بسم الله الرحمن الرحيم
والله انا مش عارف ابدأ منين ؟ ومش عارف ايه الي جابني اكتب الكلام ده
في المنتدي المحترم ده .
يمكن لقيت نفسي تعبان ومضايق
او لقيت القلم بينادي عليا وهو عمره ما ناداني في الدراسه
انا الي كنت بجري وراه دلوقتي وانا في اجازه هو الي مش سايبني في حالي
عمال يقولي تعالي يابني اكتب
وانا اقوله اكتب ايه وعن ايه ؟
اقوله الحاجات كتير والاسوأ فيه الاسوأ منه
وبعدين انا مين عشان اكتب ؟؟
يقولي انت شاب مصري زي اي شاب مصري عادي جدا ..
واحد من 80 مليون مصري واقف بيبص حوليه
عامل زي الي في مولد وميعرفش حد فيه ..
ساعات الاقي نفسي مش طايق الي بيحصل في بلدنا
وساعات ابكي لو سمعت بس كلمه مصر
ساعات اقول اننا ظلمنا البلد دي كتير
وساعات احسن انها ظلمتنا كتير اوي ومش مديانا حقنا
عارف احساس كأن الي بتعمله كله وبتبنيه ملوش فايده في النهايه
احساس كأنك بتبني بيت وعارف انه هيتهد فوق دماغك
عارف لما تحس ان الدنيا ادتك ضهرها والامور ماشيه مش زي منتا عايز
وتتمني ان الزمن يرجع بيك .. بس ازاي
الساعه ماشيه ومش بتقف ولو ساعتك وقفت ساعات كتير تانيه شغاله
يعني وراك وراك .......
وياريتك ان لوحدك الي كده .. كنت قولت معلش انا هتصلح فيه غيري كويسين
لا ده انت بتلاقي دوله بكاملها ماشيه في طريق دول اكبر منك حطاه ومححداه ليك
والمشكله اننا ماشيين ومش بنقول لا
نقوم بقي نعلق كل مشاكلنا في السلطات والاجهزه المعنيه والحكم
كان السلطه هي ربنا الي بيرزقنا وبننسي نفسنا
مش عارفين ان الي في مصر ده احنا مسئولين عن جزء كبير منه
والاقي شباب بيبيع وطنيته وحبه لوطنه عشان شويه فلوس
وادور علي عذر ليه اقول ده غلبان وعايز يكون انسان
عقلي يقولي بصوت عالي" هو فيه انسان من غير هويه ووطنيه "
مهما كانت دولتك ضعيفه وعندها مشاكل
اقتصاديه وسياسيه واجتماعيه هتفضل ارضك وبلدك الي حضنتك واتربيت فيها
يبقي انت كده مش بتظلم بلدك ؟؟؟؟؟؟؟؟؟؟
افتكر واقول لنفسي طيب ما فيه ناس بتتعب وعارفه ربنا ومش بتلاقي
يبقي كده البلد مش بتظلمنا ؟؟؟؟؟؟؟؟
ناس تجتهد والواسطه تكسب
يبقي كده متظلمناش ؟؟؟؟؟؟؟؟
يعين احنا بنظلم بلدنا وهي بتظلم فينا
زي ما نكون في متش ملاكمه
بس المشكله ان في المتش ده محدش بيكسب
مهو لو حد كسب المشكله هتتحل
لو ظلمنا بلدنا هنحاول نصلح نفسنا وبالتالي البلد هتتصلح
لكن احنا واقفين مش بنتحرك .. البلد تظلمنا ننتقم منها ونبيعها لاول مشتري
فوقوا يا مصريين بلدنا بتضيع قدامنا واحنا مش حاسين
لو بلدنا راحت مننا هنروح لمين ؟؟........................................
اتمني مكونش ازعجت حد بكلامي
والله انا مش عارف ابدأ منين ؟ ومش عارف ايه الي جابني اكتب الكلام ده
في المنتدي المحترم ده .
يمكن لقيت نفسي تعبان ومضايق
او لقيت القلم بينادي عليا وهو عمره ما ناداني في الدراسه
انا الي كنت بجري وراه دلوقتي وانا في اجازه هو الي مش سايبني في حالي
عمال يقولي تعالي يابني اكتب
وانا اقوله اكتب ايه وعن ايه ؟
اقوله الحاجات كتير والاسوأ فيه الاسوأ منه
وبعدين انا مين عشان اكتب ؟؟
يقولي انت شاب مصري زي اي شاب مصري عادي جدا ..
واحد من 80 مليون مصري واقف بيبص حوليه
عامل زي الي في مولد وميعرفش حد فيه ..
ساعات الاقي نفسي مش طايق الي بيحصل في بلدنا
وساعات ابكي لو سمعت بس كلمه مصر
ساعات اقول اننا ظلمنا البلد دي كتير
وساعات احسن انها ظلمتنا كتير اوي ومش مديانا حقنا
عارف احساس كأن الي بتعمله كله وبتبنيه ملوش فايده في النهايه
احساس كأنك بتبني بيت وعارف انه هيتهد فوق دماغك
عارف لما تحس ان الدنيا ادتك ضهرها والامور ماشيه مش زي منتا عايز
وتتمني ان الزمن يرجع بيك .. بس ازاي
الساعه ماشيه ومش بتقف ولو ساعتك وقفت ساعات كتير تانيه شغاله
يعني وراك وراك .......
وياريتك ان لوحدك الي كده .. كنت قولت معلش انا هتصلح فيه غيري كويسين
لا ده انت بتلاقي دوله بكاملها ماشيه في طريق دول اكبر منك حطاه ومححداه ليك
والمشكله اننا ماشيين ومش بنقول لا
نقوم بقي نعلق كل مشاكلنا في السلطات والاجهزه المعنيه والحكم
كان السلطه هي ربنا الي بيرزقنا وبننسي نفسنا
مش عارفين ان الي في مصر ده احنا مسئولين عن جزء كبير منه
والاقي شباب بيبيع وطنيته وحبه لوطنه عشان شويه فلوس
وادور علي عذر ليه اقول ده غلبان وعايز يكون انسان
عقلي يقولي بصوت عالي" هو فيه انسان من غير هويه ووطنيه "
مهما كانت دولتك ضعيفه وعندها مشاكل
اقتصاديه وسياسيه واجتماعيه هتفضل ارضك وبلدك الي حضنتك واتربيت فيها
يبقي انت كده مش بتظلم بلدك ؟؟؟؟؟؟؟؟؟؟
افتكر واقول لنفسي طيب ما فيه ناس بتتعب وعارفه ربنا ومش بتلاقي
يبقي كده البلد مش بتظلمنا ؟؟؟؟؟؟؟؟
ناس تجتهد والواسطه تكسب
يبقي كده متظلمناش ؟؟؟؟؟؟؟؟
يعين احنا بنظلم بلدنا وهي بتظلم فينا
زي ما نكون في متش ملاكمه
بس المشكله ان في المتش ده محدش بيكسب
مهو لو حد كسب المشكله هتتحل
لو ظلمنا بلدنا هنحاول نصلح نفسنا وبالتالي البلد هتتصلح
لكن احنا واقفين مش بنتحرك .. البلد تظلمنا ننتقم منها ونبيعها لاول مشتري
فوقوا يا مصريين بلدنا بتضيع قدامنا واحنا مش حاسين
لو بلدنا راحت مننا هنروح لمين ؟؟........................................
اتمني مكونش ازعجت حد بكلامي