فـــــــــــــــــــضــــــــــفـــــــــــــضــــ ـه

ياريت كل واحد فينا لما يكون حابب يكلم نفسه او يكلم اي حد مش موجود ادامه ..ياريت يلاقي مكان ثابت يتكلم فيه من غير ما حد يرد عليه او يقاطعه او يطلب منه توضيح او حتي يساله اي سؤال..مكان يتكلم فيه وبس..حتي من غير ما يكون منتظر رد..

انا هخصص المكان ده ليا ولكل واحد ممكن يشاركني نفس الفكره..ف اي لحظه او اي وقت هكون محتاج اتكلم هاجي هنا واتكلم..واللي عايز يتكلم يتكلم..

المشكله اني عارف ايه هيه مشكلتي الحاليه..لكني متاكد بردو اني مش ف ايدي حل او حتي محاوله للحل..
يمكن دلوقتي احاول انسي شويه..او اتجاهل احساسي وتفكيري شويه..
بس انا خايف لما افوق من الغيبوبه اللي هدخلها بمزاجي دي اني اتصدم او اني معرفش ارجع تاني زي الاول..بس فعلا نفسي اخد فتره هدنه..حتي لو هدنه وهميه..بس ارتاح شويه وابقي ارجع اكمل تاني..اكمل حياتي لو كانت لسه فيه عندي حياه..

الكل بيقول ان الحياه كلها دروس..وانا حاسس اني الفتره اللي فاتت من عمري اخدت دروس كتير ..كتير عليا..او علي شخصي..اكتر مما احتمل..نفسي اعيش شويه عشان استفيد من الدروس دي اللي اتعلمتها لكني ...افاجا بدروس تاني وتاني وتاني..عارف طبعا ان كل اللي بيعمله ربنا كويس..واكيد اكيد ان اللي ربنا اختارهولي هيكون احسن بكتير جدا من اللي انا اخترته لنفسي مهما كان..لكن انا حاسس اني مجهد..كاني لعبت ماتش ملاكمه وانضربت كتير اوي..هو ممكن حد يلعب وينضرب كتير اوي للدرجه دي؟؟؟ اكيد انا ماتدربتش كويس..اكيد لسه متعلمتش كفايه عشان افوز..لازم اتعلم تاني..

يمكن بعد فتره اقدر اقول انا اتعلمت ايه ومحتاج اتعلم ايه..يمكن يقدر لساني ينطق بيه..علي فكره..لو كنت اقدر انطق بيه مكنتش اخترت الحل السهل وهو اني اكتبه...ومازال النيل يجري..

انانفسي افضفض انا كمان بجد مخنوقه جدا . صحيح زي ما انت قلت ربنا بيعمل لنا كل خير و الحمد لله طبعا بس حاجه غريبه لما تحس كأنك انت بس اللي واقف في مكانك و الناس كلها بتتحرك . انا زي ما انا ناس بتتجوز و ناس بتخلف و ناس بتشتغل و ناس بتسافر و انا واقفه مكاني و لو اتحركت بتكون حاجه كده بسيطه مش بتعمل أي فرق في حياتي . حاولت اشتغل مانفعش حاولت ادرس مانفعش حاولت اتجوز بردوه مانفعش !!!
عمري بيعدي و انا واقفه زي ما انا . ساعات بحس اني ماليش لازمه في الحياه انا فايديتي ايه ؟ مع اني الحمدلله قريبه من ربنا بس زهأنه اوي من نفسي

مش عارف ليه لما بشوف اي عصير مضروب ف الخلاط بفتكر نفسي..وبفتكر بردو مقوله يوسف وهبي ما الدنيا الا ((خلاااااااااااط)) كبير.
المشكله اني مش عارف امتزج بباقي الحاجات والعناصر اللي حواليا.مش قادر ابقي من مكوناته..مش قادر ابقي عصير طعمه حلو..
الجو البرد اللي بحس بيه الايام دي بيفكرني بليالي كتير عشتها وكنت بحلم تكون احلي ف المستقبل((اللي هو دلوقتي يعني)) بس اكتشفت اني صحيت من الحلم انهرده بس ولقيت نفسي مش متغطي كويس وبخطرف((طيب يعني احلم انها تكون احلي علي اي اساس بس))المهم اني علمتها وحلمت لكن الحلم محصلش وده مش بايدي..
زي مانا عارف عيوب كتير فيا..انا بردو عارف شويه مميزات كده علي ادي يعني..منها اني مش بندم كتير علي حلم ماتحققش..لاني متاكد ان ربنا سبحانه وتعالي مخلهوش اتحقق لحكمه معينه عقلي التافه موصلهاش وممكن ميوصلهاش ابدا.بس المهم اني مش بندم كتير يعني..الحاجه الوحيده اللي بتخليني اندم بجد هيه خوفي ان يكون الحلم ماتحققش لتقصير مني مش اكتر..وده اللي بيخليني ف حيره طوووويله..انا مقصر وده السبب ولا دي حكمه ربنا وانا مش فاهم حاجه كالعاده..لكني بوصل لنتيجه تانيه خالص وهيه اني حتي لو قصرت ف دي بذاتها من حكمه ربنا بردو..والله اعلم..بس الحلم الجاي مش هقصر ومش هزعل لو بردو متحققش..بردو هقول الحمد لله..بيقين وبثقه تامه ف الله.وبرضا خالص.واكيد هدعي واقول يارب ارزقني الاخلاص لك وحدك يارب.
ربنا يستر..شكلي مش هعرف انام انهرده كمان..يلا مش هتفرق كتير..
__________________

اشهد ان لا اله الا الله
و
اشهد ان سيدنا محمد رسول الله

ياجماعه نفسى اقولكم حاجه تريحكم والله الواحد بيحبس لما بيبقا فى شباب كده بتحس بالهم والحزن قبل الاوان بيحزن بس للاسف الهم والاكتئاب بيكبر السن اوى وبيظهر العجز بسرعه وبيقتل حاجات حلوه كتير فى شخصيه اى واحد

واضح من كلام اغلب الى فضفضوا هنا انهم عندهم مشكلتين:

الفراغ وقت كبير جدا وبيجنى تفكير اكبر طبعا وتفكير سلبى قاتل

بعد الناس من حواليهم وده السبب انهم شاعرين بالغربه فى وسط اهلم او اصحابهم وان محدش حاسس بيهم

بس انصحكوا ياجماعه بكام نصيحه لعلها تكون فيها خير وحل ليا وليكم :

اولا: دايما تحافظوا على السلاه على اوقاتها محدش ياخرها
ثانيا :اهم حاجه اهم حاجه الاذكار ياجماعه ولو حابين اكتبهلكم انا تحت امركم والله
ثالثا : زياده الاستغفار ولو 10 مرات بس بعد كل صلاه فرض
رابعها والاعم : حاولو تتعرفوا على اصدقاء من النت او من حواليكم وقربوا منهم وخليهم محل ثقه وفضفضوا معاهم لو مطمنين ليهم طبعا

واتمنى من ربنا انه يوفقكوا فى كل خير ويرفع عنكم البلاء ودايما ادعو

"اللهم انى اعوذ بك من الهم والحزن والعجز والكسل وغلبة الدين وقهر الرجال "

"اللهم انى عبدك ابن عبدك ابن آمتك ناصيتى بيدك ماضآ فيا حكمك عدل فيا قضاءك أسألك بكل إسم هو لك او سميت به نفسك او انزلته فى احد من كتابك او علمته لاحد من خلقك ان تجعل القرأن ربيع قلبى ونور صدرى وجلاء همى وحزنى "

من قال هذا الدعاء ابدله الله فى قلبه مكان حزنه فرحا ومنتظر النتيجه ان شاء الله ان ربنا عفا عنكم وعنا جميعا

حاسس بيكي جدا..
ممكن تغمضي عنيكي للحظات وتفكري شويه صغيره..مش يمكن احساسك انك واقفه مكانك ومش بتتحركي ده احساس وهمي..مش يمكن اللي حواليكي كلهم ساكنين مش بيتحركوا..لكن..احساسك الوهمي ده جه نتيجه انك مصره تتحركي بينهم مش اكتر..
انا شايفك ف حفله زحمه اوي وبتلفي وتدوري وسط الناس اللي واقفه((منهم المتجوز ومنهم اللي بيدرس ومنهم اللي بيسافر))..وبتحاولي تقلدي اي حد منهم..
حاولتي تشوفي ولو حاجه واحده بس تناسبك من ده كله وتصري عليها وتنفذيها..حاولتي تخرجي برا الدايره ده وتشوفي ايه النجاح ف وجهه نظرك انتي وتحاولي توصليله..
انا مش هنصحك خالص..انا هفتح معاكي ابواب تانيه للتفكير للخيال للاحلام او للحياه..((يمكن لاني انا كمان محتاج للي يعمل كده معايا))
صدقيني..حاولي تفكري من زاويه تانيه..هتلاقي الامور اكيد مختلفه..

اسف لو كنت قاطعت عليكي الفضفضه بتاعتك..
بس كلامي ده كله فضفضه مني ليا نتيجه اني قريت كلامك وحسيت بيه..
فضفضي براحتك ومش هقاطعك تاني..ان شاء الله..

كلامك فى ريحه مشكله عاطفيه وصدمه كبيره كان فيها أمل كبير

يارب يكون كلامى وتوقعى غلط لكن ربنا يعافيك وده ايملى لو حبيت نكون اصحاب وانا يشرفنى اقف جنبك واساعدك لو بامكانى

ايه يا جماعه اليأس دا
الحياة حلوة

ويا ريت كل اللى عنده مشكله يكتبها بدون احراج يمكن نعرف نحلها معاه

واضح من كلام اغلب الى فضفضوا هنا انهم عندهم مشكلتين:

الفراغ وقت كبير جدا وبيجنى تفكير اكبر طبعا وتفكير سلبى قاتل

بعد الناس من حواليهم وده السبب انهم شاعرين بالغربه فى وسط اهلم او اصحابهم وان محدش حاسس بيهم

لا تسئم من الوقوف على بابه ولو طردت"
ولا تقطع الاعتذار ولو رددت فان فتح الباب للمقبولين فادخل دخول المتطفلين
ومد اليه يدك وقل له مسكين فتصدق عليه فإنما الصدقات للفقراء والمساكين

ايه الياس ده يا جماعه الحياه حلوه وبسيطه