لو كنت صحفى.........

لو كنت صحفى كنت هتكتب فى ايه.....سياسة....رياضة...اقتصاد....فن ..وهتكتب ايه يلا ورينا حاجه كان ممكن تكتب عنها او اطرحها علينا

لو كنت صحفي كنت هكتب مواضيعي عن العلوم باسلوب علمي بسيط علشان اوصل المعلومة للناس باذن الله ...
لاننا للاسف لدينا نقص كبير جدا في اسلوب الكتابة العلمي المبسط...
وشكرا لك علي الموضوع الاكثر من رائع وعلي مجهودك الرائع

اظن المساحه اللى بتديهالنا دى يا ريس بتخلينا نتكلم بحرية اكتر من اى صحفى

اديك شوفت لما ابراهيم عيسى حاول يتكلم فى الممنوع بهدلوه


وربنا يخليك لينا يا ريس

انا احب اتلك فى الممنوع
السياسة
اى حاجة ممنوعة
اوعى يكون المنتدى عليه رقابة
لازم يكون فى حرية وديمقراطيه
وانتخابات نزيه

لا يا قبطان متخفش مفيش رقابه ولا حاجه قول اللى فى نفسك

هى الحكومه هتمنعنا من الكلام هنا كمان؟؟

انا كنت خايف من صاحب المنتدى والمشرفين ليكون الكلام ممنوع
الحكومة مبتخوفش دى لابتهش ولا تنش
خيال مأتة
مش عارف انا ايه ده لحد امتى
نفسى اوى اكتب عن فلسطين والعراق وافغانستان
اتشغلنا بالعيش ونسينا القضايا بتاعتنا
بلدنا وعرضنا اتسرقوا
نفسى اتكلم واصرخ نفسى صوتى يوصل لكل الناس
معلش ياجماعة سرحت شوية

لو كنت صحفى عن الشباب المظلوم اللى مبيلقيش فرصة عمل رغم العناء

والتعب والمصروفات

مع ذالك بيتحرمو من اقل حق من حقوقهم المشروعه

موضوع شيق
انا لو كنت صحفى كنت هكتب عن الناس المظلومة الناس اللى مش لاقيه مكان يأويها ولا اكل ولا مياه نظيفة
الناس اللى عايشين فى العشوائيات
الناس اللى بتعيش 10 افراد فى غرفه
الناس اللى محدش بيتكلم عنهم ولا بيهتم بيهم

كنت هاكتب واتكلم عن فلسطين
العراق وافغانستان سوريا ولبنان
وايران كمان
كنت هاكتب واقول الحقيقة وافضح الامريكان والاسرائيلى الجبان
بس ياريت اقدر اكتب واقول
شكرا على الموضوع الجميل والفرصة اللى اتيحت لكى نعبر عن انفسنا

احييكم في المنتدى على اتاحة الفرصة لي لاكتب واناقش بعض المواضيع معكم
اما بالنسبة للسؤال لو كنت صحفي اكتب في ايه
فلا يوجد موضوع محدد فلا احب ربط نفسي بموضوع معين واحب ان اترك لنفسي الحرية لاختيار الموضوع وتوجيهي له وليس ان اوجه نفسي له
ارجو ان اكون عبرت بشكل مفهوم
و لا ارى نفسي صحفيا فلست اهلا لذلك فهي مسؤولية عظيمة

انا كنت هكتب عن الكورة
لانى بحبها ومتابعها وبعرف اتكام فيها
وكنت هكون محايد
لان دى او حاجة لازم تكون فى الصحفى
وكل واحد ممكن يكتب المهم هو يكتب فى ايه
المهم يكون عارف اي اللى المجال المتميز فيه

انا فعلا فرحتى كبيرة بالعدد الكبير من الاعضاء اللى عرض المشاكل اللى هيتكلم فيها

وخصوصا مشاكل العراق وفلسطين

وعايزين نشوف اقلام شفافه ذى مصطفى بكرى وحمدى قنديل وعمرو الليثى

وبالتوفيق دايما يا شباب

الموضوع متميز
ويجب ان يعطى لكل عضو مساحة كافية من الحرية للتعبير عن نفسه
وعن مايجول فى خاطره

مشكور ونرجو المزيد من المواضيع الشيقه

كل الصحفيين اهدافهم نبيلة
وعاوزين نسمع باقى الاعضاء

انا بقى كنت كتبت عن المنتدى وازاى بستفيد منه
عملت عنه اعلانات يعنى
يمكن اترقى ولا حاجة

لو كنت صحفى طيب وليش اكون اصحفى بلا وجع راس