يـومـيــــات ادارة منتدى الشباب

ههههههههههههههههه
يوميات جامدة
مستنين الباقى ياسندباد

هههههههه
ده مشرف مخنوق من نفسه اوى
انا لو منه انتحر واريح المنتدى
منتظرة الجديد

هههههههههههههههههههههههه
كالعاده بتموتني من الضحك يا سندباد

السيسي

شوقتنا ياسندباد نكمل بقيت اليوميات
نستنين البقية

انا بشكركم على متابعة الموضوع ويارب الباقى يعجبك
بس انا غيرت عنوان الموضوع خليته يوميات ادارة منتدى الشباب
هحاول اتخيل الى بيحصل فى الادارة بين المشرفين ورئيس المنتدى ويارب يعجبكم
وهحاول اشرك اكبر عدد من الاعضاء ومحدش يزعل منى ده كلها من الخيال الاسماء بس الحقيقية

ايه ياعم الشعر الجميل بس انا مستحقش كل الكلام ده
على العموم شكرا على المرور واتمنى مواضيعى تعجبك

انت عايز توصل لايه بالظبط معايا
بجد والله والله كل يوم قبل منام بفرفر منك من كتر الضحك ارحمني شويه
بقيت والله ادخل اول ما اشوف سندباد كاتب موضوع اجري عليه عشاان افرفر من الضحك
شكرا ليك ياسندباد
سيسى : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يانقنعهم يا يقنعونا

بالمناسبه انا مش عاقل اوي كده انا لو الموضوع ده بجد هقولك سبها تولع وانتف ريش الي انت عاوزه

السيسي

هههههههههههههههه
جامدة اوى ياسندباد
بس انا زعلان
انا اسمى مجاش ليه مع الناس دول ولا مش قد المقام

ياسيسى باشا ربنا يخليك انت بتحرجنى بكلامك ده
انا سعيد ان مواضيعى بتعجبك
وبعدين انت عاقل وسيد العاقلين كمان
وشكرا على مرورك اللى دايما بيدينى قوة علشان اكمل

عبدالله باشا شكرا على المرور ومتزعلش منى بجد
والقصة الجاية هتبقى فيها اكيد طبعا واحنا نقدر نستغنى عنك
ده المنتدى ميبقاش منتدى من غير مشاركاتك

هههههههههههههههههههههههههههههههههههههههههههههههههههه موضوع حلو يا سندباد بس يا عم امشي جنب الحيط وخليك بعيد عن الاداره بدل ما ينتفو ريشك انا خايف عليك انا كنت في يوم في الاداره

ياعم الارزاق على الله
ينتفوا انا فدا للمنتدى
طيب وايه اللى رفدك من الادارة خدت صابونة ولا ايه
الف شكررررر على المرور

انا استقلت متقولش صابونه فال الله ولا فالك انا خارج من الاداره بمزاجي

ماشى ياعم المستقيل وبعدين ده هما اللى خسروك بلا ادارة بلا وش

ههههههههههههههههههههههههه
رغم ان اسمى مش موجود بس هضحك
ههههههههههههههههههههه

نورت الموضوع يامحمد

يلا ياجماعة نشوف ايه اللى حصل النهاردة معادارة المنتدى
بس عاوز ردود بقى علشان اكمل

ادمن: ياجماعة أنا عايزكم تفتحوا عينيكم وتراقبوا الناس كويس.....الفترة دى حرجة وحساسة فى تاريخ المنتدى.... وعايزكم كمان تخزقوا عينين أى واحد يقول على المكان ده (منتدى)...المكان ده إسمه (جمهورية الشباب )
دلوقتى تقدروا تتفضلوا على مكاتبكم جتكوا الغم ...........



السيسى هامسا فى أذن تيمو : إيه العبارة...مال البيج بوس كارف علينا كده ليه ....اللى يسمعه يفتكر إننا بنعبى فى فلوس من ورا الشغلانة دى .... أنا الشغلانة دى لولا إنها عاملالى بريستيج ولا كنت قبلتها .... إنت عارف إنى كان نفسى من زمان أبقى مشرف إن شالله حتى على دورة ميه

تيمو: عارف يا ياسيسى أنا زيك بالظبط ...إنت عارف إنى كان نفسى أدخل كلية الشرطة عشان تبقى فى إيدى سلطة بس مجموعى فى الثانوية العامة طلع كبير غصب عنى فاضطريت أدخل كلية الهندسة وبعدين كمان مكنتش حتقبل فى الشرطة عشان عندى تقوس فى الساقين

رضوى: ممكن نبطل رغى شوية ونشتغل شويتين....الجدع اللى كاتب موضوع إيه الفايدة من ورا المنتدى ده عايزين نحول أوراقه لفضيلة المفتى

عيد : هوه المفتى فاضى لنا يا رضوى
المفتى بيحضر من دلوقتى علشان هلال شهر ذى الحجة....إنتى عارفه إن فيه فرق يوم بينا وبين السعودية.....إحنا نصفى الجدع ده من سكات...فى العزومة الجاية فى المول يكون سيسى وتيموراكبين موتوسيكل ومعاهم لف ايجيبت....وأول ما يشوفوه داخل المول يصفوه ويهربوا

ايمان: وأنا عليا هجيب لكم صورته.....هخترق جهاز الكمبيوتر بتاعه وأدعبس فيه على صورة له يكون مخزنها على الجهاز

اطلال: أنا ضد التصفية الجسدية....إحنا نعمل معاه زى ما عملوا مع صدام حسين ..... يعنى وهوه رايح على المول نخطفه فى عربية ونطلع بيه عالطريق الصحراوى ياخد اللى فيه النصيب ولا من شاف ولا من درى

المصرية : تعالوا بسرعة....الحقونى.....شوفتوا الموضوع ده

يجتمع المشرفون حول المصرية فى فزع متسائلين (موضوع إيه ؟؟)

المصرية: ده موضوع مكتوب فى صفحة الحوادث فى أخبار اليوم مش هنا فى المنتدى

ايمان : ممكن تتكلمى علطول ... أقصر الطرق إلى الحقيقة هى الطريق المستقيم

المصرية : قصدك أقصر الطرق إلى السجن

ينتزع سيسى الجريدة بقرف من يد المصرية قائلا : يختى إنطقى إحنا ناقصينك

يقرأ سيسى المكتوب فى الجريدة بصوت مرتفع: مقتل عاملة نظافه بالمول....مسلحان يطلقان النار عليها ويلوزان بالفرار على موتوسيكل....النيابة تعد بفك غموض الجريمة خلال ساعات

ايمان: يعنى بدل ما نصفى الجدع بتاع إيه فايدة الكتابة فى المنتدى قتلنا الولية الغلبانة دى

تيمو : إنتى يعنى بقيتى عاميه البصر والبصيرة كمان.....إنت مش قلتى هتخترقى الجهاز بتاعه وتجيبى صورته ؟؟؟....الصورة اللى إنتى إديتهانى دى أناوسيسى نسخة منها كانت صورة الست دى....

ايمان: شئ غريب فعلا دى شبهه تمام
بس إيه اللى جاب صورتها على الجهاز بتاعه....لازم ألاقى حل للغز ده
ادمن : لغز إيه وهباب إيه....الله يخيبكم....ده أنا لو معين ارنب بدالكم كان عمل شغل أنضف من كده....إنتم إيه مشرفين ولا متفرجين

عيد : ياجماعة ايمان مالهاش فى إختراق الأجهزة .... هى بتحب تهول شويه لكن معندهاش فكره... أنا رأيى نجند لف ايجيبت وعبدالله وتيتو مقابل مكافأة شهرية ..... خبرتهم كويسة فى المسائل دى

تيمو : بلاش تيتو ...لو خد له جوز اقلام فى القسم هيعترف علينا كلنا

سيسى : لا حول ولا قوة إلا بالله.....ده أنا عملت فيها رامبو وأول ما شفت الوليه داخلة المول غنيت نشيد الولاء بتاع المنتدى وركعت على ركبى فى وضع الإستنفار وفضيت الرشاش فيها وبعد مالخزنة فضيت قلت لتيمو غطينى على ما أحط الخزنة التانية

هوبة: بالمناسبة إيه نشيد الولاء ده ياسيسى
السيسى : (ماما زمانها جايه...جايه بعد شويه...جايبه لعب وحاجات)

نغني بقي نشي الولا للسجن علشان شكلنا اتكشفني هو في المفتش كرمبو اصل الحكومه استعانه بخبراء من امريكا للتحقيق في القضيه واكيد هنتقفش

تسلم ايدك يابرنس
موضوع جامد
واسمى جه فى الموضوع جبتوا رجليه معاكم فى الجريمة

يوميات جامدة ياسندباد
للامام دايما
تحرمناش من طلتك على المنتدى

love@egypt كتب:نغني بقي نشي الولا للسجن علشان شكلنا اتكشفني هو في المفتش كرمبو اصل الحكومه استعانه بخبراء من امريكا للتحقيق في القضيه واكيد هنتقفش

متبقاش خواف كده
السجن للرجالة يالف ايجيبت وبعدين اقولك هنشيل تيتو القضية ونشهد ضده
ولا يهمك وشكرا على الاهتمام والمرور

عبدالله كتب:تسلم ايدك يابرنس
موضوع جامد
واسمى جه فى الموضوع جبتوا رجليه معاكم فى الجريمة

اى خدمة ياعبدالله
المهم انك معنا جريمة بقى ولا منتدى مش هتفرق يباشا
شكرا على مرورك الذى اسعدنى جدا