وهاقول لانيس منصور ان اللى يفكر انة فهم دماغ النساء

يبقى حمار

بحلم من زمان ارقص بالية

على موسيقا بيتهوفن

معزوفة الفرح او السعادة

مش فاكر

هو الفرح هو الاشمل ولا السعادة ؟

مش عارف

بس الافضل هو شعور الانتخة

هو انا مت ولا وصلت للانتخة

الباشا اعد القهوة وساب امورته واقف جنبة الباشا راح علي قصرة ونسي كمان حبيبتة الباشا شرخ في ملكوتة وفي عزبة ال
: الهي ملكة
:الباشا راح طنطا يشوف الحدة الفاضيةة
: دخل طب اسنان ناد علي بنت الجيران
: الباشا راح اسوان
: يدور علي بنت الحلال
: الباشا راح اسكندرية يدور علي سمكة ديا
: اي خدمة يا باشا

كل اللي اقدر اقوله لك
ممكن اجاوب على سؤالك
انت ان شاء الله ذاهب ورا الشمس
هههههههههههههههههه

وبعدين خلي الباشا ملوش دعوه بطب اسنان طنطا
انا عارفاهم كويس الباشا بتاعك ميسلكش معاهم خالص
خليه يطلع منها بدل ما ..............

لا تعليق
لان كلو دخل في كلو

ايه الحاجت الجامدة دى ياتيمو
متألق