مره تلميذ بيسال الاستاذ بيقوله: هو ممكن الاستاذ يعاقب الانسان على حاجه
معملهاش؟ قاله : لا طبعا. ففرح التلميذ أوي وقال له خلاص أنا معملتش الواجب.
استاذ انجليزي بيسأل تلميذ لو عايز تقول لواحد " تعال هنا" تقوله ايه؟؟
قال: أقوله" كام هير" ، وقاله: ولو عايز تقوله ارجع هناك؟ قاله: ألف من الناحية
التانيه واقوله" هيري كام"
مره ولد صغير راح لجارته وطلب منها انها توريه لسانها فسألته ليه؟!
فقال لها عشان ماما بتقول أن لسانك زي العقربه .
مره الاستاذ سأل الأطفال في الفصل الي بفتكر نفسه غبي يقف.. بعدها بشويه وقف تلميذ
فسأله الاستاذ وليه يا سيدي بتفتكر انك غبي.. فرد عليه التلميذ أصلي محبتش أشوفك
واقف لوحدك يا استاذ.
مره واحد اتصل بصاحبه في التلفون.. ورد عليه ابنه الصغير بصوت واطي
الو بابا فين يا حبيبي.. رد عليه: مشغول يا عمو.. طيب ماما فين؟
قاله ماما كمان مشغوله يا عمو.. قاله: طيب مشغولين في ايه يا حبيبي
مع البوليس يا عمو.. وبيعمل ايه البوليس عندكم... اصلي متخبي منهم
وبيدوروا عليا.
مره واحد جاب لامه دواء يخليها ترجع 20 سنه لورا، فتاني يوم راحلها
وقالها: ايه الحلاوه دي يا ماما، ومين الطفل ده؟ قالتله : يا نهار اسود اصل أبوك شرب الدوا كله