ماذا لو اصبحت شخص ادارى فى المنتدى؟ كنت هتعمل ايه؟؟؟؟؟؟؟

سؤال تطرحه ادارة المنتدى

السؤال مطروح لكل اعضاء المنتدى

ماذا لو اصبحت شخصا ادارى فى المنتدى " نائب الرئيس . رئيس الوزراء . احد الساده الوزراء....................."

اعتبر ان هذا السؤال سيوفر الكثير من المجهود للساده الاعضاء فى ظل حملاتهم الانتخابية الشهر القادم بأءذن الله

وسوف تقوم الادارة بدراسة الشروط للمتقدمين مع العلم بأنها ستكون انتخابات حرة ونزيهه باءذن الله"والله رقيب حسيب" لاننا لن يكون لنا مصلحه فى ذلك ولكن المصلحه هى العمل على ارضائكم وان يصعد اسم المنتدى الى السماء ليتواصل الشباب فى جميع الانحاء ببعضه ولكنه لن يكون كذلك الا بكم

مع االعلم اننى لن اتقدم فى هذه الانتخابات لظروف خارجه عن ارادتى

شكرا

بالتوفيق للجميع
اتمنى من اى عضو فى المنتدى ان يشارك ويقول رأيه او يرشح نفسه
فلتشعروا بالحرية انه منتداكم جميعا
لايوجد منتدى بدون اعضاء كما لاتوجد دولة بدون شعب
ولو تفهم الشعوب لما كان كان هناك ديكتاتورية فى العالم
ارجو ان تنجح تجربتنا هنا فى المنتدى وان تكون نموذجا مشرفا
وان تكون المناقشات بناءة وحضارية ونموذجا يحتذى به
والبعد عن المهاترات والانتقادات الهدامة
وستستمر حتى الشهر القادم حتى يكون هناك فرصه للجميع
واذا مانجحت التجربه فسنكررها فى انتخابات لرئاسة المنتدى
واعدكم بأننىسأنصاع لصوت الاعضاءو سأتخلى عن مكانى واصبح كأى عضو اخر
اذا مانجح عضو اخر فى الانتخابات
بالتوفيق للجميع ......

رئيس المنتدى

اولا اشكركم على الموضوع الجرىء والجميل ده
وارجو لكم النجاح
واحب اشارك معاكم
انا لو ادارى هخلى فى مساحة حرية اكبر
كل واحد يعبر عن رأيه لااحتكار للاراء
وهزود اقسام المنتدى
هخلى الاعضاء يشاركوا اكتر فى المنتدى
يعنى يكون لهم اراء وتتنفذ
اكنهم شركاء فى المنتدى
والقاكم فى الانتخابات
انتخبونى بونى بونى
بيرات يحييكم رمز السيف

نرجو ان تكون حرة ونزيه
ومتكنش متفبركة
واعتبرونى معاكو
سامى رمز الزمالك
بالنسبة لى المنتدى دلوقتى كويس ومش هقدر اقدم اكتر من الموجود
وهاشوف بيق الاعضاؤ هيكتبوا ايه واشوف مين الانسب وانتخبه
بالنجاح
بس اهلاوى لالالالالالالالا
انا عنصرى
يايحول زملكاوى يااما مش هنتخبه

انتو بتتكلموا عن ايه
والانتخابات ازى وامتى
عاوزين تفاصيل اكتر علشان نقدر نشارك
وصلاحيات الناجحين هتبقى ايه
شكرا على الموضوع الجديد والمتميز

الموضوع فكرته جريئة
بس ياريت يطبق صح
وانا معاكم
وياريت كل الاعضاء تشارك
مش زى الانتخابات اللى هنا تلاقى 1% بس اللى بيشاركوا

البنات كمان ممكن تدخل
ولا ممنوع
ولا ايه
موضوع جرىء
وانا هرشح نفسى للرئسة نيابة عن اخوتى البنات
وهنجح بأصواتهم انشاء الله
موعدنا يوم الانتخابات
برنامجى بسيط
خروف لكل عضو

شيق ومثير
والدم للركب
انا مش هرشح نفسى يكفينى انى انتخب واشارك كعضو عادى
وهشوف الانسب وهقرر
بس يارب تكون فى صالح المنتدى
لاننى اتمنى ان اراه احسن المنتديات واشهرها

موضوع وفكرة كويسة
المنتدى كده كويس وفيه حرية كبيرة والدليل ان فى انتخابات
وشكراا

الترشيح سهل والبرامج وضعها سهل برضو بس الدور على التطبيق للبرامج دي
ويا ريت كل واحد يرشح نفسه يكون على قدر المسؤولية من طرح مواضيع جديده وجريئة وقابله
للنقاش واكيد حرشح الانسب والاحق
وربنا يوفق الجميع

ياجماعة فى الاول السلام عليكم جميعا
العملية مش محتاجة انتخابات
انا هخدها باكتساح
انا اكتر عضو نشيط فى المنتدى


طبعا بهزر
انا عن نفسى مش هقدر اشيل المسؤولية
انا هرشح المناسب واعتقد انه تيتو او تيمو او الملا
ده رأيى
وكل واحد حر فى رأيه
وشكرا لكم

انا عن نفسى وفى الول مشاركة ليا فى المونتدى
هنتخب عيد او اهلاوى انا شايف ان ليهم شغل كويس فى المنتدى
كنت هنتخب تيتو برده بس فى ناس هتنتخبه وبعدين هو قال انه مش هيرشح نفسه
لو هو مش هيرشح نفسه مين هيرشحها انا ؟
وعاوزين واحد او واحدة تنهض بالمنتدى وتيجعله من افضل واشهر المنتديات
وشكرا لكم
نداء الواجب

اتمنى ان يكون هذا الموقع من المواقع المميزة على الشبكة
وهذا ليس بالمستحيل او الصعب
واتمنى ان تنجح فكرة الانتخابات
وانا أرشح نفسى
انا لاعارف ان مشاركتى قليلة فى الفترة اللى فاتت
بس ده كان بسبب الامتحانات
وسوف ترون مدى التطور ان شاء الله
محمد المصرى
تجارة بنها
shadow

بص يا جامعه بجد انا هانعش المنتدي وهاجيب لكل عضو وزه ولي كلة عضوز وزوز حلو كده
وبدون هرتلة وبدون تهيس انا هاخلي المنتدي ده فية احسن موضيع

انا لسه عضوة جديدة فى المنتدى
واظن ان التجربة جديدة وممكن تنجح
بس هل هيبقى فعلا للمنتخب صلاحيات ولا هتكون صورة ورئيس المنتدى هو المتحكم
ومتنسوش ان التواجد باستمرار امر ضرورى لمتابة كل مايستجد فى المنتدى
واعتقد ان اهلاوى ليه نشاط ملحوظ فى المنتدى ومشاركاته عاليه هو وملا وده معناه انهك كتواجدين كتير بالمنتدى
ومش عارفة ممكن يكون فى اعضاء بيتواجدوا بس مبيشاركوش

فكرة كويسة
بس ممكن تفاصيل اكتر
وياريت متبقاش مفتوحة لاى حد يدخل
لازم يكون فى ضوابط وشروط تحكم العملية
والاخت شذى اللى بتختار العضو نشط او لا بعدد مشاركاته احب اقولها ان ممكن تلاقى اعضاء كتير مشاركاتهم اقل بس لما يساهموا بيساهموا بموضوع مفيد واعتقد ان المشاركات الكتير بتكون ردود او مواضيع منقولة
وشكرا وانا انشاء الله هشارك معاكم واختار المرشح المناسب بس ياريت تعرضوا المرشحين

موضوع رائع وفكرة عبقرية
يمكن تطبيقها ومش صعبة
بس عاوزة تنظيم وادرة كويس
بالتوفيق وانا هشارك معاكم
بس ياترى فى حد بيدفع رشاوى هنا؟
وتمن الصوت كام ؟

هاى
دى اول مشاركة لى فى المنتدى
احب الاول ارحب بجميع الاعضاء مع ان المفروض العكس والاعضاء يرحبوا بيا لانى جديدة
الموضوع ده بتاع الانتخابات جامد
بس هيبقى امتى
ومين المرشحين

طيب افرض ان بعد مانجح عضو ضحك علينا ومجبش الخروف او الوزة نعمل ايه
انا عن نفسى شاييفة احق واحد maged او eed
وفين صناديق الانتخابات

يا سامى ياعضو يامحترم لو قريت اللى انا كاتبه هتعرف انى مش داخل الانتخابات ولو انت دخلت انا هنتخبك عشان انا عندى روح رياضية وكل الاهلاوية كده مش متعصبين زى ازمالك
وفرحان انت وانت بتقول انك عنصرى
اهلاوى لالالالا ماشى ياعم شكرا

موضوع جميل وفكرة مبتكرة
ويارب تنجح وتلاقى اقبال
لان اى انتخابات بتنجح بالاقبال والنزاهة
انا بيتهيألى اهلاوى له شغل كتير وملا برضه

بالنسبة لطلبات كثير من الاعضاء تفاصيل اكتر عن الانتخابات والمواعيد والمرشحين
فأليكم التفاصيل
الانتخابات هتكون على منصبى نائب الرئيس ورئيس الوزراء
النائب سيكون له صلاحيات واسعة كرئيس المنتدى
ورئيس الوزراء سيكون مساعدا له وسيكون له سلطات واسعة ايضا على كل الاقسام والاعضاء
وسيتم ترشيح الاعضاء بمدى فعاليتهم فى المنتدى وذلك بعد اسبوع من الان
وبعدها تبدأ حملتهم الدعائية وتستمر اسبوع اخر
ثم تبدأ التصويت والانتخابات وتستمر اسبوعا
وللجميع فرصة للترشيح
وجميع الاعضاء عليهم الاشتراك والتصويت
ونحن نرحب بأرائكم ومقترحاتكم فى هذا الموضوع الذى وضعه تيتو النئب مؤقتا
وشكرا للجميع
ادارة المنتدى

مع العلم بان يكون لنائب الرئيس الصلاحيات فى لوحة الادراة للمنتدى والتى من خلالها
التحكم فى شكل المنتدى العام وهى عمليه سهلة وبسيطه جدا لانها مشروحه بالعربى لكن رئيس الوزراء لن تكون له الصلاحيات فى التحكم فى لوحة الادارة
ومن الممكن ان يلغى نائب الرئيس اى قرار او حذف لرئيس الوزراء انما العكس غير صحيح

ولكن فى النهايه تبقى كلمة الرئيس هى الاعلى وبالتوفيق لكل الاعضاء "المرشحين وغير المرشحين"



بس يا ريس عايزين نسيبنا من الكلام ده كله عايزين نعرف امتى انتخابات الرياسه انا زهقت قوى من الانتظار؟؟؟؟؟؟؟؟؟؟؟؟

انا رأيى تركز فى حاجات اهم بلا انتخابات بلا بتاع
وماله الرئيس الحالى يعنى
والجديد هيعمل ايه زيادة
اللى نعرفه احسن من اللى منعرفوش