إفتح لنا قلبك ,,,,, شاركنا مشكلتك,,,,, فلكل مشكلة حل

عندما تتألم النفس

ويضيق القلب بما يحمله من هموم المشاكل

وتتقرح الاجفان بحرارة الدموع

لا يجد المرء غير الكلام والشكوى

فالحزين يجد راحته في الكلام

ويحتاج من يشاركه احزانه ومشاكله

ونحن هنا لنشاركك كل ما يحزنك

نحن هنا لنسمع مشاكلك ونبحث معك عن الحل

وسيكون هذا الموضوع بإذن الله متنفساً

لكل من يعاني من مشكلة

وسنتعاون دائما لإيجاد الحل الانسب

لمشاكل اخوتنا الاعضاء

توضيح اخير : هذا الموضوع لنا جميعا ، نتشارك فيه

المشاكل والحلول ان شاء الله .فهو يستمر بمشاركاتكم انتم .

انتظر تفاعلكم ومشاكلكم .

دمتم بكل خير

موضوع رائع اتمنى له النجاح

واعتقد ان المشاكل العاطفيه كتيره جدا فى الزمن ده

بس يارب انتى ما تزهقيش منها يا اختى العزيزه شمس

طبعا يا شباب الفكره وصلت وان شاء الله هنكون معاكم من غير اى قلق

وعلشان ميبقاش فى لخبطه ان شاء الله الموضوع ده هيكون هوا الموضوع

الاساسى للمشاكل ومش بس مشاكل الحب يعنى اى مشكله ان شاء الله هنقدر

نساعدك فيها ويارب الاستفاده تعم على الجميع

وطبعا نرجو المشاركه من الجميع فى حل جميع المشاكل اللى تقدر تفيد

فيها لاننا ممكن نكون مكانهم فى يوم من الايام

وان شاء الله سيتم دمج كافه المواضيع فى هذا الموضوع

تحياتى للجميع وبالتوفيق ان شاء الله

بجد فكرة الموضوع جميلة جداااا وياريت كلنا نشارك فيها لان دايما الانسان لما بيكون جوه تجربه مبيقدرشى يحكم عليها بنفسه كويس....واحنا طبعا هنحاول نساعد بعض من خلال ان كل واحد فينا يعطى رأيه فالمشكلة

انا هاحكى مشكله لواحدة

هى كانت بتحب واحد وهو كان بيقول انة بيبحبها بس هى مكنتش متاكدة وفضلوا مع بعض فترة

طويله وبرضه مقدرتش تتاكد جت فى الاخر وسابتة عشان مش قادرة تكمل معاه وهى مش واثقه

من حبه عالرغم انها بتحبه جدا وفضلوا فترة سايبين بعض بس هى مش قادرة تنساه رغم انها

بتعمل كل حاجة تخليها تنسى بس مش عارفه تنسى واوقات بتحس بالندم انها سابته وبتخاف تكون

ظلمتة يبقى ايه الحل ليها

الاول ...عمر الاحساس ده ماهيجلها من فراغ اكيد فى حاجات حسيت منها انه مبيحبهاش ...واكتر حاجة تخليها تتأكد من الموضوع ده او على الاقل انه مش واخد الموضوع بشكل جدى انه ميتكلمشى فموضوع الارتباط الرسمى اويأجله لمده طويله او ميكونشى بيخاف عليها وحاجات تانية كتييير اى حد بيكون عارفها

ثانيا بقى لو هوا بيحبها تاكدى انه همره ماهيسبها وهيعمل العجب علشان يرجعلها

ثالثا ..عارفها هيا مش هتقدر تنساه الا لو ارتبطت ده فرأى الشخصى لانه ساب عندها فراغ عاطفى ...كانت اكيد مبسوطة وهيا شايفة بيسأل عليها وكده يعنى..وطبيعى جدا ان اى حد بيطلع من تجربة حب مبينساش علطول وبيفتكر ان الدنيا كده خلصت وده مش حقيقى خالص ..بعد فترة بيبدأ ينساوياخد الموضوع ببرود شويه

صدقينى لو بيحبها تأكدى 100% انه مش هيسبها

وفى حاجة حلوة اوى سمعتها قبل كده بيقولوا"انتى هتتجوزى جوزك"




عايزة ااقولك بقى فالاخر حاجة مهمة جداااا اقوللها تحمد ربنا انها هيا اللى سابته لانه لو كان سابها كانت هتتعب جدااا

كده هيا حافظت على كرامتها

يارب اكون قدرت احل المشكلة شويه

ميرسى يا شمس على ردك الجميل بالنسبه للاحساس انة مش بيحبها هو كان بيعمل تصرفات كتير تحسسها انة بيحبها وفى نفس الوقت كان بيعمل حاجات كتير تزعلها بس هى من النوع اللى بيخاف اوى من موضوع الحب وعندها اعتقاد ان اى ولد هايقولها بحبك يبقى بيتسلى بيها وكانت على طول مش واثقه فيه وكتير بتكدبه ودة كان بيسبب مشاكل كتير بينهم ودة اللى كان بيخليه يتصرف تصرفات تزعلهابالنسبه لموضوع الارتباط الرسمى ما ينفعش لسه لانهم الاتنين فى الكليه لسه

وحتى انها مش هتنساه الا اما ترتبط بغيره هى اصلا مش ناويه تحب تانى لانها برضه خايفه وحتة انة لو بيحبها مش هيسبها دة فى حاله لو هى مكنتش بتزعله او هى اللى سابتة

وتحمد ربنا انها سابتة ماهو ممكن كان بيحبها بجد وضيعتة من ايديها

بالنسبة للمشكلة الموجودة انا عندى نفس المشكلة برضة بحس ان لما واحد بيحب واحدة برضة بيتسلى بيهاعندى شك دايما فى كل حاجة فى اغلب الاوقات انا بقى كنت بدخل شات ومش كنت بتتعرف على ولاد وبعدين جة واحد قال ان هو معجب بيا فانا وافقت بس قولتلة انا لازم اقول لاهلى وكدة وبعدين انا كنت واخدة انطباع من طريقة كلامة مع الباقيين انة كويس فانا لما قولت لماما زعقتلى لانة ةكان لسة طال وكمان كلية فى اعتقادها انة اقل من كليتى وان انا اعلى من جهة التعليم بس انا كنت عاوزة اتكلم معاة مش عارفة دة يمكن لانى كنت حاسة انة كويس وكمان اول تجربة ليا وانا مش بحب اعمل حاجة من ورا اهلى فقولت لمامتى بس هى رافضة بس ممكن توافق لما يخلص خالص يعنى مش هينفع اقابلة الا لمايخلص هو على الاقل الاول بعد سنتين وبس احنا بنتكلم على النت وانا رفضت اننا حتى نشوف بعض او مكالمات الا لما اهلى يبقوا عارفين بس هو كويس من وجهة نظرى بس مش عارفة لما اوقات براجع نفسى بحس انى غلطت انا مش اعرف حاجة عنة وبحس انة متهور وكان بيعمل حاجات غلط وانا عرفت بس انا سامحتة فى كدة بس حتى لما قال اننا ننفصل علشان راى ماما دةوكدة وبعدين رجعنا لبعض انا بحبة اة بس اوقات بقول انة طايش وبقول هو بقى كويس بس خوفى من ان الحكاية دى تفشل بيخوفنى انا بحبة اة بس مش عارفة يا ترى دة الانسان المناسب ويا ترى لما نتقابل على الحقيقة دة هيتغير وهو يتغير من ناحيتى وانا هتغير من ناحيتة ولا لا والارتباط بتاعنا الكلام دة بس مجرد كلام على النت صح ولا لا ويا ترى دة هيبين شخصيتنا لبعض ولا لا

السلام عليكم ورحمه الله وبركاته

واهلا بيكى مع اسرتك

بصى مشكلتك بسيطه جدا على فكره

بس انتى مش واخده بالك

احنا اه بنتكلم على النت وبنعجب ببعض

وممكن ناس ارتبطت منه بس نسبه محدوده جدا

وخلى بالك انا بقولك وانا ولد اهوا ان ممكن

اى حد يتسلى على النت ويحكيلك على حاجات عمرها محصلت

وشخصيته بتكون غير اللى على النت فى الحقيقه

بس فى ناس برضه بتتكلم بصراحه على النت

وهيه هيه فى الحقيقه وانتى احساسك

اللى هيقولك هوا مين فيهم

وبجد لو انتى اصلا شايفاه وحش على النت زى مبتقولى فى حاجات

هيكون ايه فى الحقيقه

انا اسف ان الرد تقيل بس انا بكلمك بصراحه

وبصى مدام اهلك مش موافقين من الاول

يبقى نكسب اهلنا وعلى فكره

انا مش بقول كده علشان علاقات النت

لا بالعكس فى علاقات ناجحه جدا

بس اللى بقوله انوا صعب ارتباطهم شويه

فالحل فى ايديك وانتى شايفاه ازاى

يعنى لو كويس يبقه مفيش مشاكل بس

لازم اهلك يوافقوا برضوا

علشان المشاكل بعدين

يارب اكون قدرت افيد

تحياتى

موضوع جامد كيك وهادف

مشكلتى انى بحب بلدى
وللاسف بقت مشكلة

يا جماعه مش كل المشاكل عاطفيه

وبعدين الجواز عن طريق النت ده ليه مخاطر كتيرة لان كل واحد من الطرفين بيحاول يجمل نفسه امام التانى انما على الطبيعه التظاهر بالصفات بيبقى صعب شويه

اما بالنسبه لشرودر فكلنا بنحب البلد
بس لازم نفصل بين البلد والحكومه والنظام

يا جماعه مش كل المشاكل عاطفيه

وبعدين الجواز عن طريق النت ده ليه مخاطر كتيرة لان كل واحد من الطرفين بيحاول يجمل نفسه امام التانى انما على الطبيعه التظاهر بالصفات بيبقى صعب شويه

اما بالنسبه لشرودر فكلنا بنحب البلد
بس لازم نفصل بين البلد والحكومه والنظام

حاليا بقتت اغلب المشكاكل عاطفيه
لان الشباب بقى كل تفكيره او غال تفكيره فى العاطفة

مشكوره على فتح هذا الباب من الابواب التى تريح الانسان ويجد فيها باب من ابواب

الحياه التى يرى فيها انه تريحه وتنسيه اعباء الحياه ومشاكلها
فرهم انه تقع تحت بند مشاكل الأ انها من النوع الذى يريح الاعصاب
اتمنى ان توفقى فى الحل الاصوب والامثل
شكرا

طيب ممكن فين الموضوع علشان اقول مشكلتي ولا اروح منتدي تاني وقول فية ولا اية
وشكرا

ننتظر باقى المشاكل والمشاركات والحلول من جميع الاعضاء

السلام عليكم ورحمة الله وبركاته
أولا انا لسة جديدة هنا معاكو في المنتدى بس لما لقيت الموضوع ده بصراحة فكرته عجبتنى وحبيت أنا كمان احكى عن مشكلتى أنا اتعرفت علي واحد من النت وحصل بنا اعجاب وفضلنا نكلم بعض لمدة حوالي شهرين وبعد كده نزلت اقابله ده طبعا بعد ما والدتى عرفت وحتى كمان هى نزلت معايا تقابله
وبصراحة لما شفنا بعض اتشدينا لبعض اكتر وبعد شوية كمان من معرفتنا لبعض وصلنا فعلا للحب
وعلي فكرة انا طبعا اتأكدت من ان معلوماته عن نفسه كانت صح
المهم احنا عارفين بعض بقالنا حوالي 11 شهر بس المشكلة ان هو دكتور ووالدته عايزة تجوزه دكتورة وكلمها كذا مرة وهى مش راضية مصممة علي دكتورة وانا في كلية تربية وهى برده مش موافقة عايزة دكتورة وهو مش عارف يعمل ايه ؟ انا بقي اعمل ايه معاه؟ وهل ده ضعف شخصية منه ولا عجز ولا ايه بالظبط؟
وميرسي لفكرة الموضوع الجميلة دى

الموضوع حلو فعلا
اهو الواحد يلاقى مكان يفضفض فيه