اتفقنا علي ان نختلف

طبعا المقوله دي اشهر من النار علي علم

اشتهر بها المجتمع العربي

لو اتفقوا علي اجتماع يختلفوا علي ميعاده

ولو اتفقوا علي ميعاده اختلفوا علي محتواه

ولو اتفقوا علي محتواه اختلفوا علي التوصيات في اخر الاجتماع

خلاص اتعودنا اصلا بئت سمة عامه للمجتمع العربي

حتي الوقت الوحيد اللي المفروض الامه تتفق عليه اختلفوا فيه برضه

رمضــــــــان

زمان كانت الدول كلها بترمضن مع بعضها وتعيد مع بعضها

الايام دي كل دوله ماشيه بشوقها يعني كل دولتين تلاته يعملوا توقيت لرمضان مع نفسهم

ياتري السنه دي هيكون فيه كام توقيت لرمضان

زمان كانت الرؤيه بتحدد بداية الشهر الفضيل

دلوئتي الرؤيه بتحدد سياسات الدول ومين مع مين ومين ضد مين

ياعرب اتفئوا باه حيرتونا وشمتوا فينا الاعادي

معدش غير عيد الاضحي اللي مختلفتوش عليه

ربنا يستر دا اخر امل لينا







هيه وانتو باه ناوين تصوموا علي اي توقيت !!

العنوان رائع بجد

السنة اللي فاتت السعودية صاموا قبلنا بيوم
وفيه ناس هنا في مصر صاموا معاهم!!على أساس هم أصح !!ليه؟ معرفش
لدرجة أقنعوا الناس الي مصامتش ان السعودية صح والناس دي صامت اول يوم العيد على إنها آخر يوم رمضان ... قضاء يعني...كنا بنعيد وهم لسا في رمضان
لكن الناس التانيين قالوا كل دولة تتبع ولي أمرها ...يعني المفروض مكانوش صاموا!!
اولياء الامر قالوا كده وهم اللي يتحاسبوا ...!!ملناش دعوة

حاجة تخنق بجد...