لحظة نكد

لحظة نكد
---------------
وبينقتل فينا الطموح
وتموت في احلامنا الأماني
وبيندفن صوت الأمل
والفرح ليه
لازم نعاني
الهم بيدوّر علينا
والجرح شجرة
وبالألم
نسقيها يجي طلحها
يكسر عنينا
ونسقي تاني
ورفرفة زي العلم
ثمرة ألم
على غصن اشجار الجراح
وبترتوي
من ماضي راح
ملهوش مواني
والثمرة تدبل
يبتدي ليل العشم
نجري هناك ونروح هنا
يمكن هتيجي تودنا
لحظة سعادة وينفرد
لينا الجناح
ونطير بعيد
ونلاقي ارض مخضرة
نزرعها حاجه تحبنا
نبدر بذور الحب يغمر ارضنا
ونبتها يا عمنا بيقول اغاني
ينزل ثمرها فـ حضننا
والفرح يجي عندنا
وبنقطفه
يطلع مكانه الف قلب
يقول يارب
زيل النكد
صبري نفد
من ايه نفد
من كام كمين
هد الوتد
آه يا بلد